Disiplina—Katibayan ng Pag-ibig ni Jehova

Karaniwan nang nauugnay ang disiplina sa pagtuturo, pero kasama rin dito ang pagtutuwid at pagpaparusa. Dinidisiplina tayo ni Jehova para maging katanggap-tanggap sa kaniya ang pagsamba natin. (Ro 12:1; Heb 12:10, 11) Kung minsan, masakit ang madisiplina, pero tinutulungan tayo nito na maging matuwid at nagdudulot ito ng pagpapala. (Kaw 10:7) Ano ang dapat tandaan ng nagbibigay at tumatanggap ng disiplina?

Nagbibigay. Sinisikap ng mga elder, magulang, at iba pa na magbigay ng disiplina sa mabait at maibiging paraan gaya ng ginagawa ni Jehova. (Jer 46:28) Kahit ang matinding disiplina ay dapat ibigay ayon sa pangangailangan at udyok ng pag-ibig.​—Tit 1:13.

Tumatanggap. Huwag tanggihan ang anumang disiplinang ibinigay sa atin; pakinggan natin agad ito. (Kaw 3:11, 12) Dahil hindi tayo perpekto, kailangan nating lahat ng disiplina. May iba’t ibang uri ito. Puwede itong manggaling sa mga nababasa natin sa Bibliya o sa mga naririnig natin sa mga pulong. May ilan naman na kailangang disiplinahin ng hudisyal na komite. Kung papakinggan natin ang disiplina, mapapabuti tayo at magkakaroon tayo ng buhay na walang hanggan.​—Kaw 10:17.

PANOORIN ANG VIDEO NA “DINIDISIPLINA NI JEHOVA ANG MGA MAHAL NIYA.” PAGKATAPOS, SAGUTIN ANG SUMUSUNOD NA MGA TANONG:

• 

  Anong buhay mayroon si Canon sa simula, at paano iyon nagbago?

• 

  Anong maibiging disiplina ang tinanggap niya mula kay Jehova?

• 

  Ano ang matututuhan natin sa karanasan niya?