Bonde Kahayasangana Awɔ Na?

NDJAUKUA ULIMBA, pami k’ɛnɔnyi 73 akande lɔkɛndɔ la kilɔmɛtɛlɛ 450 ɔnɔnyi wetshi. Dia koma lɛkɔ, nde akalale nshi 16 lo mboka.

Osombe w’onto ɔsɔ akande lɔkɛndɔ la ngasɔ dia tɔ̂tɔ lo losanganya lɔmɔtshi la woke l’Ɛmɛnyi wa Jehowa l’ɔtɔwɔ mbala ɔtɔi l’ɔnɔnyi. L’ɔkɔngɔ wa nde keketshama lo nyuma lo losanganya lakɔ la woke ndo kondja ɔngɛnɔngɛnɔ w’efula, nde akalale nshi nkina 16 lo mboka dia kalola lakande. Onde aki ohomba nde munda nkɛndɔ ya ngasɔ? Eelo, aki ohomba mɛtɛ! Aya ɛnɔnyi efula wanda Ndjaukua Ulimba nkɛndɔ shɔ ɔnɔnyi tshɛ.

Osombe wa pami w’Ose Afrika ɔsɔ aki ɔtɔi ɔmɔtshi l’atei w’anto ndekana miliyɔ 15 wa lo wedja oleki 230 wakɔtɔ lo nsanganya ya weke y’Ɛmɛnyi wa Jehowa ɔnɔnyi wetshi. Lo mɛtɛ, anto efula kontsha nshi efula lo mboka dia tɔ̂tɔ lo nsanganya yakɔ. Efula wakatshɔka lo mituka, lo bisi, lo kawolo, kana lo ndɛkɛ. Ndo wɛ mbaki l’ɔnɔngɔ awɔ?

Lo 1998, nsanganya ya weke yayɔtɔma nto l’andja w’otondo, alekɔnyake lo nshi ya tanyi efula (kana y’ɔwɔ). Naka nde hatatshi, kete Ndjaukua Ulimba ayonda lɔkɛndɔ lakɔ l’otale lokondondaka otsha lo losanganya lakɔ. Ndo nde, ndo miliyɔ nkina y’anto wayotolonga alako w’amɛna efula wayotakeketsha lo mbetawɔ ndo mbasha wolo. Le wanɛ tshɛ wayɔtɔ lo nsanganya ya weke shɔ, ɔsɔ ayonga etena kayowoleka ngɛnangɛna ɔnɔnyi ɔnɛ. Tambokelɛɛ ndo wɛ lawɔ la wangasanu tshɛ lo nsanganya yakɔ. Ɛmɛnyi wa Jehowa wa lo ngelo kanyu wayokewoya l’ɔngɛnɔngɛnɔ tshɛ dihole diosukanyi layɛ, lɛnɛ ayolotshama.

Kânga l’andja ɔnɛ wambofukutana, wɛ kokaka monga l’ɔngɛnɔngɛnɔ oma l’ewo k’oshika kasha Bible lo dikambo dia Nzambi, dia Diolelo diande, ndo dia sangwelo diande di’ɔlɔlɔ diendana l’anto. Naka wɛ nangaka mbeya awui akina kana onto ndjokêtsha Bible lakayɛ ofele, mbola Ɛmɛnyi wa Jehowa wa lo ngelo kodjashiyɛ kana tomɛ Association “ Les Témoins de Jéhovah “ mukanda lo B.P. 634 Limete, Kinshasa, République démocratique du Congo.

[Caption on page 32]

[Box on page 32]

Wɛ Nangaka Onto Ndjokenda?