Ose Olui-walɔmbɔla l’oyoyo

Lushi la sato la pindju, Ngɔndɔ ka divwa 5, 2012, wakasha diewoyelo dimɔtshi lo Bɛtɛlɛ ka l’États-Unis diakayele ndo ase nkumbo ka Bɛtɛlɛ ka la Canada ɔnɛ Olui-walɔmbɔla w’Ɛmɛnyi wa Jehowa wambokotsha ɔnangɛso okina l’oyoyo. Lokombo lande Mark Sanderson ndo lo Ngɔndɔ ka divwa 1, 2012 mbakandakondja diɛsɛ sɔ.

Ɔnangɛso Sanderson akoodiama oma le ambutshi w’Akristo l’osomba wa San Diego, Californie, l’États-Unis ndo nde akabatizama lo Ngɔndɔ ka hende 9, 1975. Nde akatatɛ nkamba oko ombatshi mboka l’osomba wa Saskatchewan, la Canada, Ngɔndɔ ka divwa 1, 1983. Lo Ngɔndɔ ka dikumi l’ahende 1990, nde akalongola dipɔlɔmɛ lo kalasa k’esambele k’olowanyelo w’ekambi (kelamɛ nshi nyɛ ɔnɛ Kalasa ka Bible k’anangɛso w’enyemba) l’États-Unis. Ɔnangɛso Sanderson akatomama dia tokamba oko ombatshi mboka wa laande lo disɛnga dia Terre-Neuve, la Canada, lo Ngɔndɔ ka nɛi 1991. L’ɔkɔngɔ wa nde nkamba oko ɔhɛna w’omendji w’otshimbedi, nde akelamɛ lo nkumbo ka Bɛtɛlɛ ka la Canada lo Ngɔndɔ ka hende 1997. Lo Ngɔndɔ ka dikumi l’ɔtɔi 2000, nde akatomama lo filialɛ ka l’États-Unis ndo akatokamba lɛkɔ lo departɛma diendana l’awui wa lo mpitadi ndo l’ɔkɔngɔ wa laasɔ nde akayokambaka lo departɛma diendana l’awui w’esambishelo.

Lo Ngɔndɔ ka divwa 2008, ɔnangɛso Sanderson akɔtɔ lo Kalasa k’ase Kɔmite ka filialɛ ndo oma laasɔ nde akatomama dia tokamba oko ose Kɔmite ka filialɛ lo filialɛ ka la Philippine. Lo Ngɔndɔ ka divwa 2010, wakɔlɔmbɛ dia kalola l’États-Unis lɛnɛ akandatokambaka oko okimanyedi lo Kɔmite k’olimu ka Olui-walɔmbɔla.