Ang mga Guwardiya ng Pretorio ay kadalasan nang nakasuot ng tunika (1) at kung minsan ay ng balabal (2). Dahil dito, madali silang nakakakilos. Kahit na karaniwang suot ng mga Romano, di-Romano, at mga alipin ang tunika, madaling makilala ang mga sundalo dahil sa mga sandata nila, sinturon, at sandalyas. Pero kapag nasa lunsod ng Roma at binabantayan ang emperador, nagsusuot sila ng ibang damit na tinatawag na toga (3). Ito ang pormal na kasuotan ng mga lalaking mamamayang Romano.