Makikita rito ang isang pahina ng papirong codex na tinatawag na P⁴⁶. Ang ilang bahagi nito (Papyrus Chester Beatty 2) ay iniingatan ngayon sa Dublin, Ireland, at ang iba naman (Papyrus Michigan Inv. 6238), sa Ann Arbor, Michigan, U.S.A. Ang pahinang ito ay nasa Chester Beatty Library sa Dublin. Ang codex ay pinaniniwalaang mula pa noong mga 200 C.E. Mayroon itong 86 na pahina na medyo sira na, at bahagi ito ng isang codex na 104 ang pahina. Mababasa rito ang siyam sa mga liham ni Pablo. Minarkahan dito ang pamagat, kung saan ang mababasa ay “Para sa mga Taga-Corinto 1.” Ang koleksiyong ito ay patunay na noon pa man, gumagamit na ang mga eskriba ng mga pamagat para tukuyin ang mga aklat ng Bibliya.