Teokratikong mga Balita

◆ Ang mga pandistritong kombensiyon sa Bahamas ay dinaluhan ng 2,212, at 40 ang nabautismuhan. Ang peak ng kanilang mamamahayag ay 974.

◆ Naabot ng Bolivia ang isang bagong peak na 5,823 mga mamamahayag, 17-porsiyentong pagsulong kaysa aberids noong nakaraaang taon.

◆ Ang Burkina Faso ay nakaabot sa isang bagong peak na 388 na mga mamamahayag.

◆ Ang pinakamataas na bilang ng mga mamamahayag na 11,366 ay iniulat kamakailan ng Costa Rica. Isang bagong peak na 15,265 na mga pag-aaral sa Bibliya ang naabot din.

◆ Ang Ghana ay nagkaroon ng isang bagong peak na 34,284 na mga mamamahayag, 12.7-porsiyentong pagsulong kaysa aberids nang nakaraang taon. Ang bilang ng kanilang mga pag-aaral sa Bibliya na 56,650 ay isa ring peak para sa taon.

◆ Ang Guadeloupe, taglay ang peak na 5,565 na mga mamamahayag, ay may dumalong 12,488 sa kanilang pandistritong mga kombensiyon, at 266 ang nabautismuhan.

◆ Ang bagong peak ng Hapon sa mamamahayag ay 128,202. Apatnapu’t isang porsiyento sa kanila ang nasa gawaing payunir.