Adiaka Kâmɛ L’anayɛ

Lo ndjela Veja, jurunalɛ mɔtshi ya la Brésil, ana wele ambutshi awɔ wekɔ l’etete lo wadielo ndeka monga l’akoka wa nanga abuku oleki ana wele ndoko lawasha ɛnyɛlɔ lo nkumbo yawɔ. Martha Hoppe, manyi mɔtshi ya womoto l’akambo wa dodia di’ana, mbutaka ate: “Diokanelo kana lɔngɛnyi lele lam’asa ana l’ambutshi awɔ layonyomokeketala naka wayadiaka kâmɛ ndo dikambo sɔ kimanyiyaka ana dia vɔ shihodia awui wofundami l’abuku.”

Ndo nto, mbadiɛka anayɛ la doyi dia wolo ayokosha diaaso dia wɛ kadimolaka wembola awɔ. Wɛ kokaka mbalembetshiya esato tshɛ wa lo dibuku. Hoppe ate: “Lam’ataleke ɔna shihodia awui wa l’abuku mbatandaleke monga la saki k’efula ka mbadiaka abuku akɔ etena tshɛ kalangande mondoya mposa ka mbeya dui dimɔtshi.”

Ambutshi efula l’atei w’Ɛmɛnyi wa Jehowa ngɛnangɛnaka mbadia kâmɛ l’anawɔ. Vɔ mbeyaka mbadia abuku wele oko: Buku di’Ɛkɔndɔ wa lo Bible, Écoutez le grand enseignant, la Onto Loleki Woke lo Tena Tshɛ.* Weho w’abuku asɔ kimanyiyaka ana dia vɔ koma ambadi w’ɔlɔlɔ ndo fudia saki kawɔ otsha lo Bible k’Ekila, dibuku diamboleka sombama le anto. Omalɔkɔ, naka wɛ ekɔ ombutshi, kete sha anayɛ ɛnyɛlɔ lo mbadiaka Ɔtɛkɛta wa Nzambi la wâsaso tshɛ. (Jashua 1:​7, 8) Ndo lo waaso tshɛ, yatshungwɛka etena ka mbawadiɛka!

[Caption]

* Abuku wakafundama oma le Watchtower Bible and Tract Society of New York, Inc.