Itinatampok ng 2011 Calendar ang Pampamilyang Pagsamba

Ang tema ng 2011 Calendar of Jehovah’s Witnesses ay Pampamilyang Pagsamba. Makikita sa kalendaryo ang mga larawan ng pamilya ngayon at noong panahon ng Bibliya. May larawan din ito ng mga mag-asawa at mga dalaga’t binatang lingkod ni Jehova na nag-aaral ng Kaniyang Salita.

Makikita sa mga tauhan sa Bibliya na nasa kalendaryo ang kanilang kaluguran sa kautusan ni Jehova, at napakalaking tulong nito para maharap nila ang mga hamon sa buhay. (Awit 1:2, 3) Ang bawat larawan ay nagpapaalaala sa atin ng kahalagahan ng Pampamilyang Pagsamba, malaki man o maliit ang pamilya, Saksi man o hindi ang lahat miyembro. May espasyo sa kalendaryo na pagsusulatan ng inyong iskedyul para sa Pampamilyang Pagsamba. Nasulatan mo na ba ito?