Mbɔtwɛlɔ

NZAMBI KANGA-NKUDU-TSHƐ mbele Owandji w’andja w’otondo. Lɔsɛnɔ laso la kakianɛ ndo la lo nshi yayaye lekɔ l’anya ande. Nde ekɔ la wolo wa futa ndo wa mbisha dilanya. Nde ekɔ la wolo wa mbisha ndo wa minya lɔsɛnɔ. Naka tekɔ lo mbetawɔma le nde, kete tayohomɔ lokolo l’ɔlɔ; ndo naka hatetawɔma le nde, kete tayohomɔ lokolo l’ɛngɛnɔ. Ekɔ mɛtɛ ohomba efula di’ɔtɛmwɛlɔ aso mbetawɔma le nde!

Anto wekɔ la toho efula tatɛmɔlawɔ. Naka ɔtɛmwɛlɔ ekɔ oko mboka, onde mboka y’ɛtɛmwɛlɔ tshɛ mbetawɔmaka le Nzambi? Kema. Yeso, omvutshi waki Nzambi, akɛnya dia ekɔ paka mboka hiende. Nde akate ate: “Mbuka keli wuke utsha l’elanyelu, antu efula watotoka loko. Ne dia suku dieli tshitshe, la mbuka keli tshitshe utsha lu lumu, antu atoi mbatukienaka.”​—⁠Mateu 7:​13, 14.

Ekɔ paka weho ehende w’ɛtɛmwɛlɔ: wɔnɛ watɔla otsha lo lɔsɛnɔ la wɔnɛ watɔla otsha l’elanyelo. Oyango wa biukubuku nyɛ ele wa kokimanyiya dia wɛ mbishola mboka katɔla otsha lo lɔsɛnɔ la pondjo.