Pasulungin ang Kakayahan sa Ministeryo​—Sanayin ang mga Baguhan

Kung Bakit Mahalaga: Ang mga bagong alagad ni Jesus ay dapat sumunod sa “lahat ng mga bagay” na iniutos niya, kasama na ang pagtuturo ng katotohanan sa iba. (Mat. 28:19, 20) Maraming baguhan ang kuwalipikado na sa Paaralang Teokratiko Ukol sa Ministeryo at maaaring nagpapatotoo na nang di-pormal sa kaniyang mga kapamilya o kaibigan. Pero habang napahahalagahan nila ang kanilang natututuhan at nauunawaang gusto ni Jehova na marinig ng lahat ang mabuting balita, baka gusto na nilang makibahagi sa ministeryo sa larangan. (Roma 10:13, 14) Matapos maaprobahan ang mga baguhan bilang di-bautisadong mamamahayag, matutulungan sila ng mabuting pagsasanay na magkaroon ng higit pang kumpiyansa habang isinasagawa ang mahalagang hakbang na ito sa kanilang espirituwal na pagsulong.​—Luc. 6:40.