Mga Paalaala sa Memoryal

Ang pagdiriwang ng Memoryal sa taóng ito ay papatak sa Linggo, Abril 8. Dapat na bigyang-pansin ng matatanda ang mga sumusunod:

◼ Sa pagtatakda sa oras ng pulong, tiyakin na hindi ipapasa ang mga emblema kundi pagkatapos lumubog ang araw.

◼ Dapat na ipaalam sa lahat, pati na sa tagapagsalita, ang eksaktong oras at dako ng pagdiriwang.

◼ Dapat na kunin at ihanda ang angkop na uri ng tinapay at alak.​—Tingnan ang Agosto 15, 1985, Bantayan, pahina 19.

◼ Dapat na patiunang dalhin sa bulwagan at ilagay sa tamang dako ang mga plato, baso, at isang angkop na mesa at mantel.

◼ Dapat na patiunang linisin nang lubusan ang Kingdom Hall o ang ibang dako na pagpupulungan.

◼ Dapat na piliin ang mga attendant at mga tagapagsilbi at tagubilinan nang patiuna hinggil sa kanilang mga tungkulin at tamang pamamaraan.

◼ Dapat na gumawa ng mga kaayusan upang mapagsilbihan ang sinumang pinahiran na may sakit at hindi makadalo.

◼ Kapag higit sa isang kongregasyon ang nakaiskedyul na gagamit sa iisang Kingdom Hall, dapat na magkaroon ng mabuting pakikipag-ugnayan ang mga kongregasyon upang maiwasan ang di-kinakailangang pagsisikip sa bulwagang hintayan o sa pasukan, sa mga pampublikong bangketa, at sa paradahan.