Bilang karagdagang argumento para rito, binabanggit na matapos lisanin ni Elias ang Horeb, tumigil siya sa Abel-mehola upang pahiran si Eliseo at maglalakbay pa siya patungo sa “ilang ng Damasco” upang pahiran si Hazael bilang hari sa Sirya. (1Ha 19:15) Ang pangunahing sinaunang lansangang-bayan mula sa Horeb hanggang sa Damasco ay nasa S ng Jordan, bagaman kung minsan ay kontrolado ng mga taong pagala-gala ang rutang ito.

At, kung tungkol naman sa paglalakbay ni Elias patungo sa Ilang ng Damasco, ipinakikita ng ulat na hindi ito kaagad isinagawa, kundi sa halip ay isinagawa ito ng kaniyang kahaliling si Eliseo pagkalipas ng ilang panahon. (1Ha 19:15-19; 2Ha 8:7-13)