TIBERIAS

1. Isang lunsod na itinatag ni Herodes Antipas noong mga 18 C.E. at ipinangalan kay Tiberio Cesar, emperador ng Imperyo ng Roma nang panahong iyon. Tinatawag pa rin ito na Tiberias (Teverya) at ito ay mga 25 km (15 mi) sa SHS ng Nazaret, sa maituturing na makitid na lupain sa kahabaan ng kanluraning baybayin ng Dagat ng Galilea, 210 m (690 piye) ang kababaan sa Mediteraneo. Ang Tiberias ay mga 15 km (9.5 mi) sa gilid ng dagat mula sa Capernaum at 9 na km (5.5 mi) sa itaas ng dako kung saan humihiwalay ang Jordan mula sa katubigang iyan. Dito nanirahan si Herodes bilang tetrarka. Malapit dito, sa dakong T ng lunsod, ay may kilaláng maiinit na bukal. Ang lunsod ay minsan lamang binanggit sa Kasulatan.​—Ju 6:23; LARAWAN, Tomo 2, p. 739.

2. Ang Dagat ng Galilea (Yam Kinneret) ay tinatawag kung minsan na Tiberias, ayon sa lunsod na may gayong pangalan na nasa kanluraning baybayin nito.​—Ju 6:1; 21:1.