Sampol na Presentasyon

Para makapagpasimula ng mga pag-aaral sa Bibliya sa unang Sabado ng Mayo

“Lahat tayo ay nagkakasala. Naisip mo na ba kung mapatatawad ng Diyos kahit ang malulubhang kasalanan?” [Hayaang sumagot.] Ipakita ang artikulo sa pahina 15 ng Mayo 1 ng Bantayan, at talakayin ang materyal sa ilalim ng unang tanong at kahit isa sa mga binanggit na teksto. Ialok ang mga magasin, at sabihing babalik ka para talakayin ang kasunod na tanong.

Ang Bantayan Mayo 1

“Ano ang masasabi mo sa tekstong ito? [Basahin ang 1 Juan 4:8.] Marami ang sumasang-ayon sa pananalitang ito, pero iniisip ng marami na malupit daw ang Diyos dahil nagpapasapit siya ng mga likas na sakuna, o hinahayaan niyang mangyari ang mga iyon. Ano ang masasabi mo? [Hayaang sumagot.] Ipinakikita sa magasing ito ang mga dahilan kung bakit hindi natin dapat isiping malupit ang Diyos.”

Gumising! Mayo

“Dumadalaw kami para ipakipag-usap ang isang nakababalisang problema—ang krimen. Iniisip ng ilan na kailangang dagdagan ang mga pulis para makontrol ang krimen. Ano sa palagay mo? [Hayaang sumagot.] Alam mo ba na sinasabi sa Bibliya na mawawala na ang krimen? [Basahin ang Awit 37:10, 11.] Tinatalakay sa magasing ito na tiyak na matutupad iyan. Nagbibigay rin ito ng praktikal na mga payo para maprotektahan ang ating sarili laban sa krimen.”