• 100 Taon sa Ilalim ng Pamamahala ng Kaharian!
    Ang Bantayan—2015 | Nobyembre 15

    • 2. Ilan ang maaaring naroroon nang ibigay ang utos na nakaulat sa Mateo 28:19, 20? Bakit natin masasabi iyan?

      2 Di-nagtagal matapos siyang buhaying muli, nagpakita si Jesus sa mahigit 500 potensiyal na tagapaghayag ng Kaharian. (1 Cor. 15:6) Marahil sa pagkakataong iyon niya ibinigay ang utos na ipangaral ang mensahe ng Kaharian sa “mga tao ng lahat ng mga bansa”—isang napakalaking gawain noon!a Inihula ni Jesus na magpapatuloy ang gawaing iyon hanggang sa “katapusan ng sistema ng mga bagay,” at ganoon nga ang nangyari. Malamang na isa ka rin sa mga tumutupad sa atas at hulang iyan.—Mat. 28:19, 20.

  • 100 Taon sa Ilalim ng Pamamahala ng Kaharian!
    Ang Bantayan—2015 | Nobyembre 15

    • a May dahilan para maniwalang karamihan sa mga naroroon nang pagkakataong iyon ay naging Kristiyano. Tinukoy sila ni Pablo bilang “limang daang kapatid” sa kaniyang liham sa mga taga-Corinto. Kapansin-pansin, sinabi pa niya: “Karamihan sa mga ito ay nananatili hanggang sa kasalukuyan, ngunit ang ilan ay natulog na sa kamatayan.” Kaya lumilitaw na nakasama ni Pablo at ng iba pang unang-siglong mga Kristiyano ang marami sa mga personal na nakarinig sa utos na mangaral.