KAHON 21A
“Ang Abuloy na Ibibigay Ninyo”
Samahan natin si Ezekiel habang sinusuri niya ang bahagi ng lupaing ibinukod ni Jehova. Mayroon itong limang bahagi. Ano-ano iyon? Para saan ang mga iyon?
A. Ang “Abuloy”
Ginagamit ito ng mga nangangasiwa at tinatawag na “lupain ng administrasyon.”
B. Ang “Buong Abuloy”
Ibinukod ito para sa mga saserdote, mga Levita, at para sa lunsod. Pumapasok din dito ang mga miyembro ng 12 tribo para sambahin si Jehova at para suportahan ang kaayusan ng administrasyon.
C. Ang “Teritoryo ng Pinuno”
“Ang lupaing ito ang magiging pag-aari niya sa Israel.” Ito ang “lupaing para sa pinuno.”
D. Ang “Banal na Abuloy”
Inilalarawan din ito bilang isang “banal na bahagi.” Ang itaas na seksiyon ay “para sa mga Levita.” Iyon ay “banal.” Ang gitnang seksiyon ay “banal na abuloy para sa mga saserdote.” Doon nila “itatayo ang mga bahay nila, at iyon ay magiging isang sagradong lugar para sa santuwaryo,” o templo.
E. Ang “Natitirang Bahagi”
Ito ay “magiging pag-aari . . . ng buong sambahayan ng Israel” at “magagamit ng lunsod bilang tirahan at pastulan.”