Tɛnyanya periodikɛ yoleki amɛna la tobukubuku t’amɛna efula
1 Oyango wakatama wa La Tour de Garde ele “dia tombola Jehowa Nzambi, Nkumadiɔndjɔ Omboledi w’andja.” Réveillez-vous! “tɛkɛtɛka osek’onto tshɛ la l’atei a nkumbo. . . . Periodikɛ kɛnɛ mbishaka ɛkɔkɔ w’eshika wa mbetawɔ ɔnɛ Otongi ayokotsha alaka ande lo tonga . . . dikongɛ di’oyoyo di’akambo lɛnɛ ayôlɛ wɔladi ndo wâle hatoyala pondjo.” Awui asɔ tomba oma lo periodikɛ yɔamɛmɛ. Ɔlɔndɛlɔ w’eyango ɛsɔ mbaetɛka kiɔkɔ y’ekeketshelo le miliyɔ y’embadi.
2 Tayɔtɛtɛ dia periodikɛ shɔ ndo dia tobukubuku l’olimu aso lo Kɔlɛkɔlɛ la Tshaka fudu. Dia monga nge, pombaka mbeya kɛnɛ kofundami lɔkɔ ɔlɔlɔ. Ala oseka numɛlɔ tshɛ l’oseka biukubuku tshɛ ndo funda awui wokokiyɛ kamba lawɔ olimu etena kayoyiɛnyanya. Kanyiya dia kɛnɛ kakotola yambalo y’anto. Naa akambo w’endana la woho wônga anto, la nkumbo kana longandji wahɛ asukanyi ayɛ efula asolo na? Dja wolo dia kanyiya lo kɛnɛ kokokiyɛ mbuta dia kɛtsha asolo awɔ ndo mbaokiya saki ka nyomoleka mbeka.
3 Wɛnyanyelo wa biukubuku: Anto efula kombolaka andja wa dimɛna efula, wele ndoko la kiambokambo yashimba ɔngɛnɔngɛnɔ awɔ.
L’ɔkɔngɔ a wɛ ndjalowola, wɛ kokaka mbuta wate:
“Lekɔ lo nanga kɛnya diɔmbwɛlɔ dimɔtshi di’ohomba efula diotombi oma lo biukubuku nyɛ yele l’ɔtɛ a dui ‘Dieu se soucie-t-il vraiment de nous?’ Tambala ɔnkɔnɛ: ‘Anto efula hawoke woho akɔna wele Nzambi kanga ɔlɔlɔ mbetawɔka dia akambo wa kɔlɔ wasalemi. Vɔ ndjambolaka dia kana Nzambi tokanɛka mɛtɛ ndo kana nde ekɔ. Efula kanyiyaka ɔnɛ asui hawoshilaki lo lɔsɛnɔ l’onto.’ La wɛnɛlɔ wa ngasɔ, ekɔ wolo kanyiya ɔnɛ nshi yayaye yayonga dikayi, shi ngasɔ? Koko, okimwe dia kɛnya yema kɛnɛ kata Osambu 37:11 lo dikambo dia nshi yayaye.” L’ɔkɔngɔ a wɛ mbala divɛsa sɔ, mbola ompokami ayɛ kɛnɛ kakanande dia daka sɔ. Naka nde ambetawɔ awui akɔ, ɛnyande ɔtɛ a dui wahɔnyi “La terre transformée en Paradis,” lɛkɛ 26, ndo nta wate: “Avɛsa efula w’oma lo Bible wakashilama ndo nɛ diakatadjisha lo Osambu 37:11. Lamboyashikikɛ dia wɛ ayɔngɛnangɛna biukubuku nyɛ ndo periodikɛ nyɛ kamɛ ndo walelo w’avɛsa woshami lɔkɔ lo Bible kayɛ wɛmɛmɛ. Lambɔngɛnangɛna dia kotshikɛ yɔ, naka wɛ kimɔ yema y’ɔkɔngɔ ya tshitshɛ.”
4 Wɛnyanyelo wa La Tour de Garde: Wɛ kokaka nsɔna artikɛlɛ ɔmɔtshi w’etola dimbola dimɔtshi di’ohomba efula kana watɛkɛta dikambo dimɔtshi dia mɛtɛ diatɛkɛtama efula.
L’ɔkɔngɔ a wɛ ndjalowola wɛ mbeyaka mbuta ɔnkɔnɛ:
◼ “Andja wa nshi nyɛ wekɔ l’ekakatanu efula, oko [nta dikambo dimɔtshi di’okandanu lo wodja kana dui dimɔtshi dia mɛtɛ diatɛkɛtama efula]. Dikambo sɔ tokumiaka lo ndjambola ɔnɛ kana onto ɔmɔtshi kokaka kandola dikambo sɔ di’ata anto asolo. Diɛsɛ ko, 2 Timote 3:16, 17 toshikikɛka ɔnɛ Bible ekɔ lo tɔlɔmbɔla dia ndjâla la lɔsɛnɔ l’ɔngɛnɔngɛnɔ ndo la wɔladi.” L’ɔkɔngɔ a mbala avɛsa asɔ, ɛnya dia La Tour de Garde tokimanyiyaka dia mboka lande na kele Bible ekɔ kiɔkɔ y’alako wakoka mbidjɛ otema.
5 Naka wɛ ndeka nanga mɛnya Réveillez-vous!, kete wɛ kokaka kamba olimu la numɛlɔ keke katomba ka periodikɛ kakɔ lo mbuta dikambo dimɔtshi l’ɔtɛ a dui “Les jeunes s’interrogent.” Ondo wɛ mbeyaka tana ambutshi wa toshase l’ehomba w’ɛlɔngɔlɔngɔ l’esekaseka ndo walanga mbeya kɛnɛ kokokiwɔ sala dia mbakimanyiya.
6 Naka sho mbɔsaka periodikɛ yakiso la nɛmɔ oko nyɛ yoleki amɛna ndo tobukubuku taso oko tɔnɛ toleki amɛna, kete tayolanga ndjitshikɛ anto akina dia vɔ mbetawɔ dikongelo dia Diolelo ndo dia vɔ tombola Jehowa, Nkumadiɔndjɔ Omboledi w’andja.—Osam. 83:18.