ETENYI 2

Oma lo Mvula k’Elola Polo ndo lo Lotshungɔ oma l’Edjibito

Anto enanɛi ato mbakake lo Mvula k’Elola, koko l’edjedja ka wonya vɔ wakayofulanɛ nunu la nunu. Lâsɔ, ambeta ɛnɔnyi 352 l’ɔkɔngɔ wa Mvula k’Elola mbakayôtɔka Abarahama. Sho tayeya woho wakakotsha Nzambi daka diande lo mbisha Abarahama ɔna pami lakawelɛka Isaka. Ko, lasa ana ahende w’apami waki Isaka, Jakɔba akasɔnama oma le Nzambi.

Jakɔba aki la nkumbo ka woke k’ana w’apami 12 ndo wa amato. Ana 10 w’apami wa Jakɔba wakahetsha kosɛwɔ ka pami le Yɔsɛfu ndo wakosondja lo lɔhɔmbɔ l’Edjibito. L’ɔkɔngɔ, Yɔsɛfu akakome ɔnɛnɛ w’ohomba efula l’Edjibito. Lam’akayala ndjala ka kasha, Yɔsɛfu akahembe anango lo menda kana vɔ wambokadimola otema. L’ɔkɔngɔ diko, nkumbo ka Jakɔbɔ, le Ase Isariyɛlɛ, wakonɔ tsha l’Edjibito. Dikambo sɔ diakatombe lâsɔ ko aya ɛnɔnyi 290 l’ɔkɔngɔ wa Abarahama mbotɔ.

L’ɛnɔnyi 215 wakayele, Ase Isariyɛlɛ wakadjasɛka l’Edjibito. L’ɔkɔngɔ a nyɔi ka Yɔsɛfu, vɔ wakayokomaka fumbe lɛkɔ. L’edjedja ka wonya, Mɔsɛ akayôtɔ, ndo Nzambi akakambe lande olimu dia tondja Ase Isariyɛlɛ oma l’Edjibito. Awui w’Etenyi ka HENDE kɛnɛ tshɛ akasalema lo yɛdikɔ y’ɛnɔnyi 857.