Makikita sa mapa ang Romanong lunsod ng Nicopolis na nasa rehiyong Epirus, na ngayon ay ang hilagang-kanlurang Greece. Maraming lunsod noon ang may pangalang Nicopolis, na ang ibig sabihin ay “Lunsod ng Pananaig [Tagumpay].” Pero posibleng ito ang Nicopolis na binanggit sa Bibliya na pinuntahan ni Pablo pagkatapos ng unang pagkabilanggo niya sa Roma. (Tit 3:12; tingnan ang mapa na “Mga Paglalakbay ni Pablo Pagkatapos ng mga 61 C.E.”) Itinatag ni Octavian (nang maglaon ay naging si Cesar Augusto) ang Nicopolis pagkatapos ng 31 B.C.E. Marami ang inilipat dito para manirahan, at naging sentro ng kalakalan ang bagong lunsod na ito. Posibleng inisip ni Pablo na magandang lugar ito para magpatotoo sa panahon ng taglamig kaya pinlano niyang manatili dito. Iniisip ng ilan na sa Nicopolis inaresto si Pablo at pinabalik sa Roma para sa ikalawa at huling pagkabilanggo niya. (Tingnan ang study note sa Gaw 28:30.) Makikita sa mga larawan ang hitsura ngayon ng sinaunang Nicopolis.

1. Paagusan ng Roma; posibleng sinimulan itong itayo noong naghahari si Cesar Nero (54-68 C.E.)

2. Makikita sa malayo ang mga daungan ng Nicopolis, at nasa bandang harap ng larawan ang Odeum (maliit na teatro), na posibleng itinayo noong unang bahagi ng ikalawang siglo C.E.