Watchtower ONLINE LIBRARY

Hebreo 5:4

Bagong Sanlibutang Salin ng Banal na Kasulatan
- 4 Hindi makukuha ng isang tao ang karangalang ito sa sarili niyang kagustuhan; matatanggap lang niya ito kapag tinawag siya ng Diyos, gaya ni Aaron.+

Hebreo 5:4

Bagong Sanlibutang Salin ng Banal na Kasulatan
- 4 Gayundin, ang isang tao ay tumatanggap ng karangalang ito, hindi ayon sa kaniyang sariling kagustuhan,+ kundi tangi lamang kung tinawag siya ng Diyos,+ na gaya rin ni Aaron.+

Mga Study Note sa Hebreo—Kabanata 5

Bagong Sanlibutang Salin ng Banal na Kasulatan (Edisyon sa Pag-aaral)
- 5:4
  
  tinawag siya ng Diyos, gaya ni Aaron: Posibleng naiisip ng ilang Hebreong Kristiyano kung paano naging mataas na saserdote si Jesus, samantalang hindi naman siya galing sa angkan ni Aaron. Kaya ipinaliwanag ni Pablo na naging mataas na saserdote si Aaron, hindi dahil sa minana niya ito, kundi dahil inatasan siya ng Diyos. (Ihambing ang Exo 28:1; Bil 3:10.) Ganiyan din kay Jesus. Direkta siyang “tinawag . . . ng Diyos,” pero ang pagiging mataas na saserdote niya ay magpakailanman. (Heb 5:5, 6) Noong panahon ni Pablo, ang mga Judiong mataas na saserdote, gaya ni Caifas, ay karaniwan nang inaatasan—at inaalis kung minsan—ng mga Romanong opisyal. (Gaw 4:6 at study note) Kahit pa galing sa angkan ni Aaron ang matataas na saserdoteng iyon, hindi nila masasabing “tinawag [sila] ng Diyos.”—Ihambing ang Heb 7:13-16.