Watchtower ONLINE LIBRARY

1 Corinto 11:2

Bagong Sanlibutang Salin ng Banal na Kasulatan
- 2 Pinupuri ko kayo dahil lagi ninyo akong naaalaala at nanghahawakan kayo nang mahigpit sa mga itinuro* ko sa inyo.

1 Corinto 11:2

Bagong Sanlibutang Salin ng Banal na Kasulatan
- 2 Ngayon ay pinapupurihan ko kayo sapagkat sa lahat ng bagay ay isinasaisip ninyo ako at pinanghahawakan ninyong mahigpit ang mga tradisyon+ gaya nga ng ibinigay ko sa inyo.

Mga Study Note sa 1 Corinto—Kabanata 11

Bagong Sanlibutang Salin ng Banal na Kasulatan (Edisyon sa Pag-aaral)
- 11:2
  
  itinuro: O “tradisyong ibinigay.” Ang salitang Griego na pa·raʹdo·sis, na isinalin ditong “itinuro,” ay tumutukoy sa isang bagay na ipinasa, gaya ng impormasyon, tagubilin, o mga kaugaliang ipinapasunod sa iba. Sa Kristiyanong Griegong Kasulatan, ginagamit kung minsan ang salitang ito para tumukoy sa kapaki-pakinabang na mga tradisyon, o mga tradisyong katanggap-tanggap sa tunay na pagsamba. (2Te 2:15; 3:6) Halimbawa, ang impormasyong natanggap ni apostol Pablo tungkol sa pagdaraos ng Hapunan ng Panginoon ay angkop lang na ipasa sa mga kongregasyong Kristiyano bilang katanggap-tanggap na tradisyon. (1Co 11:23) Pero madalas ding gamitin ang ekspresyong Griegong ito para tumukoy sa maling mga tradisyon o sa mga tradisyong nagiging kuwestiyunable o pabigat dahil sa pagiging panatiko ng mga tao sa pagsunod dito.—Mat 15:2, 3; Mar 7:3, 5, 13; Col 2:8.