• 1 Corinto 3:10
    Bagong Sanlibutang Salin ng Banal na Kasulatan

    • 10 Ayon sa di-sana-nararapat na kabaitan+ ng Diyos na ibinigay sa akin, gaya ng isang marunong na tagapangasiwa ng mga gawain ay naglatag ako ng pundasyon,+ ngunit iba naman ang nagtatayo sa ibabaw nito. Ngunit patuloy na ingatan ng bawat isa kung paano siya nagtatayo sa ibabaw nito.+

  • Mga Study Note sa 1 Corinto—Kabanata 3
    Bagong Sanlibutang Salin ng Banal na Kasulatan (Edisyon sa Pag-aaral)

    • 3:10

      mahusay na tagapagtayo: O “marunong na tagapangasiwa sa mga gawain.” Karaniwan na, ang “tagapagtayo” (sa Griego, ar·khi·teʹkton, na puwedeng literal na isaling “punong manggagawa”) ay nasa mismong lugar ng konstruksiyon at nangunguna sa pagtatayo. Siya ang pumipili sa mga manggagawa at nangangasiwa sa trabaho nila. Sa talatang ito, inihalintulad ni Pablo ang sarili niya sa isang tagapagtayo na gumagawang kasama ng Diyos para sa isang proyekto—ang pagtulong sa mga Kristiyanong alagad na magkaroon ng matibay na pundasyon. (1Co 3:9-16) Dito lang lumitaw ang terminong ito sa Kristiyanong Griegong Kasulatan; ang kaugnay na terminong Griego na teʹkton ay isinasaling “karpintero” at ginamit para kay Jesus at sa ama-amahan niyang si Jose.—Tingnan ang study note sa Mat 13:55; Mar 6:3.