Sho Nangaka Kokimanyiya

Biukubuku nyɛ yakalɔngɔswama dia kohotolɛ elimu waki Ɛmɛnyi wa Jehowa la tɛdikɔ takawɔshi dia kokimanyiya dia wɛ pama lo ewo ka Bible. Ondo Ɛmɛnyi wa Jehowa wambokembolaka, kana wɛ akasawola lawɔ l’otadimbo kana lo dihole dikina. Ondo ɔmɔtshi a l’atei w’Ɛmɛnyi ekɔ lo mbeka layɛ etena kɛnɛ.

Onde na, wɛ akeyaka dia diewoyelo diawɔ dia Diolelo dia Nzambi diekɔ lo sambishama l’andja w’otondo oka? Lande na? Nɛ dia Nzambi, Otungi aso, nangaka dia anto wa lo wedja tshɛ sangana dia mbɔtɛmɔla. Kɛnɛ kakandate lo dikambo di’etena kaso kɛnɛ tɔ kɛnɛ: “Wedja efula wayunelaka, wayuta vati: Nyuyi tumbeli lu ukungu wa [Jehowa, NW], Utsha la luudu la [Nzambi ka, NW] Jakoba. Ndi ayututetsha akambu andi. Ku shu tayokendakendaka lu mbuka kandi.”​—⁠Isaya:​2, 3.

Olimu waki Ɛmɛnyi wa Jehowa wa kewoya mboka ya Nzambi wekɔ okotshamelo wa pɔlɔfɛsi kɛsɔ. Akatshi wayela wayɛnya lande na kele olimu akɔ wekɔ ohomba ɛlɔ kɛnɛ, ndo, lo na okokiwɔ monga la wahɔ le yɛ.