ARALIN 4

Angkop na Introduksiyon sa Teksto

Mateo 22:41-45

KUNG ANO ANG GAGAWIN: Ihanda ang isip ng mga tagapakinig bago basahin ang isang teksto.

Isipin kung bakit mo babasahin ang teksto. Bago basahin ang bawat teksto, gumamit ng introduksiyon para malaman ng mga tagapakinig kung ano ang itatampok mong punto sa teksto.

Tingnan ang konteksto. Kung sasabihin mo kung sino ang nagsasalita sa teksto o ang sumulat ng aklat na iyon ng Bibliya, tiyaking tama ang sasabihin mo.
Ipakita na galing sa Salita ng Diyos ang sinasabi mo. Kapag ang tagapakinig mo ay naniniwala sa Diyos, tukuyin ang Bibliya bilang Salita ng Diyos para ipakita na ito ang pinakamahusay na mapagkukunan ng karunungan.
Tulungan ang mga tagapakinig na maging interesado sa teksto. Gumamit ng tanong na masasagot ng teksto, bumanggit ng problema kung saan makakatulong ang teksto, o bumanggit ng simulain na matututuhan sa babasahing ulat sa Bibliya.

Isipin kung ano ang alam na ng mga tagapakinig tungkol sa paksa at sa teksto. Kahit na pamilyar ang tekstong babasahin mo, gumamit ng kapana-panabik na introduksiyon at tulungan silang makita kung ano pa ang matututuhan nila sa teksto.