TOKEDI

 2 Dia mbeka* lomba+ ndo ohokwelo;

Dia nshihodia ɛtɛkɛta wa lomba;

 3 Dia nongola ohokwelo+ washa shɛnɔdi,

Losembwe,+ ekanelo k’ɔlɔlɔ*+ ndo osembɔki;*

 4 Dia mbisha wanɛ wahatahokɔ akambo shɛnɔdi;+

Dia mbisha ɔlɔngɔ a pami ewo ndo dikoka di’ekanelo ka yimba.+

 5 Kanga lomba pokamɛka ndo kondjaka wetshelo+ efula;

Kanga yimba kondjaka ɛlɔmbwɛlɔ ka lomba*+

 6 Dia nshihodia yokedi ndo ɔkɛla,*

Ɛtɛkɛta wa akanga wa lomba ndo ɛtɛkɛta awɔ wa didjidji.+

 8 Ɔnami, hokamɛ ohokwelo wa shɔ,+

Ndo tɔsɛkake wetshelo* wa nyɔ.+

 9 Vɔ wekɔ oko ekata ka dimɛna k’alɛmbɔlɛmbɔ lo ɔtɛ+ ayɛ

Ndo ɛlɛngalɛnga ka dimɛna lo nkingo kayɛ.+

12 Sho tayowamɛna wasɛna oko watɔmɛnaka Diombo,*

Etondo oko wanɛ watshɔ otsha lo difuku.

13 Nyɛsɔ tɔshi diangɔ diawɔ dia nɛmɔ tshɛ;

Tayolodia mvudu yaso la diangɔ dia dimbo.

14 Ɔtɔ l’ɔnɔngɔ aso,*

Tayokahana sho tshɛ diangɔ diayotova popo.”*

Todjake ekolo ayɛ lo mboka kawɔ,+

16 Nɛ dia ekolo awɔ ndawɔka dia tosala kɔlɔ;

Vɔ samanyaka dia tɔkɛdia dikila.+

18 Diakɔ diaholamawɔ dia nkɛdia dikila;

Vɔ ndjashɛka dia mbɔsa nsɛnɔ* y’anto akina.

19 Ɔsɔ mbele mboka ya wanɛ wayanga wahɔ wa lokeso,

Wayɔsa lɔsɛnɔ* la wanɛ wawokondja.+

Ko dimi layonyohongolɛ nyuma kami;

Dimi layonyewoya ɛtɛkɛta ami.+

24 Nɛ dia dimi lakawelɛ, koko nyu nyakatetemala ntona,

Dimi lakasembola lonya lami, koko ndooko onto lakadje yimba,+

25 Nyakatetemala minya yimba lo dako diami tshɛ

Ndo ntona lohango lami,

26 Ndo nto, dimi layɔla etena kayonyokomɛ mpokoso;

Dimi layɔla etena kayonyokomɛ kɛnɛ kokanyu wɔma,+

27 Etena kayoya kɛnɛ kokanyu wɔma oko lɔhɛlɛdi,

Ndo etena kayokoma mpokoso kanyu oko lɔpɛpɛ la wolo,

Etena kayonyokomɛ asui la ekakatanu.

28 Lo etena kɛsɔ, vɔ wayotetemala mbelɛmi, koko dimi hantokadimola;

Vɔ wayonyanga wolo, koko vɔ hawotontana,+

29 Nɛ dia vɔ wakahetsha ewo,+

Ndo vɔ kɔsɔna wɔma wa Jehowa.+

30 Vɔ wakatone dako diami;

Vɔ wakɔnyɔla lohango lami tshɛ.

31 Ɔnkɔnɛ, vɔ wayodiɛnɛ la etombelo* w’oma lo mboka kawɔ,+

Ndo vɔ wayolotshama la alako* awɔ hita.

32 Nɛ dia ɔtɛ wolo wa wanɛ wahatahokɔ akambo ayowadiaka,

Ndo wendjodi w’akanga wa dinginya ayowalanya.

33 Koko ɔnɛ lampokamɛ ayodjasɛ lo lotui tshitshi+

Ndo hatotshimba wɔɔngɔ la wɔma wa mpokoso.”+

2 Ɔnami, naka wɛ mbetawɔ ɛtɛkɛta ami

Ndo nama ɛlɛmbɛ ami,+

 2 Lo mpokɛ toyi diayɛ lo lomba+

Ndo lo mbɛdiya otema ayɛ lo shɛnɔdi;+

 3 Ndo nto, naka wɛ mbelɛ dia nyanga yimba+

Ndo mbidiya dui diayɛ dia nyanga shɛnɔdi;+

 4 Naka wɛ ntetemala ndjiyanga oko mfɛsa,+

Ndo naka wɛ ntetemala ndjitshima oko diangɔ di’oshinga wolo dioshɛmi;+

 5 Kete wɛ ayoshihodia wɔma wa Jehowa,+

Ndo wɛ ayotana ewo ka Nzambi.+

 6 Nɛ dia Jehowa ndamɛ mbishaka lomba;+

Oma lo onyɔ ande mbatomba ewo ndo shɛnɔdi.

 7 Nde namaka lomba l’oshika dikambo di’anto wosembwe;

Nde ekɔ engawo le wanɛ wakɛndakɛnda lo olowanyi.+

 8 Nde mendaka mboka ya losembwe,

Ndo nde ayolama mboka k’ekambi ande wa kɔlamelo.+

 9 Ko wɛ ayoshihodia kɛnɛ kele ɔlɔlɔ, losembwe ndo osembɔki,

Mboka k’otondo ka kɛnɛ kele ɔlɔlɔ.+

10 Etena kɔtɔ lomba lo otema ayɛ+

Ndo kangɛnyangɛnya ewo anima*+ ayɛ,

11 Dikoka di’ekanelo ka yimba diayokolamaka,+

Ndo shɛnɔdi yayokokokɛka,

12 Dia koshimbɛ oma lo mboka ka kɔlɔ,

Oma le onto latɛkɛta awui wa kɔlɔ,+

13 Oma le wanɛ watshika mboka yosembwe

Dia nkɛndakɛnda lo mboka ya wodjima,+

14 Oma le wanɛ wangɛnangɛna nsala kɔlɔ,

Wanɛ watongaka l’ɔlɔ lo kɛnɛ kele kɔlɔ,

15 Wanɛ wele mboka yawɔ yekɔ wɛngɛngɛ

Ndo mboka kawɔ k’otondo kekɔ akɔtɛ akɔtɛ.

16 Diɔ diayokoshimbɛ oma le womoto lele la lɔkɛwɔ la mindo,*

Oma lo ɛtɛkɛta w’ɔsɛlɔ* wa womoto+ lele la lɔkɛwɔ la mindo,*

17 Ɔnɛ lasɛka ɔngɛnyi ande wa ma ma* wa lo dikɛnda+

Ndo lohɛ sheke ya Nzambi kande;

18 Nɛ dia luudu lande polɔka lo nyɔi,

Ndo mboka* yande tɔlaka wanɛ waha la wolo lo nyɔi.+

19 Ndooko onto leyana la* nde layokalola,

Ndo vɔ hawotokondja nto mboka ya lɔsɛnɔ.+

20 Ɔnkɔnɛ, yela mboka k’anto w’ɛlɔlɔ

Ndo tshikala lo ɛsɛsɛ wa akanga wa losembwe,+

21 Nɛ dia paka anto wosembwe mbayodjasɛ la nkɛtɛ,

Ndo ɔnɛ laha la onongo* kayotshikala lɔkɔ.+

22 Koko akanga wa kɔlɔ wayonyɛma oma la nkɛtɛ,+

Ndo akanga wa lokeso wayokundɔma oma lɔkɔ.+

3 Ɔnami, tohɛke wetshelo* ami,

Ndo otema ayɛ walamake ɛlɛmbɛ ami,

 2 Nɛ dia vɔ wayokokotshɛ nshi efula

Ndo ɛnɔnyi wa lɔsɛnɔ ndo wɔladi.+

Kelekawɔ lo nkingo kayɛ;

Fundawɔ lo ehase k’otema ayɛ;+

 4 Ko wɛ ayohomɔ lokolo l’ɔlɔ ndo ayonga la shɛnɔdi ya dimɛna

Lo washo wa Nzambi ndo w’anto.+

 5 Yaɛkɛ le Jehowa+ la otema ayɛ tshɛ,

Tɛkamake yimba yayɛ hita.+

 6 Lo mboka yayɛ tshɛ kowodjake yimba,+

Ko nde ayokosembolɛ ɛsɛsɛ ayɛ.+

 8 Dui sɔ diayonga ɛkɔnwɛlɔ lo demba* diayɛ

Ndo ekeketshelo dikambo dia weka ayɛ.

 9 Ɔlɛmiya Jehowa la diangɔ diayɛ dia nɛmɔ,+

La ɛlɔnga* w’oma lo diangɔ diayɛ tshɛ;*+

10 Ko mvudu yayɛ ya waombelo yayolola tɔɔ,+

Ndo mbaka* yayɛ ya weke yayofukɔfukɔ la wanu w’eyoyo.

11 Ɔnami, totonake ohokwelo wa Jehowa,+

Ndo tohetshake lohango lande,+

12 Nɛ dia Jehowa pangwɛka wanɛ wokande ngandji,+

Oko watosalɛka ombutshi wa pami ɔnande langɛnangɛnande.+

13 Ɔngɛnɔngɛnɔ le onto latana lomba+

Ndo onto lakondja shɛnɔdi;

14 Likondja ndeka nkondja mfɛsa dimɛna,

Ndo monga la lɔ ekɔ la wahɔ efula ndeka monga la paonyi.+

15 Lɔ ndeka kɔrai* nɛmɔ;

Ndooko ɛngɔ kakombolayɛ kakoka mbɛdikama la lɔ.

16 Lɔsɛnɔ l’otale lekɔ lo lonya lalɔ l’omi;

Ɛngɔnyi la lotombo wekɔ lo lonya lalɔ la lɔmɔsɔ.

17 Mboka yalɔ yekɔ amɛna,

Ndo ɛsɛsɛ alɔ tshɛ wekɔ la wɔladi.+

18 Lɔ lekɔ osongo wa lɔsɛnɔ le wanɛ walikondja,

Ndo wanɛ walikukutɛ wayelamɛ akanga w’ɔngɛnɔngɛnɔ.+

20 Oma lo ewo kande, afuku w’ashi wakaatɔna

Ndo olongo woludi la wange wakakɔsha lɔpɔpɔ.+

Lama lomba l’oshika ndo dikoka di’ekanelo ka yimba;

22 Vɔ wayokosha* lɔsɛnɔ

Ndo wayonga ɛlɛngalɛnga lo nkingo kayɛ;

23 Ko wɛ ayɔkɛndakɛnda lo mboka kayɛ la ki,

Ndo lokolo layɛ halotakanaki pondjo.*+

24 Wɛ ayetamaka aha la mboka wɔma;+

Wɛ ayetamaka ndo djɔ yayɛ yayongaka ɔlɔ oto.+

25 Wɛ hatoka ndooko dui dia shashimoya wɔma+

Kana lɔpɛpɛ la wolo laya le akanga wa kɔlɔ.+

26 Nɛ dia Jehowa ayonga kiɔkɔ ya wɛkamu ayɛ;+

Nde ayolama lokolo layɛ diaha lɔ mindama.+

27 Todimake anto ɛngɔ k’ɔlɔlɔ kahombayɛ mbasha*+

Naka wɛ ekɔ la akoka* wa nkimanyiya.+

29 Todjake sheke dia salɛ wonyayɛ kɔlɔ+

Etena kasɛnande lo lotui tshitshi kaamɛ la yɛ.

30 Towanake la onto owanawana+

Naka nde hakosale ndooko dui dia kɔlɔ.+

31 Tɔkɔmiyake kanga ngala+

Ndo tɔsɔnake mboka kande,

32 Nɛ dia Jehowa petshaka kanga okadi,+

Koko nde ekɔ ɔngɛnyi wa ma ma la anto wosembwe.+

33 Mananu ka Jehowa kekɔ lo luudu la kanga kɔlɔ,+

Koko nde tshɔkɔlaka ngelo k’anto w’ɛlɔlɔ.+

34 Nɛ dia nde mbɔlaka asɔkanyi,+

Koko nde pomuyaka akanga wa memakana lokolo l’ɔlɔ.+

35 Akanga wa lomba wayokita kɛnɛmɔ,

Koko akanga wa dinginya tombolaka nsɔnyi.+

4 Anami, nyohokame ohokwelo wa shɛnyu;+

Nyodje yimba dia nyu nkondja yimba,

 2 Nɛ dia dimi layonyosha wetshelo w’ɔlɔlɔ;

Tanyɔsɛkake wetshelo*+ ami.

 3 Dimi laki ɔna la mɛtɛ le papa+

Ndo ɔnɛ lakalekaka nangema le mama.+

 7 Lomba lekɔ ɛngɔ koleki ohomba,+ ɔnkɔnɛ kondja lomba,

Ndo lo kɛnɛ tshɛ kakondjayɛ, kondja yimba.+

 9 Lɔ layokitsha ekata ka dimɛna k’alɛmbɔlɛmbɔ l’ɔtɛ ayɛ;

Lɔ layokɔlɛnga la dɛmbɔ dia nkoso di’olangala.”

10 Ɔnami, hokamɛ ndo etawɔ ɛtɛkɛta ami,

Ko ɛnɔnyi wa lɔsɛnɔ layɛ wayonga efula.+

11 Dimi layoketsha lo mboka ka lomba;+

Dimi layokɔlɔmbɔla lo ɛsɛsɛ wa losembwe.+

12 Etena kakɛndakɛndayɛ, wanya ayɛ hawotohomana la wekamu;

Ndo naka wɛ ndawɔ, wɛ hatotakana.

14 Tɔtɔke lo mboka ka akanga wa kɔlɔ,

Ndo tɔkɛndakɛndake lo mboka ka anto wa kɔlɔ.+

15 Ewɔtɔ ndo tetake lɔkɔ;+

Kadimɔ oma lɔkɔ ndo lekanatɔ.+

17 Vɔ ndɛka mbo ya ndɛ y’oma lo akambo wa kɔlɔ,

Ndo vɔ nɔka wanu w’oma lo awui wa ngala.

18 Koko mboka k’anto w’ɛlɔlɔ kekɔ oko osase wa pindju

Wataleke ntetemala ngamɔ polo la yanyi ya tɛɛ.+

19 Mboka ka akanga wa kɔlɔ kekɔ oko wodjima;

Vɔ haweye kɛnɛ kaatakanya.

20 Ɔnami, dja yimba lo ɛtɛkɛta ami;

Hokamɛ la yambalo tshɛ* kɛnɛ katami.

21 Towanyake yimba;

Lamawɔ etale l’etei k’otema+ ayɛ,

22 Nɛ dia vɔ wekɔ lɔsɛnɔ le wanɛ waatana+

Ndo yoonge ya dimɛna lo demba diawɔ di’otondo.*

23 Laadiko dia diangɔ tshɛ dialamayɛ, olamake otema+ ayɛ,

Nɛ dia oma lɔkɔ mbele tɔkɔkɔ ta lɔsɛnɔ.

24 Nya ɛtɛkɛta w’akadikadi oma le yɛ,+

Ndo anganya asawo w’okadi etale oma le yɛ.

25 Washo ayɛ wendake tɛɛ otsha la ntondo,

Eelo, oke washo* ayɛ la ntondo kayɛ.+

26 Lɔngɔsɔla* mboka k’ekolo ayɛ,+

Ko mboka yayɛ tshɛ yayonga shikaa.

Hokamɛ la yambalo tshɛ* shɛnɔdi+ yami,

 2 Dia wɛ nama akoka ayɛ w’ekanelo ka yimba

Ndo nama ewo lo ɛlɔmɔ+ ayɛ.

 3 Nɛ dia ɛlɔmɔ wa womoto lele la lɔkɛwɔ la mindo* tɔngaka oko ehehe k’osanga,+

Ndo onyɔ ande wekɔ ɔsɛlɔ ndeka esɔ.+

 4 Koko l’ekomelo nde mongaka ololo oko nkondjo+

Ndo mpɛmɔ oko lokuwa la mpɛmɔ wedi ehende.+

 7 Anami le, nyompokame

Ndo tanyotakɔke oma lo kɛnɛ katami.

 8 Angana etale la nde;

Totshɔke suke la soko dia luudu lande,+

 9 Diaha wɛ nkimɔ kɛnɛmɔ kayɛ le anto akina+

Ndo ndjona ɛnɔnyi wa kɛnɛ kele esehe;+

10 Diaha angɛndangɛnda mbɔsa diangɔ*+ diayɛ

Ndo kɛnɛ kakayakambe olimu wa wolo l’ɔtɛ wa ntshɔ lo luudu la kana.

11 Naka aha ngasɔ, kete wɛ ayokuma akumu lo ekomelo ka lɔsɛnɔ layɛ

Lam’ayɔlɛmba emunyi ayɛ la demba diayɛ+

12 Ko wɛ mbuta wate: “Ande woho wakamahetsha ohokwelo lee!

13 Dimi kompokamɛ dui dia wanɛ wakandakanya

Ndo kombidja yimba le embetsha ami.

14 Dimi laya suke la ndanyema tshɛ lo tshɛ

L’atei w’etshumanelo k’otondo.”*+

15 Nɔka ashi oma lo oshima ayɛ hita

Ndo ashi wakɛla* oma lo ɛtɛkɔ kayɛ hita.+

16 Onde tɛkɔ diayɛ pombaka diangana l’andja,

Ndo ɛkɛdi ayɛ w’ashi lo asanga a mboka+ wele anto efula?

17 Ombadiɔ dikambo diayɛ wɛmɛ,

Ndo aha dikambo dia angɛndangɛnda wele kaamɛ la yɛ.+

18 Ɛtɛkɔ* kayɛ hita katshɔkwame,

Ndo ɔngɛnangɛnake la wadi la lo nshi yayɛ y’ɔlɔngɔlɔngɔ,+

19 Lofumbɔ lalangema, mbudi ka l’akona+ ka dimɛna efula.

20 Laasɔ ɔnami le, lande na katoyokotɔma le womoto lele la lɔkɛwɔ la mindo*

Kana nkumbatɛ ntolo ka womoto lele la lɔkɛwɔ la mindo?*+

21 Nɛ dia mboka y’onto yekɔ la ntondo ka washo wa Jehowa;

Nde sɛndingolaka ɛsɛsɛ+ ande tshɛ.

22 Kanga kɔlɔ ambotala lo munga yande hita,

Ndo nde ayondama lo ɛkɔdi wa pɛkato+ kande hita.

23 Nde ayovɔ l’ɔtɛ wende bu la ohokwelo

Ndo ayonganɛ l’ɔtɛ w’enginya kande kamboleka.

6 Ɔnami, naka wɛ akatshu osunge* dikambo dia wonyayɛ,+

Naka wɛ akakimɔma lo anya w’ɔngɛndangɛnda,+

 2 Naka wɛ akatale lo djonga l’ɔtɛ wa daka diayɛ,

Akandama l’ɔtɛ wa ɛtɛkɛta w’oma lo onyɔ+ ayɛ,

 3 Ɔnami le, sala nganɛ ndo yatshungola,

Nɛ dia wɛ akakɔ lo anya wa wonyayɛ:

 4 Tetawɔke dia washo ayɛ ndala djɔ,

Kana tɔkɔkadia ntɔki yayɛ.

 5 Yatshungola oko mboloko oma lo anya wa mengenga,

Oko fudu oma lo anya w’omambi wa tofudu.

 6 Wɛ kanga nɛndɛ+ le, tshɔka le yɔnɔna;

Sɛdingola woho wasalayɔ akambo, ko wɛ ayonga kanga lomba.

 7 Kaanga mbeyɔ bu la owandji, kapita kana omboledi,

 8 Yɔ nɔngɔsɔlaka mbo ya ndɛ lo eleko k’ɔwɔ,+

Ndo yɔ mombaka mbo ya ndɛ lo nshi ya dinela.

10 Yema ya djɔ, yema y’ɔtɔkɔkalo,

Yema ya nkɔma anya dia momuya,+

11 Ko wola wayokoyɛ oko elengalenga,

Ndo ehomba oko pami kele la dihomɔ dia ta.+

12 Onto l’anyanya ndo kanga kɔlɔ mbetetaka la ɛtɛkɛta w’akadikadi;+

13 Nde mamiyaka sso+ diande, salaka tolembetelo lo lokolo lande, ndo tosambo lo mpita yande.

14 La otema wa kɔlɔ,

Wonya tshɛ nde kongɛka tokanyi ta kɔlɔ+ ndo tondjaka ewanu.+

15 Ɔnkɔnɛ mpokoso kande kayoya la shashimoya;

Wonya wayondohembɔma aha la nde nkɔnɔ.+

16 Ekɔ akambo 6 wahetsha Jehowa;

Ɛɛ, akambo 7 watondotonaka* vɔ anɛ:

17 Washo wa lotamanya,+ lolemi lata kashi,+ ndo anya wakɛdia dikila+ diaha la onongo,

18 Otema watodjaka toseke+ ta kɔlɔ ndo ekolo watolawɔka esadi esadi otsha lo kɔlɔ,

19 Ɔmɛnyi wa kashi watotaka kashi oko wahɛngande,+

Ndo onto tshɛ latotondjaka ewanu l’atei wa anango.+

20 Ɔnami, nkitanyiya ɛlɛmbɛ wa shɔ,

Ndo tɔsɛkake wetshelo* wa nyɔ.+

21 Dingakawɔ tena tshɛ lo otema ayɛ;

Kelekawɔ lo nkingo kayɛ.

22 Lam’atayakɛndakɛnda, vɔ wayokɔlɔmbɔla;

Lam’etamayɛ, vɔ wayemala dia kolamaka;

Ndo lam’etɔyɛ, vɔ wayɔtɛkɛta la yɛ.*

23 Nɛ dia didjango diekɔ tala,+

Ɛlɛmbɛ wekɔ osase,+

Ndo lohango laki ohokwelo lekɔ mboka ka lɔsɛnɔ.+

24 Vɔ wayokolama oma le womoto la kɔlɔ,+

Oma lo lolemi la lɔɔngɔ laki womoto lele la lɔkɛwɔ la mindo.*+

25 Tokombolake olangala ande l’otema+ ayɛ

Ndo tetawɔke dia nde kokotola la omamiyelo ande wa washo,

26 Nɛ dia l’ɔtɛ wa womoto la numba, pami komaka oko yɛtshi ya mapa,+

Koko wadi a kana mambaka lɔsɛnɔ* l’oshinga wolo djonga.

29 Ngasɔ mbonga onto tshɛ leyana la wadi a kana;

Ndooko onto lawonanda lahatolongola dilanya.+

30 Anto hawohetsha kanga wovi

Naka nde mbivaka dia ndjakotshɛ* ehomba ande etena kende la ndjala.

31 Ko naka wambowonda, nde ayofuta mbala 7;

Nde ayokimɔ diangɔ tshɛ dia nɛmɔ dia lo luudu lande.+

32 Onto tshɛ lasala loseka la womoto bu la ekanelo k’ɔlɔlɔ;*

Ɔnɛ lasala ngasɔ ndjaelaka elanyelo kande ndamɛ.*+

33 Nde ayokondja paka mpota la nsɔnyi,+

Ndo nsɔnyi kande hatoshila.+

34 Nɛ dia kandjema mbishaka omi nkɛlɛ;

Nde hatowoka kandji lam’ayondɔsɔmbɔya.+

35 Nde hatetawɔ ndooko ɛngɔ ka mengɔnya la dui sɔ;*

Nde hatotshikala ki, oyadi woke akɔna wele la woshasha wayoyowosha.

7 Ɔnami, omba ɛtɛkɛta ami,

Ndo lama wadjango+ ami dimɛna.

 2 Lama wadjango ami dia wɛ ntshikala la lɔsɛnɔ;+

Kokɛ wetshelo* ami oko ɔna sso diayɛ.

 3 Kelekawɔ lo mpita yayɛ;

Fundawɔ lo ehase ka otema ayɛ.+

 5 Dia kolama oma le womoto lele la lɔkɛwɔ la mindo,*+

Oma le womoto lele la lɔkɛwɔ la mindo* ndo oma lo ɛtɛkɛta ande w’ɔsɛlɔ.*+

 6 Oma lo didishi dia luudu lami,

Oma lo djongɔ ya lo didishi diami, dimi lakalengɛ,

 7 Ko lakɛnyi weomombe,*

L’atei w’ɛlɔngɔlɔngɔ, dimi lakɛnyi ɔlɔngɔ a pami ɔmɔtshi wele bu la ekanelo k’ɔlɔlɔ.*+

 8 Nde akete lo shinga yele suke la sanga dia womoto akɔ,

Nde akatshu otsha lo luudu la womoto akɔ

 9 La tosho ta shimba, la dikɔlɔ,+

Otsho ndo wodjima waya suke.

10 Oma laasɔ, dimi lakɛnyi womoto ɔmɔtshi ahomana la nde,

Ɔlɔtshi oko* numba,+ la otema wa lokeso.

12 Etena kɛmɔtshi nde ekɔ l’andja, oma laasɔ lo ahole wele anto efula,

Nde ndjashɛka suke la sanga tshɛ.+

13 Nde akookimɛ ndo akawosha bizɛ;

Aha la mboka nsɔnyi, womoto akɔ akawotɛ ate:

15 Diakɔ diakamatombi dia ndjohomana la yɛ,

Dia ndjokoyanga, ko lambokotana!

16 Dimi lakaadi ahɔndɔ w’amɛna lo mbeto kami,

Wa linɛnɛ wele la alangi efula w’oma lo Edjibito.+

18 Yete totɔnɔ ndo totolotshanya la ngandji polo la pindju;

Totɔngɛnyangɛnyane la ngandji ka wolo kaamɛ,

19 Nɛ dia omɛmi bu la ngelo;

Nde akatshu lo lɔkɛndɔ l’etale.

20 Nde akatshu la tapa dia falanga,

Ndo nde hatokalola polo lam’ayonga ngɔndɔ emuma.”

22 Pami kakɔ ambooyela mbala kakɔ ɔtɔi oko ngɔmbɛ katatshu lo ediakelo,

Oko enginya katatshu dia tolongola dilanya lo lowete,*+

23 Polo lam’ayotondola lohito ovɔ ande;

Oko fudu yatasamanya otsha lo djonga, nde heye dia dui sɔ diayowoshishɛ lɔsɛnɔ*+ lande.

24 Ɔnkɔnɛ, anami le, nyompokame;

Nyodje yimba lo ɛtɛkɛta watami.

Tetake lo ɛsɛsɛ+ ande,

26 Nɛ dia nde ambokalɛ edo+ w’anto efula,

Ndo wanɛ wamondodiaka waya efula.+

27 Luudu lande tɔlaka otsha lo Diombo;*

Lɔ polɔka otsha lo mvudu ya l’etei ka nyɔi.

 2 Lo dongolongo+ l’omamu wa mboka,

Lɔ memalaka lo asanga.

 3 Suke la asoko watɔla otsha lo osomba,

Lo mbɔtwɛlɔ y’asoko,

Lɔ lekɔ lo ntetemala mbelɛ la dui dia wolo ɔnɛ:+

 4 “Nyu anto ami mbawelɛmi;

Otsha le anto tshɛ* kadiyami dui diami.

 5 Nyu wanɛ wahatahokɔ akambo le, nyeke kɛsɔ;+

Nyu dinginya le, nyokondja otema wa yimba.*

 6 Nyohokame, nɛ dia kɛnɛ katami kekɔ ohomba,

Ɛlɔmɔ ami tɛkɛtaka kɛnɛ kele ɔlɔlɔ;

 7 Nɛ dia onyɔ ami tondjaka kɛnɛ kele mɛtɛ,

Ɛlɔmɔ ami petshaka kɛnɛ kele kɔlɔ.

 9 Vɔ tshɛ nsembɔ tɔɔ le ɔnɛ lele la shɛnɔdi

Ndo osembɔki le wanɛ wambotana ewo.

10 Nyɔsɔnɛ ohokwelo ami lo dihole dia mfɛsa,

Ndo ewo lo dihole dia paonyi+ koleki dimɛna,

11 Nɛ dia lomba ndeka kɔrai* dimɛna;

Ndooko ɛngɔ kekina tshɛ ka nɛmɔ kakoka mbɛdikama la lɔ.

12 Dimi lomba mbidjasɛka kaamɛ la kɛsɔ;

Dimi lakatane ewo ndo dikoka di’ekanelo ka yimba.+

14 Dimi lekɔ la alako w’amɛna ndo la lomba l’oshika;+

Dimi kakanga yimba+ ndo wolo.+

15 Diɛsɛ la mi mbatetemala nkumi ya dikanga mbolɛ,

Ndo mbadja ɛnɛnɛ wa laadiko losembwe.+

16 Diɛsɛ la mi mbatetemala ewandji nɔmbɔla,

Ndo mbalombosha ɛlɔhɛ la losembwe.

17 Dimi nangaka wanɛ wananga,

Ndo wanɛ wanyanga wayontana.+

18 Ɛngɔnyi la lotombo wekɔ kaamɛ la mi,

Ɔngɔnyi wa pondjo* ndo losembwe.

19 Elowa ami ndeka paonyi dimɛna, kaanga paonyi kambɛdiama,

Ndo kɛnɛ katondjami ndeka mfɛsa+ yoleki amɛna dimɛna.

20 Dimi kɛndakɛndaka lo mboka ka losembwe,

L’atei wa mboka ya sambo k’ɔlɔlɔ;

21 Dimi mbishaka wanɛ wananga etenyi k’okitɔ k’ɔngɔnyi efula,

Ndo dimi ndodjaka mvudu yawɔ ya waombelo.

22 Jehowa akantonge oko etatelo k’olimu ande,+

Bangoo k’elimu ande w’edjedja.+

23 Oma ko nshi y’edjedja* dimi lakakitshama,+

Oma ko etatelo, oma ko tena dia la ntondo ka nkɛtɛ.+

24 Etena kaki ndooko afuku w’ashi,+ dimi lakotɔ,*

Etena kaki ndooko tɛkɔ diafukɔfukɔ la ashi.

25 La ntondo ka akona shikikɛma,

La ntondo ka tokonakona tondjama,

26 La ntondo ka nde nsala nkɛtɛ la eswe ayɔ

Kana lɔsɛkɛ la ntondo la ditshu dia nkɛtɛ.

27 Etena kakandalɔngɔsɔla olongo,+ dimi laki laawɔ;

Etena kakandadje oshidi laadiko di’ashi+ lam’akomɛ washo,

28 Etena kakandashikikɛ* wange la diko,

Etena kakandasale afuku w’ashi wa dingunda,

29 Etena kakandadjɛ ndjale didjango

Diaha ashi awɔ ndekana olelo wakandadje,+

Etena kakandashikikɛ* atshina wa nkɛtɛ,

30 Etena kɛsɔ dimi lakikɔ suke la nde oko okambi wa kɔmba.+

Dimi kakandangɛnangɛnaka+ lo yoho ya laande lushi la lushi;

Dimi lakangɛnangɛnaka la ntondo kande tena tshɛ;+

31 Dimi lakangɛnangɛna nkɛtɛ kande kakoka anto mbidjasɛ,

Ndo dimi lakangɛnangɛna ana w’anto* lo yoho ya laande.

32 Kakianɛ, anami le, nyompokame;

Eelo, ɔngɛnɔngɛnɔ le wanɛ walama mboka yami.

33 Nyohokame ohokwelo,+ ko nyayonga akanga wa tomba,

Ndo tanyowonyake yimba pondjo.

34 Ɔngɛnɔngɛnɔ le onto lampokamɛ

Lo ndjaaka la yosose* lo asoko ami lushi la lushi,

Lo kongaka suke la asoko ami;

35 Nɛ dia ɔnɛ lantana ayotana lɔsɛnɔ,+

Ndo nde mbetawɔmaka le Jehowa.

36 Koko ɔnɛ laminya yimba ndjasalɛka* ndamɛ kɔlɔ,

Ndo wanɛ wampetsha nangaka nyɔi.”+

9 Lomba la mɛtɛ lakake luudu lalɔ;

Lɔ lakasɛlɛ* dikundji dialɔ 7.

 2 Lɔ lakalɔngɔsɔla onatshi alɔ tshɛ;*

Lɔ lakasɔhanya wanu alɔ;

Lɔ lakalɔngɔsɔla mɛsa alɔ.

 3 Lɔ lakatome ekambi alɔ wa wamato

Dia towelɛ oma lo dongolongo la diko di’osomba ɔnɛ:+

 5 “Yaka yole mapa ami

Ndo yɔnɔ wanu wakamasɔhanyisha.

 6 Tshika womombe* ayɛ l’ɔkɔngɔ kele ntetemala nsɛna;+

Tshɔka otsha la ntondo lo mboka ka yimba.”+

 7 Onto langola ɔmɔnyɔdi nyangaka nsɔnyi,+

Ndo onto tshɛ lahangwɛ kanga kɔlɔ ayohomɔ.

10 Wɔma wa Jehowa kele etatelo ka lomba,+

Ndo mbeya Ɔnɛ loleki Ekila+ mbele yimba.

11 Nɛ dia diɛsɛ la mi kayonga nshi yayɛ efula,+

Ndo kayowokokotshɛ ɛnɔnyi wa lɔsɛnɔ layɛ.

12 Naka wɛ monga kanga lomba, wɛ ekɔ kanga lomba lo wahɔ ayɛ hita,

Ko naka wɛ ekɔ ɔmɔnyɔdi, wɛmɛ kayɛmba dui sɔ.

14 Nde mbidjasɛka la soko dia luudu lande

Lo nkɔsa lo ahole wa la diko w’osomba,+

15 Awelɛ wanɛ weta laawɔ,

Wanɛ wakɛndakɛnda nsembɔ tɔɔ lo mboka kawɔ ate:

17 “Ashi wa lova mbele amɛna,

Ndo ndɛ diangɔ lo woshɛshɛ mbishaka ɔlɔ.”+

18 Koko nde heye dia wanɛ wele bu la wolo lo nyɔi wekɔ lɛkɔ,

Dia angɛndangɛnda ande wekɔ lo ɛhɔngɔ wa Diombo.*+

Ɔna la lomba atɔngɛnyangɛnyaka+ she,

Koko ɔna l’enginya atonyangiyaka nyango.

 2 Diangɔ diakondjama lo yoho ya kɔlɔ hadiotonga la wahɔ,

Koko losembwe mbitshaka oma lo nyɔi.+

 3 Jehowa hetawɔ dia onto ɔlɔlɔ* mvɔ la ndjala,+

Koko nde ayotona kanga kɔlɔ lele la lokaki.

 4 Anya wa nɛndɛ watelaka wola,+

Koko anya w’etete watelaka ɛngɔnyi.+

 5 Ɔna latoombaka diangɔ lo nshi y’ɔwɔ salaka akambo la shɛnɔdi,

Koko ɔna latolalaka djɔ lo nshi ya dinela+ mbishanaka nsɔnyi.

 6 Ɛtshɔkɔ mongaka lo ɔtɛ w’onto ɔlɔlɔ,+

Koko onyɔ w’akanga wa kɔlɔ mbishɛka awui wa ngala.

 7 Eohwelo* k’onto ɔlɔlɔ kekɔ dikambo dia ɔtshɔkɔ,+

Koko lokombo la kanga kɔlɔ layɔhɔnda.+

 8 Onto lele la otema wa lomba mbetawɔka wetshelo,*+

Koko ɔnɛ latɛkɛta awui w’enginya ayɔhɔtshahɔtshama.+

 9 Onto lakɛndakɛnda lo olowanyi ayɔkɛndakɛnda lo lotui tshitshi,+

Koko ɔnɛ latetɛka mboka yande wɛngɛngɛ ayoshɔma.+

10 Onto latomamiyaka sso diande tongaka lonyangu,+

Ndo ɔnɛ latɛkɛta awui w’enginya ayɔhɔtshahɔtshama.+

11 Onyɔ w’onto ɔlɔlɔ wekɔ kiɔkɔ ya lɔsɛnɔ,+

Koko onyɔ wa kanga kɔlɔ mbishɛka awui wa ngala.+

12 Lohetsho mbatotondjaka ewanu,

Koko ngandji kombaka kɔlɔ tshɛ.+

13 Lomba tanemaka lo ɛlɔmɔ wa kanga shɛnɔdi,+

Koko ɔhɛhɛla wekɔ dikambo dia ɔkɔngɔ wa ɔnɛ lele bu la ekanelo k’ɔlɔlɔ.*+

14 Akanga wa lomba mbɔsaka ewo+ la nɛmɔ,

Koko onyɔ wa kanga enginya mbelɛka elanyelo.+

16 Elimu w’onto ɔlɔlɔ konyaka lo lɔsɛnɔ;

Koko kɛnɛ katondja kanga kɔlɔ konyaka lo pɛkato.+

17 Ɔnɛ letawɔ ohokwelo ekɔ mboka k’otsha lo lɔsɛnɔ,*

Koko ɔnɛ lɔnyɔla lohango minganyiyaka anto akina.

18 Ɔnɛ lashɛ lohetsho lande mbutaka kashi,+

Ndo ɔnɛ latohandjolaka awui w’emamatanya* ekɔ enginya.

19 Etena konga ɛtɛkɛta efula, kɔlɔ hahandɔ,+

Koko onto tshɛ lalama ɛlɔmɔ ande ekɔ la kɛsɔ.+

20 Lolemi la onto ɔlɔlɔ lekɔ oko mfɛsa+ koleki dimɛna,

Koko otema wa kanga kɔlɔ bu la nɛmɔ efula.

21 Ɛlɔmɔ w’onto ɔlɔlɔ ndeshaka* anto efula,+

Koko kanga enginya mvɔka l’ɔtɛ wende bu la yimba.+

22 Ɔtshɔkɔ wa Jehowa mbangɔnya onto,+

Ndo Nde hakotsha kandji* laadiko diawɔ.

23 Ndjasha lo lɔkɛwɔ la nsɔnyi ekɔ oko kɛnyɔ le kanga enginya,

Koko lomba lekɔ dikambo dia kanga shɛnɔdi.+

24 Kɛnɛ koka kanga kɔlɔ wɔma kayowokomɛ;

Koko nsaki k’anto w’ɛlɔlɔ kayokotshama.+

25 Etena kayeta lɔpɛpɛ la wolo, kanga kɔlɔ hatonga nto,+

Koko onto ɔlɔlɔ ekɔ etshina ka pondjo.+

26 Oko wanu w’okayi lo wanyu ndo oko edinga lo washo,

Ngasɔ mbele kanga nɛndɛ le ɔnɛ lawotoma.*

27 Wɔma wa Jehowa taloyaka lɔsɛnɔ,+

Koko ɛnɔnyi w’akanga wa kɔlɔ wayosusama.+

28 Elongamelo k’anto w’ɛlɔlɔ mbelaka ɔlɔ,+

Koko elongamelo k’akanga wa kɔlɔ kayoshishɔ.+

29 Mboka ka Jehowa kekɔ longele le onto laha la onongo,+

Koko tɔ nembetshiyaka elanyelo le atshi wa kɔlɔ.+

30 Onto ɔlɔlɔ hakɔshamaki pondjo,+

Koko akanga wa kɔlɔ hawotodjasɛ la nkɛtɛ nto.+

31 Onyɔ w’onto ɔlɔlɔ tondjaka* lomba,

Koko lolemi la kɔlɔ layohembɔma.

32 Ɛlɔmɔ w’onto ɔlɔlɔ mbeyaka kɛnɛ kangɛnyangɛnya,

Koko onyɔ w’akanga wa kɔlɔ wekɔ kɔlɔ keto.

11 Kilɔ ya lokeso* yekɔ wɔnɔnyi le Jehowa,

Koko wotsho* wa kokele mbɔngɛnyangɛnyaka.+

 2 Lam’atoyaka otako, nsɔnyi katoyelaka,+

Koko lomba lekɔ kaamɛ la akanga w’okitshakitsha.+

 3 Olowanyi w’anto w’ɛlɔlɔ kawalɔmbɔla,+

Koko lokeso la akanga w’okadi layowalanya.+

 4 Ɔngɔnyi* hawotonga la wahɔ lo lushi la nkɛlɛ,+

Koko losembwe kayotsha anto oma lo nyɔi.+

 5 Losembwe la onto laha la onongo sembolaka mboka kande,

Koko kanga kɔlɔ ayɔkɔ l’ɔtɛ wa kɔlɔ+ kande hita.

 6 Losembwe l’anto w’ɛlɔlɔ layowatsha,+

Koko akanga w’okadi wayondama la nsaki+ yawɔ hita.

 7 Etena kavɔ kanga kɔlɔ, elongamelo kande shishɔka;

Ndo elongamelo kohikami lo wolo ande shishɔka.+

 8 Onto ɔlɔlɔ pandɔka oma lo asui,

Ndo kanga kɔlɔ mbɔsaka dihole+ diande.

 9 La onyɔ ande, ɔtɔlɔki* tɔlaka wonyande lo elanyelo,

Koko ewo mbitshaka+ anto w’ɛlɔlɔ.

10 Ɔlɔlɔ w’anto w’ɛlɔlɔ ngɛnyangɛnyaka osomba,

Ndo etena kalanyema akanga wa kɔlɔ, ekoko w’ɔngɛnɔngɛnɔ+ mongaka.

11 L’ɔtɛ w’ɔtshɔkɔ w’anto w’ɛlɔlɔ osomba mbidiyamaka,+

Koko onyɔ w’akanga wa kɔlɔ mbohandjolaka.+

12 Onto tshɛ lele bu la ekanelo k’ɔlɔlɔ* petshaka* wonyande,

Koko onto lele la shɛnɔdi ya mɛtɛ mbɔlamaka ki.+

13 Omamanyishi mbetetaka dia mbishola sawo dia sheke,+

Koko onto lasungana mbɛkɛ otema* namaka sheke.*

14 Naka ɛlɔmbwɛlɔ ka dimɛna* bu, anto nkɔka,

Koko dikambo ndowanaka* lam’ele andaki*+ efula.

15 Onto tshɛ layakimɔ osunge le ɔngɛndangɛnda, ndooko onyake ayodiɛnɛ,+

Koko onto tshɛ lewɔ* nsutshasutsha anya lo diokanelo ayonga lo ekokelo.

16 Womoto lele la waonga w’ɛlɔlɔ* kondjaka lotombo,+

Koko akanga wa hiadi kondjaka ɛngɔnyi.

17 Onto ɔlɔlɔ* ndjakondjɛka wahɔ,*+

Koko kanga esehe ndjaelaka ekakatanu.*+

18 Kanga kɔlɔ nongolaka difuto dia lokeso,+

Koko ɔnɛ lonɛ losembwe nongolaka difuto dia mɛtɛ.+

19 Ɔnɛ lasukɛ losembwe la wolo tshɛ ekɔ lo mboka k’otsha lo lɔsɛnɔ,+

Koko ɔnɛ latoyelaka kɛnɛ kele kɔlɔ ekɔ lo mboka k’otsha lo nyɔi.

20 Wanɛ wele la etema wa wɛngɛngɛ wekɔ wɔnɔnyi le Jehowa,+

Koko wanɛ waha la onongo lo mboka kawɔ mbɔngɛnyangɛnyaka.+

21 Onga la eshikikelo dia:* Onto a kɔlɔ hatohandɔ dilanya,+

Koko ana w’anto w’ɛlɔlɔ wayohandɔ.

22 Oko zama dia paonyi lo ɔhɛmbɛ wa nsombo

Ngasɔ mbele womoto l’olangala latona ekanelo k’ɔlɔlɔ.

23 Nsaki k’anto w’ɛlɔlɔ konyaka lo ɔlɔlɔ,+

Koko kɛnɛ kalongamɛ akanga wa kɔlɔ konyaka lo nkɛlɛ.

24 Onto ɔmɔtshi kahaka la lokaho tshɛ* ndo komɛka lo monga la diangɔ efula;+

Okina nyimaka anto kɛnɛ kahombande nkaha koko nde mongaka wola.+

25 Kanga* lokaho ayɔngɔna,*+

Ndo ɔnɛ lashana ashi wa nnɔ* wayowosha ndo nde lawɔ.+

26 Anto wayodja ɔnɛ ladimana mbo ya ndɛ mananu,

Koko vɔ wayɔtshɔkɔla ɔnɛ layisondja.

27 Onto layanga la etete tshɛ dia nsala ɔlɔlɔ nyangaka lokolo l’ɔlɔ,+

Koko onto layanga kɛnɛ kele kɔlɔ, kɛsɔ mɛtɛ mbayowokomɛ.+

28 Ɔnɛ layaɛkɛ lo ɛngɔnyi ande ayɔkɔ,+

Koko anto w’ɛlɔlɔ wayofuka oko sɔngusɔngu ya akatshi.+

29 Onto tshɛ lela ekakatanu* le ase luudu lande hita ayokita lɔpɛpɛ,+

Ndo enginya ayonga ose olimu wa kanga otema wa lomba.

30 Elowa w’onto ɔlɔlɔ wele osongo wa lɔsɛnɔ,+

Ndo onto lakondja anima* ekɔ kanga lomba.+

31 Lo mɛtɛ naka onto ɔlɔlɔ la la nkɛtɛ futamaka,

Kete hoke kanga kɔlɔ ndo otshi wa pɛkato!+

12 Ɔnɛ lalanga ohokwelo nangaka ewo,+

Koko ɔnɛ lahetsha lohango ekɔ enginya.*+

 2 Onto ɔlɔlɔ mbetawɔmaka le Jehowa,

Koko Nde manyaka onto lele la tokanyi ta kɔlɔ.+

 3 Ndooko onto longa lo ekokelo oma lo akambo wa kɔlɔ,+

Koko anto w’ɛlɔlɔ hawokundɔmaki pondjo.

 4 Wadi l’oshika ekɔ dɛmbɔ dia nkoso le omɛnde,+

Koko wadi lashana nsɔnyi ekɔ oko ɛhɔndɛlɔ lo weka ande.+

 5 Tokanyi ta anto w’ɛlɔlɔ tekɔ esembɔki,

Koko ɛlɔmbwɛlɔ ka akanga wa kɔlɔ kekɔ lokeso.

 6 Ɛtɛkɛta wa akanga wa kɔlɔ wekɔ oholamelo wa nyɔi,*+

Koko onyɔ wa anto wosembwe mbashimbɛka.+

 7 Naka akanga wa kɔlɔ wambonyukɔma, kete vɔ waya bu nto,

Koko luudu la anto w’ɛlɔlɔ layotshikalaka.+

 8 Onto tombɔmaka l’ɔtɛ wa shɛnɔdi ya onyɔ+ ande,

Koko ɔnɛ lele otema ɛngɛnɔ ayɔnywama.+

 9 Ndeka dimɛna monga la yema ya nɛmɔ tshitshɛ ko monga la okambi

Lo dihole dia ndjatombola ko mpomba mbo ya ndɛ.*+

10 Onto ɔlɔlɔ kanɛka dongalonga diande,*+

Koko oyadi kaanga kɛtshi ka akanga wa kɔlɔ kekɔ esehe.

11 Ɔnɛ lakamba ekambɔ kande ayolota mbo ya ndɛ,+

Koko ɔnɛ lawesa diangɔ di’anyanya bu la ekanelo k’ɔlɔlɔ.*

12 Kanga kɔlɔ kɔmiyaka kɛnɛ kambokondja anto akina wa kɔlɔ,

Koko edio w’anto w’ɛlɔlɔ tɔka elowa.

13 Onto a kɔlɔ talaka lo djonga l’ɔtɛ wa ɛtɛkɛta ande wa kɔlɔ,+

Koko onto ɔlɔlɔ pandɔka oma lo asui.

14 Oma lo elowa w’ɛtɛkɛta* ande, onto ndotshamaka la diangɔ di’ɛlɔlɔ,+

Ndo olimu wa anya ande wayowofuta.

15 Mboka ka kanga enginya kekɔ osembɔki lo washo+ ande hita,

Koko kanga lomba mbetawɔka dako.+

16 Kanga enginya mɛnyaka nkɛlɛ kande esadi eto,*+

Koko kanga kɛsɔ minyaka yimba* lo lɔtɛngɔ.

17 Ɔnɛ lata kɛnɛ kakandɛnyi la kɔlamelo ayota mɛtɛ,*

Koko ɔmɛnyi wa kashi kesaka.

18 Ɛtɛkɛta w’otondjatondja watohomuyaka oko lokuwa

Koko lolemi la kanga lomba lekɔ ɛkɔnwɛlɔ.+

19 Ɛlɔmɔ wata mɛtɛ wayotshikala pondjo,+

Koko lolemi lata kashi layotshikala lo tshanda ya tshitshɛ tsho.+

20 Lokeso lekɔ lo otema wa wanɛ wɔtɔ sheke ya nsala kɔlɔ,

Koko wanɛ wadja* ki mongaka la ɔngɛnɔngɛnɔ.+

21 Ndooko dui dia kɔlɔ diayokomɛ onto ɔlɔlɔ,+

Koko akanga wa kɔlɔ wayodiɛnɛ la mpokoso efula.+

22 Ɛlɔmɔ wata kashi wekɔ wɔnɔnyi le Jehowa,+

Koko wanɛ wasala akambo la kɔlamelo mbɔngɛnyangɛnyaka.

23 Kanga kɛsɔ mbishɛka kɛnɛ keyande,

Koko otema wa kanga enginya watotondjaka enginya+ kande sɛkɛ.

24 Lonya la akanga w’etete layolɛ,+

Koko anya wa nɛndɛ wayodjama lo olimu wa wolo.+

25 Ekiyanu lo otema w’onto mbɔkɔmɔlaka,+

Koko tshɛkɛta y’ɔlɔlɔ keketshaka.+

26 Onto ɔlɔlɔ nyangaka ɛtshi kande ka nkɛtɛ ka ndesha dongalonga,

Koko mboka ka akanga wa kɔlɔ mbanganyiyaka.

27 Kanga nɛndɛ hatsha wenga,+

Koko etete mbele ɛngɔ ka nɛmɔ k’oshinga wolo kele la onto.

28 Mboka ka losembwe konyaka lo lɔsɛnɔ;+

Lo ɛsɛsɛ atɔ nyɔi bu.

13 Ɔna la lomba mbetawɔka ohokwelo+ wa she,

Koko ɔsɔkanyi hahokamɛ lohango.*+

 2 Oma lo elowa w’ɛtɛkɛta* ande, onto ayɔlɛ kɛnɛ kele ɔlɔlɔ,+

Koko nsaki* ka akanga w’okadi ekɔ dikambo dia awui wa ngala.

 3 Onto lalama onyɔ ande* kokɛka lɔsɛnɔ* lande,+

Koko onto lafola ɛlɔmɔ ande hwe ayolanyema.+

 4 Kanga nɛndɛ atokombolaka diangɔ, koko nde* ndooko la ɛngɔ,+

Koko kanga* etete ayolotshama dimɛna.*+

 5 Onto ɔlɔlɔ petshaka kashi,+

Koko etsha wa akanga wa kɔlɔ mbelaka nsɔnyi ndo diɔnyɔ.

 6 Onto ɔlɔlɔ kokɛka ɔnɛ lele mboka kande bu la onongo,+

Koko kɔlɔ kɔshaka otshi wa pɛkato.

 7 Ekɔ onto ɔmɔtshi lata dia nde ekɔ ɔngɔnyi, koko nde ndooko la ɛngɔ.+

Ekɔ onto okina lata dia nde ekɔ wola, koko nde ekɔ la ɔngɔnyi efula.

 8 Ɛngɔnyi wekɔ oshinga w’etshungwelo dikambo dia lɔsɛnɔ*+ l’onto,

Koko ase wola hawokiyama kaanga wɔma.*+

 9 Osase wa anto w’ɛlɔlɔ ngamɔka wolo,*+

Koko tala dia akanga wa kɔlɔ diayodimala.+

10 Otako konyaka tsho lo ewanu,+

Koko lomba lekɔ le wanɛ wayanga alako.*+

11 Ɔngɔnyi wakondjama esadi esadi* wayokitakita,+

Koko ɔngɔnyi w’onto layanga yema yema* wayodɛ.

12 Elongamelo* kahatakotshama mbishaka paa l’asolo,+

Koko nsaki kambokotshama ekɔ osongo wa lɔsɛnɔ.+

13 Onto tshɛ lahetsha wetshelo* ayofuta kibawo,+

Koko ɔnɛ lalɛnya ɛlɛmbɛ ayofutama.+

14 Wetshelo* wa kanga lomba wekɔ kiɔkɔ ya lɔsɛnɔ+

Dia minya onto oma lo tolonga ta nyɔi.

15 Shɛnɔdi ya dimɛna pomuyaka lokolo l’ɔlɔ,

Koko mboka ka kanga okadi kekɔ kɔlɔ.

16 Kanga kɛsɔ salaka akambo la ewo,+

Koko kanga enginya tondjaka enginya+ kande sɛkɛ.

17 Ɔkɛndji wa kɔlɔ kɔka lo okakatanu,+

Koko otomami wa kɔlamelo mbelaka ɛkɔnwɛlɔ.+

18 Onto tshɛ lanya ohokwelo yimba komaka wola ndo mbishamaka nsɔnyi,

Koko ɔnɛ letawɔ engwelo* ayotombɔma.+

19 Nsaki lam’akotshamatɔ mongaka mpɛ le onto,*+

Koko kanga enginya tonaka nkadimɔ oma lo kɔlɔ.+

20 Ɔnɛ latɛngɔlaka kaamɛ la akanga wa lomba ayonga kanga lomba,+

Koko ɔnɛ lekesanɛ la akanga wa dinginya ayokomɛ lo kɔlɔ.+

21 Mpokoso ndjelaka atshi wa pɛkato,+

Koko ɔngɔnyi futaka anto w’ɛlɔlɔ.+

22 Onto ɔlɔlɔ tshikɛka ekana ande etenyi k’okitɔ,

Koko ɔngɔnyi wa otshi wa pɛkato wayolamema dikambo di’onto ɔlɔlɔ.+

23 Ekambɔ kakafuse ose wola tondjaka mbo ya ndɛ efula,

Koko tɔ* mbeyaka ndanyema oma lo awui waha la losembwe.

24 Onto tshɛ lahakɔmɔla ɔnande+ ɔhɛhɛla* mbohetshaka,

Koko ɔnɛ lalanga ɔnande mbohokolaka la etete tshɛ.*+

25 Onto ɔlɔlɔ ndɛka ndo ndotaka,*+

Koko dikundju dia kanga kɔlɔ diekɔ hwe.+

14 Womoto lele mɛtɛ la lomba atohikaka luudu+ lande,

Koko ɔnɛ l’enginya atolihandjolaka la anya ande hita.

 2 Ɔnɛ lakɛndakɛnda lo losembwe lande mbokaka Jehowa wɔma,

Koko ɔnɛ lele la mboka y’okadi* mbɔɔnyɔlaka.

 3 Lofimbɔ l’otako lekɔ lo onyɔ wa kanga enginya,

Koko ɛlɔmɔ wa akanga wa lomba wayowakokɛ.

 4 Lɛnɛ ele bu ngɔmbɛ, dihole dialɛ waa nyama mongaka pudipudi,

Koko wolo wa ngɔmbɛ mbelaka dinela di’efula.

 5 Ɔmɛnyi wa kɔlamelo hatota kashi,

Koko ɔmɛnyi wa kashi mbutaka kashi woho wahɛngande.+

 6 Ɔsɔkanyi atoyangaka lomba ko halikondja,

Koko ewo ndjaaka esadi eto le onto lele la yimba.+

 7 Angana la kanga enginya,

Nɛ dia wɛ hatotana ewo lo ɛlɔmɔ ande.+

 8 Oma lo lomba, kanga kɛsɔ atoshihodiaka mboka katandatshu,

Koko akanga wa dinginya kesamaka* oma lo dinginya diawɔ.+

 9 Akanga wa dinginya ngɛnangɛnaka onongo,*+

Koko anto wosembwe mongaka suke dia mbokana.*

10 Otema mbeyaka ololo awɔ hita,*

Ndo ndooko onto l’oma l’andja lakoka ngɛnangɛna kaamɛ la wɔ.

11 Luudu l’akanga wa kɔlɔ layolanyema,+

Koko luudu la dipɛma la anto w’ɛlɔlɔ layolomba.

12 Mboka kɛmɔtshi mɛnamaka ɔlɔlɔ le onto,+

Koko l’ekomelo tɔ tɔlaka lo nyɔi.+

13 Kaanga etena kɔɔla onto, otema ande mbeyaka monga la kandji,

Ndo ɔngɛnɔngɛnɔ mbeyaka nkomɛ lo lɔkɔnyɔ.

14 Onto lele la otema wambonganyiyama ayona etombelo w’oma lo mboka yande,+

Koko onto ɔlɔlɔ ayona difuto di’oma lo etsha ande.+

15 Kanga enginya* atetawɔka ɛtɛkɛta tshɛ,

Koko kanga kɛsɔ atokanaka yimba lo ena+ tshɛ katakolande.

16 Onto lele la lomba ekɔ la yewo ndo atanganaka la kɛnɛ kele kɔlɔ,

Koko kanga enginya atomalaka esadi ndo atoyaɛkɛka otamanya le nde ndamɛ.

17 Onto lomala esadi salaka akambo w’enginya,+

Koko onto lakanyiya akambo dimɛna* petshamaka.

18 Weomombe* wayokita awui w’enginya,

Koko akanga wa kɛsɔ wayɔlɔtshama la ewo.+

19 Anto wa kɔlɔ wayokusama la ntondo k’onto ɔlɔlɔ,

Ndo akanga wa kɔlɔ wayokusama lo asoko w’onto ɔlɔlɔ.

20 Ose wola petshamaka kaanga oma le asukanyi ande,+

Koko kanga ɔngɔnyi+ mongaka la angɛnyi efula.

21 Onto lahetsha wonyande salaka pɛkato,

Koko onto tshɛ loka ɔmɛnyi mfɔnu kɛtshi ekɔ l’ɔngɛnɔngɛnɔ.+

23 Olimu tshɛ wa wolo wekɔ la wahɔ,

Koko asawo w’anyanya konyaka lo dihombo.+

24 Dɛmbɔ dia nkoso dia akanga wa lomba ele ɔngɔnyi awɔ;

Koko enginya ka akanga wa dinginya ekɔ paka enginya.+

25 Ɔmɛnyi wa mɛtɛ shimbɛka nsɛnɔ,*

Koko wa kashi kesaka woho wahɛngande.

26 Wɛkamu wa wolo wekɔ lo wɔma wa Jehowa,+

Ndo vɔ wayonga dihole di’eshamelo dikambo dia anande.+

27 Wɔma wa Jehowa wekɔ ɛtɛkɔ ka lɔsɛnɔ,

Dia minya onto oma lo tolonga ta nyɔi.

28 Leemba l’anto mbele lotombo la nkumekanga,+

Koko owandji wele bu la anto ndanyemaka.

29 Onto lahoke nkɛlɛ esadi ekɔ la shɛnɔdi+ y’efula,

Koko onto lele bu la solo dia lotutsha kɛnɛmɔlaka enginya+ kande.

30 Otema wele ki mbishaka demba lɔsɛnɔ,*

Koko kandjema ekɔ ɛhɔndɛlɔ lo weka.+

31 Ɔnɛ lakesa mbolambola tɛngaka Nkumɛnde,+

Koko onto tshɛ loka ose wola kɛtshi mbotombolaka.+

32 Kanga kɔlɔ ayɔkɔshama l’ɔtɛ wa kɔlɔ kande hita,

Koko onto ɔlɔlɔ ayotana eshamelo lo olowanyi+ ande.

33 Lomba mbidjasɛka ki lo otema wa kanga yimba,+

Koko l’atei w’akanga wa dinginya, lɔ la dia ndjaeyanya.

34 Losembwe mbidiyaka wodja,+

Koko pɛkato mbishaka anto nsɔnyi.

35 Nkumekanga ngɛnangɛnaka okambi wasala akambo la shɛnɔdi,+

Koko nde momalɛka ɔnɛ lasala akambo wa nsɔnyi.+

15 Okadimwelo wa la memakana* tutshaka nkɛlɛ,+

Koko tshɛkɛta ya kɔlɔ* mbidiyaka nkɛlɛ.+

 2 Lolemi la kanga lomba kambaka dimɛna la ewo,+

Koko onyɔ wa kanga enginya tondjaka enginya kande sɛkɛ.

 3 Washo wa Jehowa wekɔ lo dihole tshɛ,

Wenda anto wa kɔlɔ ndo anto w’ɛlɔlɔ.+

 4 Lolemi* la ki lekɔ osongo wa lɔsɛnɔ,+

Koko ɛtɛkɛta wa lokeso kɔmɔlaka.*

 5 Kanga enginya mɔnyɔlaka ohokwelo+ wa she,

Koko kanga kɛsɔ mbetawɔka engwelo.*+

 6 Diangɔ dia nɛmɔ diekɔ efula lo luudu l’onto ɔlɔlɔ,

Koko kɛnɛ kakondja* kanga kɔlɔ mbeelaka ekakatanu.+

 7 Ɛlɔmɔ w’akanga wa lomba dianganyaka ewo,+

Koko aha ngasɔ mbele otema wa kanga enginya.+

 8 Olambo w’akanga wa kɔlɔ wekɔ wɔnɔnyi le Jehowa,+

Koko dɔmbɛlɔ dia anto w’ɛlɔlɔ mbɔngɛnyangɛnyaka.+

 9 Jehowa petshaka mboka ka kanga kɔlɔ,+

Koko nde nangaka onto lawesa losembwe.+

10 Ohokwelo mɛnamaka kɔlɔ* le onto latakɔ mboka,+

Koko onto tshɛ lahetsha lohango ayovɔ.+

13 Otema w’ɔngɛnɔngɛnɔ kimanyiyaka dia elungi monga l’ɔlɔ,

Koko otema wele la lɔkɔnyɔ kɔmɔlaka yimba.+

14 Otema wa yimba nyangaka ewo,+

Koko onyɔ wa kanga enginya ndɛka* awui w’enginya.+

15 Nshi tshɛ y’ɔmɛnyi mfɔnu yekɔ kɔlɔ,+

Koko onto lele la otema wele l’ɔlɔ* salaka fɛtɛ+ tena tshɛ.

16 Ndeka dimɛna monga la yema tshitshɛ lo wɔma wa Jehowa+

Lo dihole dia ɔngɔnyi w’efula wele kaamɛ la ekiyanu.*+

17 Ndeka dimɛna ndɛ akatshikatshi lam’ele ngandji+

Lo dihole dia ndɛ ngɔmbɛ ya wata lam’ele lohetsho.+

18 Onto ladunganɛ la nkɛlɛ tondjaka ewanu,+

Koko ɔnɛ lahoke nkɛlɛ esadi mbɔladiaka ewanu.+

19 Mboka ka kanga nɛndɛ kekɔ oko lokombo la atɛndɛ,+

Koko mboka k’onto ɔlɔlɔ kekɔ oko nkɛtɛ y’ebamubamu.+

20 Ɔna la lomba ngɛnyangɛnyaka she,+

Koko kanga enginya mɔnyɔlaka nyango.+

21 Enginya ekɔ dui di’ɔngɛnɔngɛnɔ le onto lele bu la ekanelo k’ɔlɔlɔ,*+

Koko onto lele la shɛnɔdi sembɔka tɔɔ otsha la ntondo.+

22 Sangwelo ndanaka lam’aha ɔkɛtshanyelo,*

Koko dikambo ndowanaka lam’ele andaki+ efula.

23 Onto ngɛnangɛnaka mbisha okadimwelo wa dimɛna,*+

Ndo dui diotami lo etena kahombama diekɔ dimɛna efula!+

24 Mboka ka lɔsɛnɔ tɔlaka polo le onto lele la shɛnɔdi,+

Dia mbokokɛ diaha nde ntshɔ lo Diombo.*+

25 Jehowa ayohandjola luudu la kanga otako,+

Koko nde ayokokɛ olelo wa wadi aki odo.+

26 Jehowa petshaka toseke ta kanga kɔlɔ,+

Koko ɛtɛkɛta w’amɛna wekɔ pudipudi le Nde.+

27 Onto layanga wahɔ wa lokeso mbelaka ofukutanu* lo luudu la nde hita,+

Koko ɔnɛ lahetsha mbo y’otsho ayotetemala nsɛna.+

28 Otema w’onto ɔlɔlɔ kanaka yimba la ntondo ka nkadimola,*+

Koko onyɔ wa kanga kɔlɔ tondjaka akambo wa kɔlɔ lo sɛkɛ.

29 Jehowa mangana etale la akanga wa kɔlɔ,

Koko nde mbokaka dɔmbɛlɔ dia anto w’ɛlɔlɔ.+

30 Onto lakenda la washo w’ɔngɛnɔngɛnɔ* ngɛnyangɛnyaka otema;

Lokumu l’ɔlɔlɔ keketshaka weka.*+

31 Onto lahokamɛ lohango lashimbɛ lɔsɛnɔ

Ekɔ lo luudu kaamɛ la akanga wa lomba.+

32 Onto tshɛ latona ohokwelo mɔnyɔlaka lɔsɛnɔ lande,*+

Koko onto tshɛ lahokamɛ lohango kondjaka yimba.*+

33 Wɔma wa Jehowa wekɔ olowanyelo washa lomba,+

Ndo okitshakitsha mbetaka la ntondo ka lotombo.+

16 Onto nɔngɔsɔlaka tokanyi t’otema ande,*

Koko okadimwelo washande* ndjaaka oma le Jehowa.+

 2 Mboka tshɛ y’onto mɛnamaka oko yekɔ amɛna* le nde,+

Koko Jehowa sɛdingolaka eyango.*+

 3 Yaɛkɛ le Jehowa lo kɛnɛ tshɛ kasalayɛ,*+

Ko sangwelo diayɛ diayolowana.

 4 Jehowa akasale elimu tshɛ dikambo dia sangwelo diande,

Oyadi kaanga kanga kɔlɔ lo lushi la asui.+

 6 Oma lo ngandji ka kɔlamelo ndo kɔlamelo, munga kombamaka,+

Ndo oma lo wɔma wa Jehowa, onto mimɔka oma lo kɔlɔ.+

 7 Etena kangɛnangɛna Jehowa mboka y’onto ɔmɔtshi,

Nde salaka dia kaanga atunyi ande monga lo wɔladi kaamɛ la nde.+

 8 Ndeka dimɛna monga la yema ya diangɔ tshitshɛ kaamɛ la losembwe+

Lo dihole dia monga la ekondjelo k’efula aha la losembwe.+

 9 Onto mbeyaka nkongɛ dimɛna kɛnɛ kayangande nsala,

Koko Jehowa kalɔmbɔla wanya ande.+

10 Yɛdikɔ y’oma le Nzambi pombaka monga lo ɛlɔmɔ wa nkumekanga;+

Nde hahombe pondjo takɔ losembwe.+

11 Kilɔ ndo tɛdikɔ taha la lokeso ndja oma le Jehowa;

Wotsho tshɛ wele lo tapa mbele olimu ande.+

12 Ditshelo dia kɔlɔ diekɔ wɔnɔnyi le nkumi ya dikanga,+

Nɛ dia kiti ka lowandji shikikɛmaka dimɛna oma lo losembwe.+

14 Nkɛlɛ ka nkumekanga kekɔ oko ɔkɛndji wa nyɔi,+

Koko onto la lomba kikitshakitshaka.*+

15 Lɔsɛnɔ lekɔ lo osase wele lo elungi ka nkumekanga;

Mpomɔ lokolo l’ɔlɔ le nde ekɔ oko dinge dia mvula lo nshi y’ɔwɔ.+

18 Otako katetaka la ntondo ka elanyelo,

Ndo yimba ya lotamanya la ntondo ka ɔkwɛlɔ.+

19 Ndeka dimɛna monga la okitshakitsha* l’atei w’anto wele la memakana+

Lo dihole dia nkahana diangɔ dia dimbo la akanga w’etako.

20 Onto lakɛnɛmɔla shɛnɔdi lo dikambo dimɔtshi ayotondoya,*

Ndo onto layaɛkɛ le Jehowa ekɔ la ɔngɛnɔngɛnɔ.

21 Onto lele la lomba lo otema ayelamɛ ɔnɛ kanga yimba,+

Ndo ɔnɛ lele la ɛtɛkɛta w’amɛna* ndekaka mbetawoya.+

22 Kɛsɔ yekɔ ɛtɛkɔ ka lɔsɛnɔ le ɔnɛ lele la yɔ,

Koko akanga wa dinginya pokɔmaka oma lo dinginya diawɔ hita.

23 Otema wa kanga lomba mbishaka onyɔ ande shɛnɔdi+

Ndo ɛtɛkɛta ande ndekaka mbetawoya.

24 Ɛtɛkɛta w’amɛna wekɔ ehehe k’osanga,

Wekɔ mpɛ le anima* ndo ɛkɔnwɛlɔ lo weka.+

25 Mboka kɛmɔtshi mɛnamaka ɔlɔlɔ le onto,

Koko l’ekomelo tɔ tɔlaka lo nyɔi.+

26 Mposa ka ndɛ* k’okambi w’ekambɔ mbokonyaka dia nkamba la wolo

Nɛ dia ndjala* kande mbotshutshuyaka lɔkɔ.+

27 Onto l’anyanya tshimaka kɛnɛ kele kɔlɔ;+

Ɛlɔmɔ ande wekɔ oko loombe la dja.+

28 Onto ladja ofukutanu* tondjaka ewanu,+

Ndo omamanyishi kakitolaka angɛnyi+ wa ma ma.

29 Kanga ngala kotolaka osukanyi ande

Ndo mbɔtɔlaka lo mboka ka kɔlɔ.

31 Ɔtɛ wa ndjwe wekɔ dɛmbɔ dia nkoso di’olangala*+

Etena katanemawɔ lo mboka ka losembwe.+

32 Onto lahoke nkɛlɛ+ esadi ndeka pami ka wolo,

Ndo ɔnɛ layakimɛ* ndeka ɔnɛ lalɛndja osomba.+

33 Owale mbokamaka lo difunda,+

Koko yɛdikɔ ya lɔkɔ ndjaaka oma le Jehowa.+

17 Ndeka dimɛna ndɛ ɛtshi ka mapa wa womu lam’ele ki*+

Lo dihole dia monga lo luudu loludi tɔɔ la diangɔ dia ndɛ* lam’ele ewanu.+

 2 Okambi wele la shɛnɔdi ayonga owandji w’ɔna lasala akambo wa nsɔnyi;

Nde ayolongola yema y’etenyi k’okitɔ oko anangɛwɔ.

 3 Mpoke kalɛlɔlawɔ mbolo kekɔ dikambo dia mfɛsa ndo nkuka ka dja dikambo dia paonyi,+

Koko Jehowa kele ɔsɛdingodi w’etema.+

 4 Kanga kɔlɔ mbidjaka yimba lo ɛtɛkɛta wahomuya;

Ndo kanga lokeso pokamɛka lolemi latondja awui wa kɔlɔ.+

 5 Onto tshɛ lasɔka ose wola tɛngaka Otungi+ ande,

Ndo onto tshɛ langɛnangɛna l’ɔtɛ wa mpokoso kambokomɛ onto okina hatohandɔ dilanya.+

 6 Ekana wekɔ dɛmbɔ dia nkoso le osombe w’onto,

Ndo waa papa* wekɔ lotombo la anawɔ.

 8 Woshasha wekɔ oko lɔwɔkɔ la nɛmɔ* le kangawɔ;+

Dihole tshɛ diakadimɔnde, vɔ mbohomuyaka lokolo l’ɔlɔ.+

 9 Onto tshɛ ladimanyiyana* kɔlɔ nyangaka ngandji,+

Koko ɔnɛ latetemala nsanya dikambo kakitolaka angɛnyi+ wa ma ma.

10 Lohango mongaka la shɛngiya ya wolo le ɔnɛ lele la yimba+

Oleki nkɔmɔla kanga enginya mbala 100.+

11 Onto a kɔlɔ nyangaka tsho ɔtɔmbɔkwɛlɔ,

Koko ɔkɛndji w’esehe ayotomama dia mbosha dilanya.+

12 Ndeka dimɛna mpomana la laondo lamboshisha analɔ

Lo dihole dia mpomana la kanga enginya lo enginya+ kande.

13 Naka onto ɔmɔtshi ambokaloya kɔlɔ lo ɔlɔlɔ,

Kɔlɔ hamɔki oma lo luudu lande.+

14 Ntatɛ la ta ekɔ oko mbikola nkonge;*

La ntondo ka owanu ntomba, nya demba.+

15 Onto layindja kanga kɔlɔ ndo onto laanya onto ɔlɔlɔ,+

Vɔ ahende wekɔ wɔnɔnyi le Jehowa.

16 Ɔlɔlɔ akɔna wayala naka kanga enginya monga la akoka wa nkondja lomba

Etena kende bu la otema wa likondja?*+

17 Ɔngɛnyi wa mɛtɛ mbokanaka ngandji tena tshɛ+

Ndo ekɔ ɔnanyɔ lakokayɛ mendɛ le nde lo tena dia paa.+

18 Onto lele bu la ekanelo k’ɔlɔlɔ* sutshasutshaka anya ndo mbetawɔka

Dia nkimɔ ɔkɔlɛ la ntondo ka wonyande.+

20 Onto lele la otema wa wɛngɛngɛ hatotondoya,*+

Ndo onto lata awui wa lokeso ayolanyema.

21 Ɔnɛ lota ɔna la enginya ayodiɛnɛ la lɔkɔnyɔ;

Ndo she ɔna la ɛpɔka bu l’ɔngɛnɔngɛnɔ.+

22 Otema wele l’ɔngɛnɔngɛnɔ ekɔ okanga wa dimɛna,*+

Koko yimba yambɔkɔmɔ shidiyaka wolo w’onto.*+

23 Kanga kɔlɔ nongolaka etshimba lo woshɛshɛ*

Dia ndanya kilombo ka losembwe.+

24 Lomba lekɔ mbala kakɔ ɔtɔi la ntondo ka kanga shɛnɔdi,

Koko washo wa kanga enginya mbetetaka polo lo tokoma ta nkɛtɛ.+

25 Ɔna l’enginya nyangiyaka she

Ndo mbishaka ɔnɛ lakawote lɔkɔnyɔ.*+

26 Bu dimɛna mbisha onto ɔlɔlɔ dilanya,*

Ndo nkɔmɔla onto lele la nɛmɔ hɔtɔnɛ la kɛnɛ kosembwe.

27 Onto lele la ewo ndjakimɛka lo ɛtɛkɛta ande,+

Ndo onto lele la shɛnɔdi nɛmbɔhalaka ki.*+

28 Kaanga kanga enginya latshikala ki ayɔsama oko kanga lomba,

Ndo ɔnɛ ladiha ɛlɔmɔ ande ekɔ la shɛnɔdi.

18 Onto tshɛ layakakitola nyangaka wahɔ ande hita wa lokaki;

Nde tonaka* lomba tshɛ l’oshika.

 2 Kanga enginya hangɛnangɛna yimba;

Koko nde mbisholaka kɛnɛ kele lo otema+ ande.

 3 Lam’aya kanga kɔlɔ ndo diɔnyɔ ndjaaka,

Ndo nsɔnyi mongaka kaamɛ la diɔnyɔ.+

 5 Keema dimɛna monga la shɔnɔdi le kanga kɔlɔ+

Kana nyima onto ɔlɔlɔ losembwe.+

 6 Ɛtɛkɛta wa kanga enginya konyaka lo ewanu,+

Ndo onyɔ ande mbelɛka dikɔmɔki.+

 7 Onyɔ wa kanga enginya wekɔ elanyelo kande,+

Ndo ɛlɔmɔ ande wekɔ djonga lo lɔsɛnɔ* lande.

 8 Ɛtɛkɛta wa omamanyishi wekɔ oko bɛtshi dia mbo ya ndɛ ya mpɛ;*+

Diɔ polɔka mbala kakɔ ɔtɔi lo dikundju.+

 9 Onto tshɛ lele nɛndɛ lo olimu ande

Ekɔ ɔnango onanyishi.+

11 Okundji wa kanga ɔngɔnyi ele osomba ande wodingami la mpele;

Vɔ wekɔ oko ehele k’ekokelo lo yimba+ yande.

12 Otema wa lotamanya mbatoyaka la ntondo k’elanyelo,+

Ndo okitshakitsha+ la ntondo ka lotombo.

13 Onto lakadimola esadi esadi la ntondo ka nde mpokamɛ dikambo dimɛna,

Dui sɔ diekɔ enginya ndo nsɔnyi+ le nde.

14 Yimba y’onto koka mbosukɛ etena kende la hemɔ,+

Ko akɔna akoka mbikikɛ yimba yambohandjɔ?*+

15 Otema w’onto lele la yimba kondjaka ewo,+

Ndo toyi dia kanga lomba nyangaka dia nkondja ewo.

16 Woshasha w’onto mbodiholɛka+ mboka;

Vɔ mbokonyaka le anto wa weke.

17 Onto latɛkɛta ntondo lo kilombo mɛnamaka dia nde mbasɔ,+

Polo lam’ayoya onto okina ko mbooka ambola efula.*+

18 Wookelo w’owale komiyaka ewanu+

Ndo sambolaka lam’asa* atunyi wa wolo.

19 Ɔngɛnyi wosalewɔ kɔlɔ ekɔ otema wolo ndeka osomba wodingami la mpele,+

Ndo ekɔ ewanu ɛmɔtshi wele oko tokengete ta longele.+

20 Dikundju di’onto diayolola la elowa w’ɛtɛkɛta ande;*+

Nde ayolotshama la kɛnɛ katondja ɛlɔmɔ ande.

21 Nyɔi la lɔsɛnɔ wekɔ lo wolo wa lolemi;+

Wanɛ walanga nkamba la lɔ wayɔlɛ elowa alɔ.+

22 Onto lakondja wadi la dimɛna ambokondja ɛngɔ ka dimɛna,+

Ndo nde pomɔka lokolo l’ɔlɔ oma le Jehowa.+

23 Ose wola sɛngasɛngaka etena katɛkɛtande,

Koko ose ɔngɔnyi kadimolaka la ngala tshɛ.

24 Angɛnyi amɔtshi wekɔ suke dia tɛtshatɛtshana lam’asawɔ,+

Koko ekɔ ɔngɛnyi ɔmɔtshi waleka mbekesanɛ la onto ndeka ndo ɔnango.+

19 Ndeka dimɛna monga wola ko nkɛndakɛnda lo olowanyi+

Lo dihole dia monga enginya ko mbuta kashi.+

 2 Onto* lele bu la ewo bu onto l’ɔlɔlɔ,+

Ndo ɔnɛ lasala akambo la esasesase* ekɔ lo nsala pɛkato.

 3 Enginya k’onto ndamɛ kalanya mboka kande,

Ko otema ande komaka lo momalɛ Jehowa.

 4 Ɔngɔnyi kotolaka angɛnyi efula,

Koko ose wola, oyadi kaanga ɔngɛnyi ande ayowɔsɛka.+

 5 Ɔmɛnyi wa kashi hatohandɔ dilanya,+

Ndo ɔnɛ lata kashi woho wahɛngande hatohandɔ.+

 6 Anto efula nyangaka dia mpomɔ lokolo l’ɔlɔ le ɔlɔhɛ,*

Ndo onto tshɛ ekɔ ɔngɛnyi wa ɔnɛ lashana weshasha.

 7 Anango ose wola tshɛ mbohetshaka;+

Kete hoke woho woolawɔ angɛnyi ande!+

 9 Ɔmɛnyi wa kashi hatohandɔ dilanya,

Ndo ɔnɛ tshɛ lata kashi woho wahɛngande ayolanyema.+

10 Bu dimɛna dia kanga enginya nsɛna lɔsɛnɔ la dimɛna efula;

Kete hoke ose olimu mbolɛ ewandji!+

11 Lo mɛtɛ shɛnɔdi y’onto kitshakitshaka nkɛlɛ+ kande,

Ndo minya yimba* lo kɔlɔ koosalewɔ*+ ekɔ dui dia dimɛna efula.

12 Nkɛlɛ ka nkumekanga kekɔ oko dikita dia ntambwɛ,*+

Koko mbetawɔma le nde ekɔ oko lɔpɔpɔ le tombatomba.

13 Ɔna l’enginya mbelaka she+ asui,

Ndo wadi la londjo ekɔ oko ɔtɛ wa luudu wahahekɔ nsela.+

14 Okitɔ w’oma le ambutshi w’apami ele luudu ndo ɔngɔnyi,

Koko wadi la kɛsɔ ndjaaka oma le Jehowa.+

15 Nɛndɛ ndashaka djɔ ya baku,

Ndo onto* ladja dɛwɔlɛwɔ ayodiɛnɛ la ndjala.+

16 Onto lakitanyiya ɛlɛmbɛ namaka lɔsɛnɔ*+ lande;

Onto lanya yimba lo mboka yande ayovɔ.+

17 Onto loka mbolambola kɛtshi ekɔ lo nsɔndja Jehowa+ diangɔ,

Ndo Nde ayowofuta l’ɔtɛ wa kɛnɛ kasalande.+

18 Hokola ɔnayɛ lam’eke elongamelo,+

Ndo toyalake lo kiɔkɔ ya* nyɔi+ kande.

19 Ɔnɛ latodɔdɔka la nkɛlɛ ayofuta kibawo;

Naka wɛ nyanga dia mboomba, wɛ ayohomba nsala dui sɔ mbala ko mbala.+

20 Hokamɛ dako ndo etawɔ ohokwelo,+

Dia wɛ ndjonga kanga lomba lo nshi yayaye.+

21 Onto mongaka la asangwelo efula l’otema,

Koko lolango* la Jehowa mbayoleka.+

22 Ɛngɔ ka nɛmɔ kele le onto ele ngandji kande ka kɔlamelo;+

Ndo ndeka dimɛna monga ose wola lo dihole dia monga kanga kashi.

23 Wɔma wa Jehowa konyaka lo lɔsɛnɔ;+

Onto lele la wɔ ayonga la diomuyelo di’ɔngɛnɔngɛnɔ, ndooko waale wayowokomɛ.+

24 Kanga nɛndɛ atodjaka lonya lande lo dɔnga dia dambo,

Koko nde hakoke kaanga lidja lo onyɔ ande.+

25 Kɔmɔla ɔmɔnyɔdi,+ kele ɔnɛ lahatahokɔ akambo onge la kɛsɔ,+

Ndo hangwɛ kanga yimba kele nde kahame lo ewo.+

26 Onto lahɛnyɔla she ndo latshanya nyango

Ekɔ ɔna lela nsɔnyi ndo diɔnyɔ.+

27 Ɔnami le, naka wɛ ntshika mpokamɛ ohokwelo,

Wɛ ayotakɔ mboka k’ɛtɛkɛta wa ewo.

28 Ɔmɛnyi w’anyanya sɔkaka losembwe,+

Ndo onyɔ wa kanga kɔlɔ mɛnaka kɛnɛ kele kɔlɔ.+

29 Kilombo namema dikambo dia amɔnyɔdi,+

Ndo dikɔmɔki dikambo di’ɔkɔngɔ wa akanga wa dinginya.+

20 Wanu wekɔ ɔsɔkanyi+ ndo wanu wadjoya wekɔ ɔtɔmbɔki;+

Onto tshɛ langanyiyama la wɔ bu la lomba.+

 2 Wɔma* wa nkumekanga wekɔ oko dikita dia ntambwɛ;*+

Onto tshɛ lawomadia mbidjaka lɔsɛnɔ lande hita lo waale.+

 3 Mbewɔ owanu+ ekɔ dui dia nɛmɔ le onto,

Koko onto tshɛ lele enginya ndjatambiyaka lɔkɔ.+

 4 Kanga nɛndɛ hafuse lo nshi ya tshitshi,

Ko nde ayoyɔlɔmbana lo nshi ya dinela etena kende ndooko la ɛngɔ.*+

 5 Tokanyi* ta lo otema w’onto tekɔ oko ashi wa dingunda,

Koko kanga shɛnɔdi mbataholaka.

 6 Anto efula tɛkɛtaka dia ngandji kawɔ ka kɔlamelo,

Ko akɔna akoka ntana kanga kɔlamelo?

 8 Etena kadjasɛ nkumekanga lo kiti ka lowandji dia nombosha,+

Nde sɛndingolaka kɔlɔ tshɛ la washo+ ande.

 9 Akɔna akoka mbuta ate: “Dimi lambɛdia otema ami;+

Dimi lambɛla oma lo pɛkato kami”?+

10 Wetsho wa lokeso ndo tɛdikɔ ta kashi*

Ekɔ wɔnɔnyi le Jehowa.+

11 Kaanga ɔna* mbeyamaka oma lo etsha ande,

Dia kana dionga diande diekɔ pudipudi ndo dimɛna.+

12 Toyi dioka ndo sso diɛna,

Jehowa kakaasale vɔ tshɛ.+

14 Osombi mbutaka ate: “Bu dimɛna, bu dimɛna!”

Oma laasɔ nde tshɔka ndo ndjafunaka dikambo diande ndamɛ.+

15 Paonyi yekɔ kaamɛ ndo kɔrai* yekɔ efula,

Koko ɛlɔmɔ wa ewo wekɔ ɛngɔ k’oshinga wolo.+

16 Ɔsa dihɔndɔ di’onto naka nde akakimɔ ɔkɔlɛ le ɔngɛndangɛnda;+

Ɔsa ɔkɔlɛ oma le nde naka nde akasale ngasɔ le womoto l’ose wodja okina.*+

17 Mbo ya ndɛ yokondjami oma lo lokeso yekɔ mpɛ le onto,

Koko l’ɔkɔngɔ diko onyɔ ande wayolola tɔɔ la mbɔkɔ.+

18 Sangwelo ndowanaka,* diɛsɛ la ɔkɛtshanyelo,*+

Ndo lɔsha ta diayɛ la ɛlɔmbwɛlɔ ka dimɛna.*+

19 Omamanyishi mbetetaka dia tasholaka sawo+ dia sheke;

Tekesanɛke la onto lalanga vate vate.*

20 Onto tshɛ ladja she la nyango mananu,

Tala diande diayodimala lam’ayoya wodjima.+

21 Etenyi k’okitɔ kakondjama ntondo la lokaki

Hatonga ɔtshɔkɔ l’ekomelo.+

23 Wetsho wa lokeso* wekɔ wɔnɔnyi le Jehowa,

Ndo kilɔ ya lokeso keema dimɛna.

24 Jehowa kalɔmbɔla+ wanya w’onto;

Ngande wakoka onto nshihodia mboka kande hita?*

26 Nkumekanga ka lomba sɛndingolaka akanga wa kɔlɔ+

Ndo mingitolaka etshimbi wa lo esuswelo laadiko diawɔ.+

27 Loowe l’onto lekɔ tala dia Jehowa,

Nyangiayangiaka l’etei ka tshondo yande.

28 Ngandji ka kɔlamelo ndo kɔlamelo shimbɛka nkumekanga;+

Diɛsɛ la ngandji ka kɔlamelo nde sukɛka kiti kande ka lowandji.+

29 Lotombo laki ɛlɔngɔ w’apami ele wolo awɔ,+

Ndo lɔnɛnɛ l’esombe w’anto ele avo awɔ wa ndjwe.+

30 Wɔkwɛlɔ la mpota minyaka* kɔlɔ,+

Ndo dikɔmɔki solaka lonto la l’etei.

 2 Mboka tshɛ y’onto mɛnamaka oko yekɔ amɛna le nde,+

Koko Jehowa sɛdingolaka etema.*+

 3 Nsala kɛnɛ kele ɔlɔlɔ ndo kosembwe

Ngɛnyangɛnyaka Jehowa efula oleki olambo.+

 4 Washo wa lotamanya ndo otema w’otako,

Tala dialɔmbɔla akanga wa kɔlɔ ko pɛkato.+

 5 Asangwelo wa kanga etete konyaka mɛtɛ lo otondoyelo,*+

Koko wanɛ tshɛ wasala akambo la esasesase wayonga wola ndooko onyake.+

 6 Kondja diangɔ dia nɛmɔ oma lo lolemi la kashi

Ekɔ oko loonge leta, djonga ya nyɔi.*+

 7 Awui wa ngala wa akanga wa kɔlɔ wayowaɔmba,+

Nɛ dia vɔ tonaka dia nsala akambo la losembwe.

 8 Mboka k’onto lele la onongo kekɔ wɛngɛngɛ,

Koko etsha w’onto lele pudipudi wekɔ osembɔki.+

 9 Ndeka dimɛna mbidjasɛ lo tshuku dia nsambe ka luudu

Lo dihole dia mbidjasɛ luudu ɔtɔi la wadi la londjo.+

10 Kanga kɔlɔ* atokombolaka kɛnɛ kele kɔlɔ;+

Nde hoke osekande kɛtshi.+

11 Etena kalongola ɔmɔnyɔdi dilanya, onto lahatahokɔ akambo komaka kanga lomba l’efula,

Ndo etena kakondja kanga lomba shɛnɔdi nde mongaka la ewo.*+

12 Onto ɔlɔlɔ sɛndingolaka luudu la kanga kɔlɔ;

Nde kɔshaka akanga wa kɔlɔ lo elanyelo+ kawɔ.

13 Onto tshɛ ladiha atoyi ande lo delo dia mbolambola

Nde lawɔ ayelɛ ko ndooko layowokadimola.+

14 Woshasha wa lo woshɛshɛ kitshakitshaka nkɛlɛ,+

Ndo etshimba woshɛmi* mbidiyaka odudu.

15 Le onto ɔlɔlɔ, nsala akambo la losembwe+ ekɔ dui di’ɔngɛnɔngɛnɔ,

Koko ekɔ dui dia kɔlɔ efula le wanɛ wasala akambo wa kɔlɔ.

16 Onto latakɔ mboka ka shɛnɔdi

Ayomuya kaamɛ la wanɛ wele bu la wolo lo nyɔi.+

17 Onto lalanga monga la etena k’ɔngɛnɔngɛnɔ* komaka kanga wola;+

Onto lalanga wanu ndo esɔ hatonga ɔngɔnyi.

18 Onto a kɔlɔ ekɔ oshinga w’etshungwelo le onto ɔlɔlɔ,

Ndo kanga lokeso ayɔsama lo dihole dia kanga losembwe.+

19 Ndeka dimɛna mbidjasɛ lo oswe wa shɛnga

Lo dihole dia mbidjasɛ kaamɛ la wadi la londjo ndo la nkɛlɛ.+

20 Ɛngɔ ka nɛmɔ ndo esɔ k’oshinga wolo tanemaka lo luudu la kanga lomba,+

Koko kanga enginya manaka* kɛnɛ kele la nde.+

21 Onto tshɛ lawesa losembwe ndo ngandji ka kɔlamelo

Ayotana lɔsɛnɔ, losembwe ndo lotombo.+

22 Kanga lomba koka mbidɛ* lo osomba wa akanga wa wolo

Ndo nkitshakitsha wolo wayaɛkɛwɔ lɔkɔ.+

23 Ɔnɛ lalama onyɔ ande ndo lolemi lande

Ndjanyaka* oma lo ekakatanu.+

24 Kanga otako, kanga ɔsɛmɔ lele lotamanya, ngasɔ mbelɛyɛ

Onto lasala akambo osalasala la otako tshɛ.+

25 Ɔkɔmiya wa kanga nɛndɛ wayowodiaka,

Nɛ dia anya ande tonaka nkamba olimu.+

26 Lushi l’otondo nde kɔmiyaka,

Koko onto ɔlɔlɔ kahaka, nde bu la onyishi.+

28 Ɔmɛnyi wa kashi ayolanyema,+

Koko onto lahokamɛ ayotondoya lo mbuta kɛnɛ kakandɛnyi.*

29 Kanga kɔlɔ pindjaka elungi kande,+

Koko onto losembwe, mboka kande kekɔ shikaa.*+

31 Mfalasa nɔngɔsɔmaka dikambo dia lushi la ta,+

Koko panda kekɔ ka Jehowa.+

22 Lokombo l’ɔlɔlɔ* kahomba sɔnama lo dihole dia ɔngɔnyi w’efula;+

Nɛmiyama* ndeka mfɛsa la paonyi nɛmɔ.

 3 Kanga yewo atɛnaka waale, ko nde atoyashɛka,

Koko onto lahatahokɔ akambo atotshɔka tsho, ko atodiɛnɛka la etombelo wa kɔlɔ.*

 4 Etombelo w’oma l’okitshakitsha ndo wɔma wa Jehowa

Ele ɛngɔnyi, lotombo ndo lɔsɛnɔ.+

 5 Atɛndɛ la tolonga mongaka lo mboka ka kanga okadi,

Koko onto tshɛ lɔsa lɔsɛnɔ lande* la nɛmɔ manganaka etale oma lɔkɔ.+

 6 Etsha ɔna* lo mboka kahombande ntshɔ;+

Kaanga lam’ayondonga opalanga nde hatokitakɔ.+

 7 Kanga ɔngɔnyi mbolɛka ose wola,

Ndo ɔsɔmbi ekɔ mfumbe k’ɔsɔndjanyi.+

 8 Onto tshɛ lonɛ akambo wa kɔlɔ ayona mpokoso,+

Ndo okalemba w’odudu ande wayokoma l’ekomelo+ kawɔ.

 9 Kanga lokaho* ayɔtshɔkwama,

Nɛ dia nde kahanaka mbo ya ndɛ yande la ose wola.+

10 Tshanya kanga lɔsɔkɔ,

Ko owanu wayoshila;

Ewanu* la ntɛngɔ yayokomɛ.

11 Onto lalanga otema wa pudipudi ndo lele la ɛtɛkɛta w’amɛna

Ayonga ɔngɛnyi wa nkumekanga.+

12 Washo wa Jehowa namaka ewo,

Koko Nde mbitolaka ɛtɛkɛta wa kanga lokeso.+

15 Awui w’enginya kelekama lo otema w’ɔna dikɛnda,+

Koko ɔhɛhɛla w’ohokwelo ayowanya etale oma le nde.+

16 Onto lakesa ose wola dia mfudia ɔngɔnyi+ ande

Ndo onto lasha kanga ɔngɔnyi weshasha

Ayokomɛ lo monga wola.

17 Hokɛ toyi diayɛ ndo hokamɛ ɛtɛkɛta wa akanga wa lomba,+

Dia wɛ mbɛdiya otema ayɛ lo ewo+ kami,

18 Nɛ dia ekɔ dimɛna mbalama etale l’etei kayɛ,+

Dia vɔ tshɛ mongaka tena tshɛ lo ɛlɔmɔ ayɛ.+

19 Dia wɛkamu ayɛ monga le Jehowa,

Mbakoshami ewo ɛlɔ.

20 Shi dimi lakashile kofundɛ,

Lo kosha alako ndo ewo,

21 Dia ketsha ɛtɛkɛta wa mɛtɛ ndo w’eshika,

Dia wɛ nkalola la alapɔlɔ wa mɛtɛ le ɔnɛ lakakotome?

22 Tɔkɔsɔlake ose wola ɛngɔ l’ɔtɛ wende ose wola,+

Ndo tominolake mbolambola la soko di’osomba,+

23 Nɛ dia Jehowa ndamɛ ayowaswɛlɛ+

Ndo nde ayɔsa lɔsɛnɔ* la wanɛ waakesa.

24 Tekesanɛke la onto ladɔdɔ la nkɛlɛ

Ndo tongake kaamɛ la kanga yomalomala,

25 Diaha wɛ ndjeka mboka yande

Ndo ndjoyatadia*+ lo djonga.

26 Tongake l’atei w’anto wasutshasutsha anya awɔ lo diokanelo,

Wakimɔ ɛngɔ ɔkɔlɛ l’ɔtɛ wa abasa.+

27 Naka wɛ ndooko la ɛngɔ ka mfuta,

Wayɔsa mbeto ketamiyɛ!

28 Tɔsɛkɔlake olelo w’edjedja

Wakatadjisha watshɛyɛ.+

Nde ayemala la ntondo ka nkumi ya dikanga;+

Nde hatemala la ntondo ka anto k’anto.

23 Etena kadjasɛyɛ dia ndɛ kaamɛ la nkumekanga,

Sɛdingola la yambalo tshɛ kɛnɛ kele la ntondo kayɛ;

 2 Kitsha lokuwa lo wodi ayɛ*

Naka wɛ ekɔ la nsaki k’efula ka ndɛ.*

 3 Tokombolake mbo ya ndɛ yande y’amɛna,

Nɛ dia yɔ yekɔ mbo ya ndɛ ya lokeso.

 5 Lam’ayoyoka washo ayɛ lɔkɔ, vɔ hawotonga nto,+

Nɛ dia ndooko onyake vɔ wayonga la ahafu oko mpongo ndo wayofumbɔ otsha l’olongo.+

 6 Tɔlɛke mbo ya ndɛ ya kanga onyishi;*

Tokombolake mbo ya ndɛ yande y’amɛna,

 7 Nɛ dia nde ekɔ oko onto lasala owadi.*

 8 Wɛ ayotowɔ yema yakayale

Ndo ayoshisha lowando layɛ.

 9 Tɔtɛkɛtake lo atoyi wa kanga enginya,+

Nɛ dia nde ayɔnyɔla lomba l’ɛtɛkɛta ayɛ.+

10 Tɔsɛkɔlake olelo w’edjedja+

Ndo tɔtɔke lo ekambɔ k’ɔna etshike.

11 Nɛ dia Ɔswɛdi* awɔ ekɔ la wolo;

Nde ayɔsa dikambo diawɔ dia nsamba la yɛ.+

12 Ɛdiya otema ayɛ lo ohokwelo

Ndo toyi diayɛ lo ɛtɛkɛta wa ewo.

14 Wɛ pombaka mbɔkɔmɔla ɔhɛhɛla,

Dia mboshimbɛ* oma lo Diombo.*

15 Ɔnami, naka otema ayɛ wayonga la lomba,

Kete otema ami wayɔngɛnangɛna.+

16 Lonto lami la l’etei* layonga la ɔlɔ

Etena kayɔtɛkɛta ɛlɔmɔ ayɛ kɛnɛ kosembwe.

17 Otema ayɛ watɔkɔmiyake atshi wa pɛkato,+

Koko ongaka la wɔma wa Jehowa lushi l’otondo,+

18 Nɛ dia ngasɔ kayoyonga la nshi yayaye+

Ndo elongamelo kayɛ hatoshishɔ.

19 Ɔnami, hokamɛ ko wɛ ayonga kanga lomba,

Ndo ɛdiya otema ayɛ lo mboka kosembwe.

20 Tongake l’atei wa wanɛ wanɔ wanu efula,+

L’atei wa wanɛ wayasha efula lo deshi di’onatshi,+

21 Nɛ dia ombidjɔki wa wanu ndo kanga lɔtɔmɔ wayonga wola,+

Onyingonyingo wa djɔ wayɔlɔtsha onto emusu w’ahɔndɔ.

22 Hokamɛ shɔ lakakote,

Ndo tɔnyɔlake nyɔ paka l’ɔtɛ wayande osombe.+

23 Somba* mɛtɛ ndo tokisondjake pondjo,+

Kaamɛ ndo lomba, ohokwelo ndo yimba.+

24 She onto ɔlɔlɔ ayɔngɛnangɛna ndooko onyake;

Onto tshɛ lakote ɔna la lomba ayɔngɛnangɛna lo dikambo diande.

25 Shɔ la nyɔ wayɔngɛnangɛna,

Ndo womoto lakakote ayonga l’ɔlɔ.

26 Ɔnami, ombisha otema ayɛ,

Ndo washo ayɛ wangɛnangɛnake mboka yami.+

27 Nɛ dia womoto la numba ekɔ difuku di’ɔhɔngɔ,

Ndo womoto lele la lɔkɛwɔ la mindo* ekɔ ɛtɛkɔ ka mpika.+

28 Nde polamaka oko ɔpɔtwanyi;+

Nde fudiaka lofulo la apami wele bu la kɔlamelo.

30 Wanɛ watotshikalaka edja lo nnɔ wanu;+

Wanɛ watoyangaka* wanu wa lɔsɔhanya.

31 Tendake wanu woho wewɔ beela

Woho watowokundɔkundɔka lo dikɔhɔ ndo watowoholɔka dimɛna lo wodi,

32 Nɛ dia l’ekomelo vɔ numataka oko oloyi,

Vɔ tondjaka lɔlɛngɔ lele oko la tshuha.

33 Washo ayɛ wayɛna akambo waheyama ɔtɛ l’ekolo,

Ndo otema ayɛ wayɔtɛkɛta awui wa kɔlɔ.+

34 Wɛ ayonga oko onto letami l’atei wa ndjale,

Oko onto letami la shɔdi ya ekundji kasukɛ dipɛma dia masuwa.

24 Tɔkɔmiyake anto wa kɔlɔ,

Ndo tokombolake monga l’ɔnɔngɔ awɔ,+

 2 Nɛ dia etema awɔ kanaka yimba lo awui wa ngala,

Ndo ɛlɔmɔ awɔ tɛkɛtaka dia salɛ anto akina kɔlɔ.

 3 Oma lo lomba mbatohikamaka+ luudu,*

Ndo oma lo shɛnɔdi mbatoloshikimalaka.

 4 Oma lo ewo mbatololaka mvudu yalɔ ya l’etei

La weho tshɛ wa diangɔ dia nɛmɔ di’oshinga wolo ndo di’amɛna.+

 5 Kanga lomba ekɔ la wolo,+

Ndo la ewo mbafudia onto wolo ande.

 6 La ɛlɔmbwɛlɔ ka dimɛna,* wɛ ayɔlɔsha ta diayɛ,+

Ndo otshumba*+ mbidjamaka lam’ele andaki* efula.

 7 Lomba la mɛtɛ halokoke tanema le kanga enginya;+

Nde ndooko la dui dia mbuta la soko di’osomba.

 8 Onto tshɛ lɔtɔ sheke dia ntsha kɔlɔ

Ayelamɛ owandji wa wanɛ wɔtɔ toseke.+

 9 Tokanyi t’enginya* tekɔ pɛkato,

Ndo anto petshaka ɔmɔnyɔdi.+

10 Naka wɛ ambɔkɔmɔ lo lushi la paa,*

Kete wolo ayɛ wayokitakita.

11 Tshungola wanɛ watatɔlama otsha lo nyɔi,

Ndo kaloya wanɛ watatshingatshinga otsha la todiakema.+

Eelo, Ɔnɛ lakoshishima* ayeya

Ndo ayofuta onto l’onto lo ndjela etsha ande.+

13 Ɔnami, lɛka osanga, nɛ dia vɔ wekɔ ɔlɔlɔ;

Osanga w’oma lo ehehe wekɔ mpɛ l’onyɔ.

Naka wɛ litana, kete wɛ ayonga la nshi yayaye

Ndo elongamelo kayɛ hatoshishɔ.+

15 Toholamake lo yoho ya kɔlɔ suke la luudu la onto ɔlɔlɔ;

Tolanyake dihole diande dia diomuyelo.

16 Nɛ dia onto ɔlɔlɔ mbeyaka nkɔ mbala 7, ko nde ayetɔ nto,+

Koko akanga wa kɔlɔ wayotakana l’ɔtɛ wa mpokoso.+

17 Naka otunyi ayɛ ambɔkɔ, tɔngɛnangɛnake,

Ndo naka nde ambotakana, tetawɔke dia otema ayɛ monga la ɔlɔ;+

18 Nɛ dia Jehowa ayɛna dui sɔ, ko nde hatɔngɛnangɛna,

Ndo Nde ayokadimola nkɛlɛ kande oma le nde.*+

19 Totshimbake wɔɔngɔ* l’ɔtɛ w’anto wa kɔlɔ;

Tɔkɔmiyake akanga wa kɔlɔ,

20 Nɛ dia ndooko onto la kɔlɔ+ lalongamɛ nshi yayaye;

Tala dia akanga wa kɔlɔ diayodimala.+

Ndo tekesanɛke la atɔmbɔki,*+

22 Nɛ dia mpokoso kawɔ kayoya la shashimoya.+

25 Koko awui wayeta dimɛna le wanɛ woohangwɛ;+

Ɛtshɔkɔ wa diangɔ di’ɛlɔlɔ wayoya le wɔ.+

27 Lɔngɔsɔla olimu ayɛ wa l’andja ndo lɔngɔsɔla ɛngɔ tshɛ ka lo ekambɔ;

Oma laasɔ koyoke luudu layɛ.*

29 Totake wate: “Dimi layowosalɛ oko wakandasalɛ;

Dimi layowɔsɔmbɔya l’ɔtɛ wa kɛnɛ kakandasale.”+

30 Dimi lakete suke la ekambɔ ka kanga nɛndɛ,+

Suke la ekambɔ ka vinyɔ ka onto lele bu la ekanelo k’ɔlɔlɔ.*

31 Dimi lakɛnyi dia tɔ kakalole tɔɔ la adiyo;

Nkɛtɛ yakakombama la adungu,

Ndo ehele katɔ k’ave kakanyukɔ.+

32 Dimi lakasɛdingola dui sɔ ndo lakadilame lo otema;

Dimi lakadiɛnyi ko lakakondja wetshelo ɔnɛ:*

33 Yema ya djɔ, yema y’ɔtɔkɔkalo,

Yema ya nkɔma anya dia momuya,

34 Ko wola wayokoyɛ oko elengalenga,

Ndo ehomba ayɛ oko pami+ kele la dihomɔ dia ta.

 2 Nama dikambo sheke+ ekɔ lotombo la Nzambi,

Ndo nyangiayangia dikambo ekɔ lotombo la nkumi ya dikanga.

 3 Oko wele olongo tanga ndo nkɛtɛ ɔhɔngɔ,

Ngasɔ mbele otema wa nkumi ya dikanga hawomanema mfundo.

 4 Nya mindo oma lo mfɛsa,

Ko tɔ kayɛdiama+ tshɛ lo tshɛ.

 5 Nya kanga kɔlɔ oma lale nkumekanga,

Ko kiti kande ka lowandji kayoshikimala nge lo losembwe.+

 6 Toyashake kɛnɛmɔ la ntondo ka nkumekanga,+

Ndo todjasɛke l’atei w’anto wa lokumu,+

 7 Nɛ dia ndeka dimɛna nde kotɛ ate: “Dɛ lendo,”

 8 Tosamanyake dia nombola la onto,

Nɛ dia kakɔna kayoyosala l’ɔkɔngɔ naka wonyayɛ ambokosha nsɔnyi?+

 9 Sawola la wonyayɛ+ dikambo diasayɛ la nde,

Koko tosholake kɛnɛ kakawakotɛ lo sheke,*+

10 Diaha ɔnɛ lahokamɛ ndjokosha nsɔnyi

Ndo diaha dianganya awui wa kashi* wahakoke kaloyama.

11 Oko elowa wa pɔmɛ ya paonyi lo efundelo wa mfɛsa

Ngasɔ mbele dui diotami lo etena kahombama.+

12 Oko zama dia paonyi ndo ɛlɛngalɛnga ka paonyi ka dimɛna

Ngasɔ mbele kanga lomba lahangɔ le toyi diahokamɛ.+

13 Oko tshitshi ka loonge l’ekama lo lushi la dinela

Ngasɔ mbele ɔkɛndji wa kɔlamelo le wanɛ wakootome,

Nɛ dia nde mbututadiaka nkumɛnde.*+

14 Oko wange ndo oko lɔpɛpɛ lahela ndooko mvula

Ngasɔ mbele onto lafuna dikambo dia woshasha wahandakimɔki pondjo.*+

15 Oma lo solo dia lotutsha, ɔnɔmbɔdi nɛndjamaka,

Ndo ɛtɛkɛta wa mpɛ* kokaka mbɔkɔla weka.+

16 Naka wɛ ambotana osanga, lɛka paka yema yeyɛ l’ohomba,

Naka wɛ mbɔsa efula amboleka, wɛ mbeyaka ndjootowɔ.+

17 Lokolo layɛ latolekake nkoma lo luudu la wonyayɛ,

Diaha nde ndjokohekɔ ndo ndjokohetsha.

18 Oko hiembe ya ta, lokuwa la ta ndo lohito l’ɔsɔngɔ

Mbele onto lata awui wa kashi lo dikambo dia wonyande.+

19 Oko nnu diambongɔ kana lokolo lahashikikala

Ngasɔ mbele wɛkamu le onto lahawakoke ndjaɛkɛ* le nde lo tena dia paa.

20 Oko onto lakolola dihɔndɔ lushi la tshitshi

Ndo oko wanu w’okayi wambowotshola lo omandja*

Ngasɔ mbele onto lembɛ otema wele la lonyangu osambo.+

21 Naka otunyi ayɛ* ekɔ la ndjala, shande mbo ya ndɛ;

Naka nde ekɔ la mposa k’ashi, shande ashi wa nnɔ,+

22 Nɛ dia lo nsala ngasɔ, wɛ ayowahɛ akalanga wa dja l’ɔtɛ,*+

Ndo Jehowa ayokofuta.

23 Lɔpɛpɛ l’oma lo nɔrdɛ mbelaka mvula,

Ndo lolemi la vate vate mbelaka elungi ka nkɛlɛ.+

24 Ndeka dimɛna mbidjasɛ lo tshuku dia nsambe ka luudu

Lo dihole dia mbidjasɛ luudu ɔtɔi la wadi la londjo.+

25 Oko ashi wa tshitshi le anima* wambɔlɛmba

Ngasɔ mbele alapɔlɔ wa dimɛna w’oma lo wodja w’etale.+

26 Oko ɛtɛkɔ kambofundjama ndo oshima wambolanyema

Ngasɔ mbele onto ɔlɔlɔ layasha le* kanga kɔlɔ.

27 Bu dimɛna ndɛ osanga+ efula amboleka,

Kana ndjayangɛ lotombo.+

28 Oko osomba wambohandjɔ, waha la lokombo,

Ngasɔ mbele onto lahayakimɛ.*+

26 Oko loonge l’ekama lo nshi y’ɔwɔ ndo oko mvula lo nshi ya dinela;

Kɛnɛmɔ hakoke le kanga enginya.+

 2 Oko wele fudu la ɔkɔkɔ wa ndawɔ ndo yɛngɛnga la ɔkɔkɔ wa mfumbɔ,

Ngasɔ mbele mananu haye oyaya.

 3 Lofimbɔ lekɔ dikambo dia mfalasa, ɔkɔdi dikambo dia mponda,+

Ndo ɔhɛhɛla wekɔ dikambo dia ɔkɔngɔ wa akanga wa dinginya.+

 4 Tokadimolake kanga enginya lo ndjela enginya kande,

Diaha wɛ ndjonga enginya oko nde.*

 5 Kadimola kanga enginya lo ndjela enginya kande,

Diaha nde mfɔnya dia nde ekɔ kanga lomba.+

 6 Oko onto lɔkɔla ekolo ande ndamɛ ko ndjasalɛ kɔlɔ*

Ngasɔ mbele onto lasha kanga enginya ɛkɛndɛ.

 7 Oko watɔyɛkayɛkaka ekolo wa kanga ekuse,

Ngasɔ mbele yokedi lo onyɔ wa akanga wa dinginya.+

 8 Oko watodjaka onto lɔwɔkɔ lo yooka ave,

Ngasɔ mbele woshelo wa lotombo le kanga enginya.+

 9 Oko ɔkɔdi w’atɛndɛ waya lo lonya l’ombidjɔki wa wanu,

Ngasɔ mbele yokedi lo onyɔ wa akanga wa dinginya.

10 Oko omboki w’ota wahomuya onto tshɛ,

Ngasɔ mbele onto lafuta kanga enginya kana ombetshi a mboka dia mbokambɛ olimu.

11 Oko mfɔ kakalolɛ towɔki yatɔ,

Kanga enginya kalolɛka enginya+ kande.

13 Kanga nɛndɛ mbutaka ate: “Ɔsɔngɔ wa ntambwɛ wekɔ lo mboka,

Ntambwɛ kekɔ lo shinga!”+

14 Lokuke tetemalaka ntshimba lo dihole diokimamelɔ,

Ndo kanga nɛndɛ lo mbeto+ kande.

15 Kanga nɛndɛ atodjaka lonya lande lo dɔnga dia dambo,

Koko nde nɛmbaka efula ko hakoke kaanga lidja lo onyɔ+ ande.

16 Kanga nɛndɛ fɔnyaka dia nde ekɔ la lomba efula

Oleki anto 7 washa okadimwelo wa yimba.

17 Oko onto lakimɛ mfɔ lo atoyi

Ngasɔ mbele ombetshi a mboka lomala l’ɔtɛ wa* owanu waha wande.+

18 Oko kanga dadi loka akuwa wa dja, mpito ndo nyɔi*

19 Ngasɔ mbele onto lakesa wonyande ko nde mbuta ate: “Shɛkɛsɛkɛ+ mbakamasalaki!”

20 Lam’aha nkunyi, dja dimalaka,

Ndo lam’aha omamanyishi, owanu shilaka.+

21 Oko wele akalanga dikambo dia akalanga wahɛta ndo nkunyi dikambo dia dja,

Ngasɔ mbatotshutshuyaka kanga londjo owanu.+

22 Ɛtɛkɛta wa omamanyishi wekɔ oko bɛtshi dia mbo ya ndɛ ya mpɛ;*

Diɔ polɔka mbala kakɔ ɔtɔi lo dikundju.+

23 Oko ɛtshi ka mbaka kambowokita mfɛsa

Ngasɔ mbele tɔtɛkɛta ta ngandji oma lo* otema+ wa kɔlɔ.

24 Onto lahetsha anto akina tshikitanyaka ɛnamelo kande la ɛlɔmɔ ande,

Koko l’etei, nde ekɔ lo nama lokeso.

25 Kaanga mbatɛkɛtande awui w’amɛna, toyaɛkɛke le nde,

Nɛ dia akambo 7 wa wɔnɔnyi wekɔ lo otema ande.*

26 Kaanga mbashɛma lohetsho lande l’ɔtɛ wa lokeso,

Kɔlɔ kande kayotomba sɛkɛ lo etshumanelo.

27 Onto latshima difuku ayotambɛ lɔkɔ,

Ndo onto tshɛ langitola dive, diɔ diayokalola le nde.+

28 Lolemi la kashi petshaka wanɛ waminolalɔ,

Ndo onyɔ watɛtɛmɔla tongaka elanyelo.+

27 Toyafunake dikambo dia loyi,

Nɛ dia wɛ heye kɛnɛ kayela* lushi.+

 2 Tshika onto okina* akotombole, koko aha onyɔ ayɛ hita;

Anto akina,* koko aha ɛlɔmɔ ayɛ hita.+

 3 Dive diekɔ wotsho ndo ditshu diekɔ wotsho,

Koko nkɛlɛ koye oma le kanga enginya ndeka diangɔ sɔ wotsho.+

 4 Nkɛlɛ kekɔ esehe ndo odudu wekɔ oko elola,

Ko akɔna akoka memala la ntondo ka kandjema?+

 6 Mpota yokohomuyisha ɔngɛnyi yekɔ kɔlamelo,+

Koko bizɛ y’oma le otunyi yekɔ efula.*

 7 Onto* lambolota mbikashaka* osanga w’oma lo ehehe,

Koko le onto lele la ndjala,* kaanga ɛngɔ k’ololo mongaka mpɛ.

 8 Oko fudu kekeekɔ* oma lo kefu katɔ

Ngasɔ mbele onto lekeekɔ oma lo ngelo kande.

 9 Esɔ la malashi w’opumu ngɛnyangɛnyaka otema;

Ngasɔ mbele ɔngɛnyi wakosha dako dia l’otema ɔtɔi.*+

10 Tɔsɛkake ɔngɛnyi ayɛ kana ɔngɛnyi wa shɔ,

Ndo tɔtɔke lo luudu l’ɔnanyɔ lo lushi leyɛ la mpokoso;

Osukanyi wele suke ndeka ɔnanyɔ lele etale.+

11 Ɔnami, oyale kanga lomba ndo ɔngɛnyangɛnya otema ami,+

Dia dimi mbeya nkadimola ɔnɛ latɔmɔnyɔlaka.+

12 Kanga yewo atɛnaka waale, ko nde atoyashɛka,+

Koko ɔnɛ lahatahokɔ akambo atotshɔka tsho, ko atodiɛnɛka la etombelo wa kɔlɔ.*

13 Ɔsa dihɔndɔ di’onto naka nde akakimɔ ɔkɔlɛ le ɔngɛndangɛnda;

Ɔsa ɔkɔlɛ oma le nde naka nde akasale ngasɔ le womoto l’ose wodja okina.*+

14 Etena katshɔkɔla onto osekande la dui dia wolo la pindju ka pɛɛ,

Dui sɔ diayɔsama oko mananu le nde.

16 Onto tshɛ lakoka mbɔlɛmbɔhaya kokaka mbɔladja lɔpɛpɛ

Ndo kokaka nkukɛ esɔ lo lonya lande l’omi.

17 Oko watodjaka lowolo lowolo lokina diɛsa,

Ngasɔ mbadja onto ɔngɛnyi* ande diɛsa.+

18 Ɔnɛ lakokɛ osongo wa fingo ayɔlɛ elowa+ awɔ,

Ndo ɔnɛ lakokɛ nkumɛnde ayoshama kɛnɛmɔ.+

19 Oko watɔkɛnɛmɔlaka ashi elungi k’onto,

Ngasɔ mbatɔkɛnɛmɔlaka otema w’onto, otema w’onto okina.

20 Diombo la dihole di’elanyelo* hawolotaka,+

Ndo washo w’onto hawolotaka pondjo.

21 Oko wele mpoke kalɛlɔlawɔ mbolo kekɔ dikambo dia mfɛsa ndo nkuka ka dja dikambo dia paonyi,+

Ngasɔ mbele onto pembamaka la lotombo lalongolande.*

22 Oyadi kaanga wɛ ntɔ kanga enginya lo etole

Oko ntɔngɔ yambeshɔ lo etole,

Enginya kande hatomɔ oma le nde.

Kokɛ* ɛkɔkɔ ayɛ dimɛna,+

24 Nɛ dia ɔngɔnyi hawotshikala pondjo pondjo,+

Kana dɛmbɔ dia nkoso* lo nɔnga tshɛ.

25 Adiyo w’ashi wa djɛsɛ wamboshila, adiyo w’ashashi wambotomba,

Ndo tombatomba dia l’akona diambotshumanyema.

26 Ɛsɔngɔ w’ɛkɔkɔ tondjaka ahɔndɔ ayɛ,

Ndo weombe wa mbudi tondjaka oshinga w’ekambɔ.

27 Ndo abɛlɛ wa mbudi wayonga efula dia kolesha,

Dia ndesha ase luudu layɛ ndo dia nkotsha ehomba w’ekambi ayɛ wa wamato.

28 Akanga wa kɔlɔ ndawɔka etena kele ndooko onto latawatshanya,

Koko anto w’ɛlɔlɔ mongaka l’eshikikelo oko ntambwɛ.*+

 2 Etena konga kɔlɔ* lo wodja, ewandji wayotahɔnaka tsho,+

Koko la ekimanyielo ka kanga shɛnɔdi ndo ewo, owandji* ayotshikala edja.+

 3 Ose wola lakesa tombolambola+

Ekɔ oko mvula kɔɔmba mbo ya ndɛ tshɛ.

 4 Wanɛ watona ɛlɛmbɛ tombolaka kanga kɔlɔ,

Koko, wanɛ wakitanyiya ɛlɛmbɛ mbaomalɛka.+

 5 Anto wa kɔlɔ hawokoke nshihodia losembwe,

Koko wanɛ wayanga Jehowa koka nshihodia akambo tshɛ.+

 6 Ndeka dimɛna monga ose wola lakɛndakɛnda l’olowanyi

Lo dihole dia monga kanga ɔngɔnyi lele la mboka ya wɛngɛngɛ.+

 7 Ɔna la yimba kitanyiyaka ɛlɛmbɛ,

Koko, ɔngɛnyi wa akanga wa lɔtɔmɔ mbishaka she nsɔnyi.+

 8 Onto lafudia ɔngɔnyi ande oma lo wahɔ+ ndo wahɔ wa lokeso

Mɔtshɛka ɔnɛ loka ase wola kɛtshi ɔngɔnyi akɔ.+

 9 Ɔnɛ latona mpokamɛ ɛlɛmbɛ

Kaanga dɔmbɛlɔ diande diekɔ wɔnɔnyi.+

10 Ɔnɛ latonganyiyaka onto ɔlɔlɔ lo mboka ka kɔlɔ, ayotambɛ lo difuku diande hita,+

Koko ɔnɛ laha la onongo ayokita kɛnɛ kele ɔlɔlɔ.+

11 Kanga ɔngɔnyi ndjaɔsaka kanga lomba lo washo ande hita,+

Koko ose wola lele la shɛnɔdi koka mbɔsɛdingola.+

12 Etena kadja anto w’ɛlɔlɔ otshumba, lotombo l’efula mongaka,

Koko etena kadiyama akanga wa kɔlɔ lo lowandji, anto ndjashɛka.+

13 Ɔnɛ lashɛ kɔlɔ yande hatolowana,+

Koko ɔnɛ lashola ndo latshika kɔlɔ yande ayokama kɛtshi.+

14 Ɔngɛnɔngɛnɔ le onto lambalɛ wonya tshɛ,*

Koko onto tshɛ lakeketsha otema ande ayɔkɔ lo mpokoso.+

15 Oko ntambwɛ kadikita ndo oko laondo layakungusɔ

Ngasɔ mbele omboledi wa kɔlɔ le anto waha la okimanyedi.+

16 Ɔnɔmbɔdi wele bu la shɛnɔdi kambaka la lowandji lande lo yoho ya kɔlɔ,+

Koko ɔnɛ lahetsha wahɔ wa lokeso ayotaloya lɔsɛnɔ+ lande.

18 Ɔnɛ lakɛndakɛnda aha l’ɛkɔmɔ ayoshimbamɛ,+

Koko ɔnɛ lele la mboka ya wɛngɛngɛ ayɔkɔ la shashimoya.+

19 Onto lakamba ekambɔ kande ayonga la mbo ya ndɛ efula,

Koko onto lawesa diangɔ di’anyanya ayodiɛnɛ la wola.+

20 Kanga kɔlamelo ayolongola ɛtshɔkɔ efula,+

Koko ɔnɛ lasamanya dia nkondja ɔngɔnyi hatotshikala aha l’onongo.+

21 Keema dimɛna monga la shɔnɔdi;+

Koko onto mbeyaka pembama dia nsala kɔlɔ l’ɔtɛ wa yangɔ ya ndɛ.

22 Kanga ɔkɔmiya* kombolaka ɔngɔnyi,

Aha la mbeya dia nde ayonga wola.

23 Onto tshɛ lahangwɛ onto+ okina ayohomɔ lokolo l’ɔlɔ+ l’ɔkɔngɔ diko

Oleki onto latɛtɛmɔla la lolemi lande.

25 Kanga lokaki* tongaka owanu,

Koko onto tshɛ layaɛkɛ le Jehowa ayɔngɔna.*+

26 Onto tshɛ layaɛkɛ lo otema ande hita ekɔ enginya,+

Koko ɔnɛ lakɛndakɛnda la lomba ayohandɔ.+

27 Onto lakahɛ ose wola hatohomba ndooko ɛngɔ,+

Koko ɔnɛ lawadihɛ washo ayolongola mananu efula.

28 Etena kadiyama akanga wa kɔlɔ lo lowandji, onto ndjashɛka,

Koko etena kalanyemawɔ, anto w’ɛlɔlɔ fulaka.+

29 Onto lele ɔtɛ wolo* l’ɔkɔngɔ wa nongola lohango+ mbala efula

Ayɔwɛdiawɛdiama la shashimoya woho wahandakoke nkɔnɔ.+

 2 Etena konga anto w’ɛlɔlɔ efula, anto ngɛnangɛnaka,

Koko etena kolɛ kanga kɔlɔ, anto kumaka akumu.+

 3 Onto lalanga lomba ngɛnyangɛnyaka she,+

Koko onto lekesanɛ la wamato wa numba manaka ɔngɔnyi+ ande.

 4 Oma lo losembwe nkumekanga shikikadiaka wodja,+

Koko onto layanga etshimba mbolanyaka.

 5 Onto latɛtɛmɔla wonyande

Mambaka ɔtɛyi lo ekolo+ ande.

 6 Onto a kɔlɔ mindamaka lo djonga ya kɔlɔ kande,+

Koko onto ɔlɔlɔ mbidaka ekoko w’ɔngɛnɔngɛnɔ ndo ngɛnangɛnaka.+

 7 Onto ɔlɔlɔ ndjakiyanyaka dikambo dia ntshungɔ yele la ase wola,+

Koko kanga kɔlɔ hayakiyanya ngasɔ.+

 8 Akanga w’efunu mbidjaka dja lo ngelo,+

Koko akanga wa lomba tutshaka nkɛlɛ.+

 9 Etena kawana kanga lomba nde la kanga enginya,

Ayonga paka nkɛlɛ la lɔsɔkɔ, koko ndooko dui di’ɔlɔ diayoyala.+

10 Anto walanga nkɛdia dikila petshaka onto tshɛ laha l’onongo,*+

Ndo vɔ nyangaka mbɔsa lɔsɛnɔ* l’onto losembwe.

11 Kanga enginya tondjaka nkɛlɛ*+ kande tshɛ lo sɛkɛ,

Koko, kanga lomba kiahemɛka la lotutsha tshɛ.+

12 Etena kadja omboledi yimba lo awui wa kashi,

Ekambi ande tshɛ wayonga akanga wa kɔlɔ.+

14 Etena kalombosha nkumekanga ase wola la losembwe tshɛ,+

Kiti kande ka lowandji kayongaka nshi tshɛ lo ekokelo.+

15 Ɔhɛhɛla* la lohango mbishaka lomba,+

Koko ɔna lahahokɔma mbishaka nyango nsɔnyi.

16 Etena kahama anto wa kɔlɔ, kɔlɔ pamaka,

Koko, anto w’ɛlɔlɔ wayɛna ɛkwɛlɔ kawɔ.+

17 Hokola ɔnayɛ, ko nde ayokosha momuya;

Ndo nde ayokosha* ɔngɛnɔngɛnɔ w’efula.+

18 Lɛnɛ ele bu ɛnɛlɔ,* anto keema la ɛlɔmbwɛlɔ,+

Koko ɔngɛnɔngɛnɔ le wanɛ wakitanyiya ɛlɛmbɛ.+

19 Okambi hatetawɔ mingɔma la ɛtɛkɛta,

Nɛ dia kaanga nde kookaka, nde hakitanyiya.+

21 Naka wamboleka ndɛtshalɛtsha okambi oma lo dikɛnda diande,

Kete nde ayokoma kanga lɔhɛndɛ l’ɔkɔngɔ.

22 Onto lahakɔhɛ momala tondjaka ta;+

Onto tshɛ loka nkɛlɛ esadi salaka kɔlɔ efula.+

23 Lotamanya l’onto layowokitshakitsha,+

Koko onto tshɛ lele la yimba y’okitshakitsha ayokondja lotombo.+

25 Didima la ntondo ka* anto ekɔ* djonga,+

Koko ɔnɛ layaɛkɛ le Jehowa ayokokamɛ.+

26 Anto efula nyangaka dia nsawola la* omboledi,

Koko oma le Jehowa mbakondja onto sambo k’ɔlɔlɔ.+

27 Onto a kɔlɔ ekɔ wɔnɔnyi le anto w’ɛlɔlɔ,+

Koko ɔnɛ lele mboka kande osembɔki ekɔ wɔnɔnyi le kanga kɔlɔ.+

 2 Dimi lekɔ enginya ndeka anto akina tshɛ,+

Ndo dimi bu la yimba yahomba monga l’onto.

 3 Dimi kombeka lomba,

Ndo dimi bu la ewo ka Ɔnɛ loleki Ekila.

 6 Tokotshake ndooko dui lo ɛtɛkɛta ande,+

Diaha nde ndjokohangwɛ,

Ndo wɛ ndjonga kanga kashi.

Ontshike tsho ndɛke yema ya mbo ya ndɛ+ yami,

 9 Diaha dimi ndjolota ko ndjokanguna ndo ndjota nte: “Akɔna ele Jehowa?”+

10 Tomamatanyɛke ose olimu le nkumɛnde,

Nde mbeyaka ndjokodja mananu, ko wɛ ndjonga la onongo.+

11 Ekɔ lɔlɔnga lɔmɔtshi ladja shɛwɔ mananu

Ndo lahatshɔkɔla nyangɛwɔ.+

12 Ekɔ lɔlɔnga lɔmɔtshi lele pudipudi lo washo+ awɔ hita

Koko watɛdiama oma lo mindo* yawɔ.

13 Ekɔ lɔlɔnga lɔmɔtshi lele la washo wa lotamanya

Ndo washo awɔ fɔnaka l’otako+ efula!

14 Ekɔ lɔlɔnga lɔmɔtshi lele wanyu awɔ wekɔ tokuwa ta ta

Ndo manga yawɔ yekɔ tokuwa tadiakawɔ nyama;

Vɔ ndɛka tombolambola ta la nkɛtɛ

Ndo ase wola oma l’atei w’anto.+

Ekɔ diangɔ 3 diahalote,

Diangɔ 4 diahataka pondjo ɔnɛ: “Ambokoka!”

16 Diombo*+ la dikundju dia womoto l’ekomba,

Ɛtshi ka nkɛtɛ kele bu la ashi,

Ndo dja yahataka pondjo ɔnɛ: “Ambokoka!”

17 Sso diasɔka she ndo diɔnyɔla nkitanyiya nyango+

Angwangwa wa l’okidi wayodikundola,

Ana wa mpongo wayodilɛ.+

18 Ekɔ akambo 3 wahamashihodia,*

Akambo 4 wahamamane mfundo:

19 Mboka katetaka mpongo l’olongo,

Mboka katetaka oloyi laadiko dia dive,

Mboka katetaka masuwa lo ndjale ka hwe,

Ndo mboka ka pami kaamɛ la osekaseka wa womoto.

Nde ndɛka ko nkitola onyɔ ande;

Oma laasɔ nde mbutaka ate: “Ndooko dui dia kɔlɔ+ diosadimi.”

21 Ekɔ akambo 3 wasutshasutsha nkɛtɛ

Akambo 4 wahayakoke mbikikɛ:

22 Etena kolɛ mfumbe oko nkumekanga,+

Etena kalɛ kanga enginya mbo ya ndɛ efula,

23 Etena katshukama womoto lahetshama,*

Ndo etena kɔsa ose olimu wa womoto dihole dia* nkumɛnde ka womoto.+

24 Diangɔ 4 dia la nkɛtɛ nɛ diekɔ l’atei wa diangɔ dioleki totshitshɛ,

Koko diɔ diekɔ la lomba la lootɔ:*+

25 Tɔnɔna keema ditongami dia wolo,*

Koko tɔ nɔngɔsɔlaka mbo ya ndɛ lo eleko k’ɔwɔ.+

26 Diwoka dia lo ave+ keema ditongami diele la nkudu,*

Koko diɔ salaka luudu ladiɔ lo ave.+

27 Akata w’ɛndjɔ+ keema la nkumekanga,

Koko vɔ tshɛ tshɔka otsha la ntondo lo leemba.*+

28 Lokudi la jeko+ matemaka la ekolo alɔ,

Ndo lɔ tshɔka lo luudu la nkumekanga.

29 Ekɔ diangɔ 3 diatotakolaka wanya w’etale lo yoho ya diambo,

Diangɔ 4 diatɔkɛndakɛndaka lo yoho ya diambo:

30 Ntambwɛ, ɔnɛ loleki wolo l’atei a waa nyama,

Tɔ halawɔ ndooko onto;+

31 Mfɔ ka nsanga etale; wombe a mbudi;

Ndo nkumekanga kele kaamɛ la asɔlayi ande.

32 Naka wɛ amboyadiya+ lo yoho y’enginya

Kana naka wɛ ambokongɛ dia nsala ngasɔ,

Diha lonya layɛ lo onyɔ ayɛ.+

33 Nɛ dia oko watondja abɛlɛ w’ekama matɛka

Ndo watondja ohinelo w’ɔhɛmbɛ dikila,

Ngasɔ mbele wodiyelo wa nkɛlɛ tondjaka ewanu.+

 2 Kakɔna kayomokotɛ na, ɔnami,

Kakɔna na, ɔna l’oma lo dikundju diami le,

Ndo kakɔna na, ɔna la alɔkɔlɔkɔ+ ami le?

 3 Tokimɔke wolo ayɛ le wamato,+

Ndo toyelake mboka yalanya nkumi ya dikanga.+

 4 Lɛmuɛlɛ le, vɔ keema dikambo dia nkumi ya dikanga,

Keema dimɛna dia nkumi ya dikanga nnɔ wanu

Ndo kaanga emboledi hawokoke mbuta ɔnɛ: “Lende ele wanu ami?”+

 5 Diaha vɔ nnɔ ko ndjohɛ kɛnɛ kakadjangema

Ndo ndjengesola ntshungɔ yele la tombolambola.

 6 Sha wanɛ wayanga nshishɔ+ wanu wadjoya

Ndo sha wanɛ wele la lɔkɔnyɔ la wolo wanu.*+

 7 Vɔ wanɔ kele wohe wola awɔ;

Vɔ watohɔke ekakatanu awɔ nto.

 8 Tɛkɛta lo wahɔ wa ɔnɛ lahakoke ntɛkɛta;

Kokɛ ntshungɔ yele la wanɛ tshɛ wayanga nshishɔ.+

 9 Tɛkɛta ndo lombosha la losembwe;

Kokɛ ntshungɔ* yele la mbolambola ndo yele la ose wola.+

11 Otema w’omɛnde mbɛkamaka le nde,

Ndo nde hahombe ndooko ɛngɔ ka nɛmɔ.

12 Nde futaka omɛnde diangɔ di’ɛlɔlɔ, aha dia kɔlɔ,

Nshi tshɛ ya lɔsɛnɔ lande.

13 Nde kondjaka eshinga wa wɛɔsa wa nyama ndo wa linɛnɛ;

Nde ngɛnangɛnaka nkamba la anya ande.+

14 Nde ekɔ oko masuwa wa omundji w’okanda,+

Nde mbelaka mbo ya ndɛ yande oma l’etale.

15 Nde mbetɔka nto la hiotshihotshi,

Mbishaka ase luudu lande mbo ya ndɛ

Ndo kahɛka ekambi ande wa wamato+ tema tawɔ.

16 Nde mbidjaka yimba yande lo ekambɔ ndo kisombaka;

Nde kambaka ekambɔ ka vinyɔ oma lo olimu ande wa wolo.*

17 Nde ndjalɔngɔsɔlaka dikambo dia olimu a wolo,*+

Ndo nde keketshaka anya ande.

18 Nde mendaka dia okanda ande monga la wahɔ;

Tala diande hadiodimala l’otsho.

19 Anya ande kimɛka ɔsɛkɛ wɛlawɔ diangɔ,

Ndo anyande kimɛka ehomɔ katɛlawɔ.+

20 Nde sembolaka lonya lande otsha le mbolambola,

Ndo nde kukolaka anyande otsha le ose wola.+

21 Nde hayakiyanya dikambo dia ase luudu lande l’ɔtɛ wa loonge l’ekama,

Nɛ dia ase luudu lande tshɛ ndɔtshama la ahɔndɔ wahɛtshahɛtsha.*

23 Omɛnde mbeyamaka dimɛna lo asoko w’osomba,+

Lɛnɛ adjasɛnde l’atei wa dikumanyi dia wodja.

24 Nde salaka ndo sondjaka ahɔndɔ wa linɛnɛ*

Ndo sondjaka amundji w’okanda eya.

25 Nde ndɔtshama la wolo ndo la lɔnɛnɛ,

Ndo nde nongamɛka nshi yayaye la eshikikelo tshɛ.*

26 Nde ndjiholaka onyɔ ande la lomba;+

Ɛlɛmbɛ w’ɔlɔlɔ w’otema* wekɔ lo lolemi lande.

27 Nde sɛdingolaka elimu w’ase luudu lande,

Ndo nde hatɔlɛka mbo ya ndɛ ya nɛndɛ.+

28 Anande memalaka ko mbeelɛka kanga ɔngɛnɔngɛnɔ;

Omɛnde memalaka ndo mbotombolaka.

29 Wamato w’eshika* wekɔ efula,

Koko wɛ mbaleka vɔ tshɛ.

30 Dimɛna mbeyaka monga lokeso ndo olangala mbeyaka monga lo tshanda ya tshitshɛ tsho,*+

Koko womoto loka Jehowa wɔma ayotombɔma.+

31 Nyowosha difuto l’ɔtɛ wa kɛnɛ kasalande,*+

Ndo etsha ande wootombole lo asoko w’osomba.+