Etena ka mbishola dikambo dia sheke

Momba akambo amɔtshi lo sheke koka nembetshiya nama ki ndo mbewɔ ewanu. Ko onde etena ka mbishola dikambo dia sheke kekɔ? Tende kɛnɛ kata omvutshi Amɔsɛ lo kɛnɛ kendana la Nzambi kande: “Khumadiondjo [Jehowa] hatutshaka nduku dikambu tshikima ndi ambutashudi dikambu diande dia lu [“sheke,” NW] le ekambi andi amvutshi.” (Amose 3:7) Oma l’ɛtɛkɛta ɛsɔ, sho koka kondja wetshelo lo kɛnɛ kendana la dui dia sheke. Jehowa mbeyaka nama akambo amɔtshi lo sheke l’etena kɛmɔtshi ko nde ndjosholɛ anto amɔtshi akambo akɔ l’ɔkɔngɔ. Ngande wakokaso mbokoya Jehowa lo dikambo sɔ?

Mbala efula, anami wa l’etshumanelo wakasɔnama mɛnaka dimɛna momba akambo amɔtshi lo sheke. (Etsha 20:28) Ɛnyɛlɔ, lo wahɔ w’etshumanelo, vɔ mbeyaka mɛna dimɛna momba akambo wendana la tɛdikɔ tɔmɔtshi tambɔsama kana etshikitanu ɛmɔtshi wendana l’ɛkɛndɛ wambosalema l’etshumanelo edja ndo etena kahomba akambo asɔ mbeyama koka.

Diakɔ diele l’etena ka ngasɔ, ekɔ ohomba mponolɛ anto wendana l’akambo asɔ dia vɔ mbeya etena ndo yoho yahomba akambo akɔ ndjeyama. Mbeya etena kayoshɔma dikambo lo washo w’anto tshɛ mbeyaka mbakimanyiya dia nama sheke.​—Tukedi 25:9.