Woho wa nkamba la biukubuku nyɛ

Lo ndjɛkɛ yayela, wɛ ayɛna dia lushi tshɛ lekɔ la divɛsa dialɔ ndo kɔmatɛrɛ ka divɛsa diakɔ. Kaanga mbele kɔmatɛrɛ ya divɛsa kokaka sɛdingɔma wonya tshɛ wa lo lushi, anto efula mɛnaka dimɛna nsala dui sɔ la pindju. Lo nsala ngasɔ, vɔ kokaka nkanyiya akambo wakawasɛdingodi lushi l’otondo. Sɛdingolaka divɛsa lo nkumbo ekɔ la wahɔ w’efula. Ase nkumbo ka Bɛtɛlɛ ya l’andja w’otondo salaka dui sɔ etena kalɛwɔ yangɔ ya la pindju.

Kɔmatɛrɛ mbɔsama lo Tshoto y’Etangelo (w) numɛlɔ ka Ngɔndɔ ka nɛi 2022 polo Ngɔndɔ ka sato 2023. Toshifidi tahɔnyi la datɛ dia Tshoto y’Etangelo mɛnyaka ntondo lɛkɛ kana ndjɛkɛ ya numɛlɔ ka sawo dia wekelo, ko oma laasɔ ko edingɔ wa lɛnɛ atanema awui akɔ. (Enda ɛnyɛlɔ kele l’ɛse kengo.) Awui akina wendana la sawo kokaka tanema lo sawo diakɔ dia wekelo.