Ovuswelo w’Endana la Kalasa k’Olimu wa Teokrasi
Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela elimu wakakahanyema dia sala tatɛ ma lo lomingu la Tshango 2 polo ndo lo Mɔmbi 17, 1995. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.
[Diewoyelo: Lo edja kayosalema ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la ya palagalafɛ ya lo oseka Tshoto y’Etangelo tshɛ hɛ̂nyama.]
Kadimola ɔnɛ Mɛtɛ kana Kashi lo wetelo wayela ɛnɛ:
1. Etena kaketawɔ Nzambi ndjâtshumuya kaki Davidi oma lo pɛkato kakandasale nde la Batɛshɛba, Davidi nde la wa lo luudu lande wakatshungɔ oma l’etawo ka lɔkɛwɔ lande la kɔlɔ. [uw lɛkɛ 127 pal. 5]
2. Didjango diokiwɔ epole ɔsɛkɛ lo Tokedi 11:1 mɛnyaka dia sho pombaka monga la lɔkɛwɔ l’ɔlɔlɔ ndo la losembwe l’akambo aso w’ekanda naka sho nangaka Jehowa têtawɔ. [Walelo wa Bible wa lomingu la lomingu; enda lo w86 15/11 lɛkɛ 19.]
3. Mbetawɔ dako ekɔ djembetelo yɛnya ɔnɛ onto ekɔ wɔdu. [uw lɛkɛ 127 pal. 4]
4. Tokedi 14:17 mbewolaka anto ntondotondo oma lo ekashimwelo aso nɛ dia vɔ mbatetaka la ntondo k’otshelo wa dikambo. [Walelo wa Bible wa lomingu la lomingu; enda lo w93 15/8 lɛkɛ 20-1.]
5. Wanɛ tshɛ welɛ Yeso ɔnɛ Nkumadiɔndjɔ wayoshimbamela. [uw lɛkɛ 105 pal. 5]
6. L’ɔnɔnyi 33 T.D., lam’akandolwama ko todjasɛ lo dihole diande lo lonya l’omi la Nzambi, l’etena kɛsɔ Yeso akatatɛ la mbolɛ lâdiko di’ambeki ande w’akitami. (Kol. 1:13) [gt tshap. 132]
7. Ambeta oko yɛdikɔ y’ɛnɔnyi 3 000 la ntondo ka wa nomb’ewo mbishola lokongɛ l’ohowɔ, Osambu 139:13-16 akakɛnɛmɔla ewo ka dikambo sɔ. [Walelo wa Bible wa lomingu la lomingu; enda lo w92 15/5 lɛkɛ 4.]
8. Tokedi 8:22-31 ekɔ lo tɛkɛta paka dikambo dia lomba loto. [Walelo wa Bible wa lomingu la lomingu; enda lo w87 15/5 lɛkɛ 28.]
9. Okristo wa mɛtɛ hahombe petsha ndoko ɛngɔ ɔtɔi. [Walelo wa Bible wa lomingu la lomingu; enda lo w92 1/1 lɛkɛ 21.]
10. Tokedi 11:25 ekɔ ɛnyɛlɔ ka tokanyi tôkana lo lokongɛ la nkembo y’ase Heberu, ndo Tokedi 10:7 ekɔ ɛnyɛlɔ ka tokanyi tahokana. [si lɛkɛ 102 pal. 7]
Kadimola lo wembola wayela ɛnɛ:
11. Lande na kele dibuku di’Esambu diekɔ la nɛmɔ dioleki nɛmɔ dia dibuku ko dibuku na? [si lɛkɛ 99 pal. 23]
12. Ɛlɔlɔ akɔna wakakondja Yeso oma l’ ewo kande ka dibuku di’Esambu na? [si lɛkɛ 100 pal. 30]
13. Akɔna akasha Sɔlɔmɔna lomba, ndo kakɔna kahombaso shihodiaka etena kâlaso dibuku dia Tokedi na? [si lɛkɛ 101 pal. 1]
14. Lam’akolɔ Yeso ndo l’etena kakandatɛkɛtaka lande l’ekambɔ, Mariya Mangadala akɔfɔnyaka l’onto akɔna, ndo kakɔna kakôkimanyiya dia nde mbomana fundo na? [gt tshap. 128]
15. Naa nkombo y’ase Sheke amɔtshi ahende wakokaka wɔma di’anto mbashola kâmɛ la Yeso, wakadje lonya lawɔ l’ɔlɔngɔswɛlɔ w’odo wa Yeso dia mbokundɛ na? [gt tshap. 127]
16. Woho akɔna wakokaso mɛnya l’elimu aso wa lushi la lushi ɔnɛ sho mbokaka anangɛso ngandji aha la nyanga wahɔ aso na? [uw lɛkɛ 132-3 pal. 3, 4]
17. Ɔkɔndɔ akɔna wakɔndwama l’Osambu 136:10-15, ndo kakɔna kakakomɛ Farawɔ na? [Walelo wa Bible wa lomingu la lomingu; enda lo w93 15/6 lɛkɛ 5.]
18. Naa eyango ehende wele la dikila dia Yeso diakatshulwama na? [uw lɛkɛ 115 pal. 13]
19. Lande na kele apɔstɔlɔ wa kɔlamelo, ɔnango Yeso lelɛwɔ Jakɔba nde l’ambeki akina olekanyi 500 waketawɔ ɔnɛ Yeso ambolɔ na? [gt tshap. 131]
20. Kakɔna kaketɛ Yeso onto loleki woke lo tena tshɛ na? [gt ɛtɛkɛta wa mbɔtwɛlɔ]
Kotsha wetelo wayela ɛnɛ:
21. Lo dako diande dia lokumu diakandasha lo Pɛntɛkɔsta ka l’ɔnɔnyi 33 T.D., Petero akôholaka esangɔ l’esangɔ awui wakafundama lo _________________________ ; l’etena kɛsɔ suke l’anto _________________________ wakalongola batismu ko wakayɔtɔka l’atei w’etshumanelo. [si lɛkɛ 99-100 pal. 25, 26]
22. Dibuku di’Esambu diakataka ɔnɛ wayosha Yeso _________________________ dia nde nɔ, ɔnɛ wayoka _________________________ ande owale, ndo ɔnɛ nde ayokanyiya di’oko _________________________ ambɔ̂sɛka. [si lɛkɛ 100 pal. 30]
23. Ɔlɔngɔswamelo wa Jehowa wekɔ ɔlɔngɔswamelo wa Teokrasi, kɛsɔ nembetshiyaka ɔnɛ vɔ _________________________ ; Jehowa mbasha ɛlɔmbwɛlɔ oma lo tshimbo yaki _________________________ ; owandji w’etshumanelo, oma l’ekimanyielo ka _________________________ , Dui Diande; ndo Yeso akasha _________________________ ɔkɛndɛ wa lânde. (Mat. 24:45, NW) [uw lɛkɛ 118-19 pal. 4-6]
24. Otshikitanyi l’anto 144 000 wakɔsama otsha l’olongo, _________________________ wahakoke mbadiema, wayoka lo _________________________ paka lanɛ la _________________________ . (Eny. 7:9, 14) [uw lɛkɛ 104 pal. 3, 4]
25. Dia vɔ mbɔsa yɛdikɔ yetawɔma oma le Nzambi, olui walɔmbɔla wa l’eleko ka ntondo wakasɛdingolaka l’ɔlɔlɔ tshɛ kɛnɛ kakataka _________________________ wakasambiyama lo dikambo diakiwɔ lo tɛkɛ- ta ndo ndjela kɛnɛ kakɛnyaka _________________________ . (Etsha 15:6-29) [uw lɛkɛ 120 pal. 8]
Ekɛ oshidi la tshina di’ekadimwelo wa mɛtɛ wa wetelo wayela ɛnɛ:
26. Lam’akawohanɛ l’otamba, wakasha Yeso wanu wɔsɔhanyemi la kondjo, koko nde akatone dia mbanɔ nɛ dia (Ɛlɛmbɛ wakasekɛka dikambo diakɔ; nɛ dia nde akayakidia le Nzambi; nɛ dia nde akalangaka nama akoka ande tshɛ). [gt tshap. 125]
27. Osolelo w’ekutu aso ndo mbaetɛ wɛma lo dikila di’Ɔn’Ɔkɔkɔ nembetshiyaka dia (sho hatoyosala pɛkato nto; sho mbeyaka dia sho tekɔ l’ohomba wa nɛmɔ di’olambo a Yeso wadimanyiya pɛkato; sho tambolambola lɔsɛnɔ laso le Nzambi ndo tambolongola batismu). [uw lɛkɛ 106 pal. 7]
28. Yeso akayindjama olekanyi mbala tshanu oma le (Hɛrɔdɛ; Pilato; Felika), ɔnɛ lakayɔlɛmbaka oma lo londjo lakawodjɛka ase Juda ko akayokimɔka Yeso l’anya awɔ dia vɔ mbodiaka. [gt tshap. 124]
29. Ekambi wa Nzambi tshɛ wa kɔlamelo wakavu ko waki kômbolɔ la ntondo ka Pɛntɛkɔsta ka l’ɔnɔnyi (36; 35; 33) T.D., kokitama nyuma k’ekila dia vɔ tɔsɛna l’olongo. [uw lɛkɛ 111 pal. 5]
30. Satana sɛmaka ɔnɛ anto tshɛ wekɔ lo tshutshuyama oma lo (ngandji; lohetsho; saki ya wahɔ awɔ hita) ndo vɔ ndeka mbahɛ asolo lâdiko dia (lokombo la Nzambi; akina; etondo awɔ vɔamɛ). [uw lɛkɛ 124 pal. 14]
Ɔtɔnganyiya wetelo wayela ɛnɛ l’avɛsa wasungana:
Tok. 3:27, 28; Joani 19:4-6; 19:25-27; Romo 15:2, 3; Eny. 7:16, 17.
31. Akristo wekɔ l’ɔkɛndɛ wa kokɛ ambutshi awɔ waya esombe. [gt tshap. 126]
32. Ekɔ ohomba dia sho ndjakiyanyaka lo dikambo di’etombelo wakoka ɛnamelo kaso monga lawɔ le anyaso ndo dia sho mbokaka akambo walangaso ɔkɔngɔ. [uw lɛkɛ 130 pal. 10, 11]
33. L’etena tshɛ keso la diaaso dia salɛ anto akina ɔlɔlɔ, oyadi l’emunyi kana lo nyuma, sho pombaka mbakimanyiya, djekoleko kimanyiya anangɛso wa lo nyuma. [Walelo wa Bible wa lomingu la lomingu; enda lo w93 15/12 lɛkɛ 20.]
34. Ndjasha nɛmɔ ndo tshikala ki la ntondo k’ɛhɛnyɔhɛnyɔ kokaka tosha diaaso dia sho tombola Jehowa ndo dia sho nɛmiyama oma le anto. [gt tshap. 123]
35. Sho tambotatɛka la kondja ɛngɛnɔngɛnɔ w’akambo wakalakema watɛkɛtama lo yoho yasungana la tshɛkɛta y’ɔnɛ: “paradiso ka lo nyuma.” [uw lɛkɛ 107-9 pal. 9-11]
Akafundama lo Zaïre