Sanganya y’olimu ya Tshango
Lomingu latatɛ la Tshango 2
Taahe 10: Mbɔtwɛlɔ, waewoyelo ndo Waewoyelo w’Olimu aso wa Diolelo w’endana l’etshumanelo. Ta kombo ya tubukubuku ta totshitshɛ tatanema lo lɔkɔtɔ l’etshumanelo; keketsha apandjudi dia vɔ tisomba dikambo dia tidianganya l’esambishelo. Naka etshumanelo kema la tubukubuku ta totshitshɛ lo lɔkɔtɔ, tɛkɛta dia tubukubuku ta weke takoka kambema olimu.
Taahe 17: “Tosambisha lo luudu la luudu aha pekɔ.” Ayosalema la wembola ndo ekadimwelo. Mbola ampokami wanɛ wakasambishama lo soko la soko dia vɔ tɛkɛta dia lowando lawɔ.
Taahe 18: “Tokimanyiya akina dia vɔ mbeya mɛtɛ.” Ɔkɛtshanyelo kâmɛ l’ampokami. Diɛnyɛlɔ: apandjudi wa tomanamana wekɔ lo sala wɛnyanyelo ehende kana esato wolakanyemi. Nyoke epole ɔsɛkɛ l’ɛlɔlɔ wa wɛnyanyelo wa tshena pe ndo wa wɔdu. Ɛtɛkɛta wa ndjihelo.
Osambu 128 ndo dɔmbɛlɔ dia ndjihelo.
Lomingu latatɛ la Tshango 9
Osambu 214
Taahe 8: Mbɔtwɛlɔ, waewoyelo ndo alapɔlɔ wa wɛdikelo wa falanga la eokelo ka losaka dikambo dia eshasha. Andola etshumanelo dikambo dia eshasha. (Etom. 35:29) Keketsha apandjudi dia vɔ kana lomba dikambo di’esambishelo ka la dikɔlɔ, wonya wasungana lo dikambo dia soko la soko la waembwelo w’eyoyo.
Taahe 17: “Etombelo w’ɔngɛnɔngɛnɔ w’oma lo sanganya ya weke ‘Wɔma wa Nzambi’.” Dako diayosalema oma le sekeletɛlɛ. Dja akambo wa l’etshumanelo w’endana la sanganya shɔ lo dako diakɔ. Etena ka sho ndjalɔngɔsɔla dikambo dia sanganya ya distrikɛ ya mbala kayaye tɔ kɛnɛ.
Taahe 20: “Okonde wayowoka naka sho hatokalola dia towaenda na?” Ɔkɛtshanyelo kâmɛ l’ampokami. Ɛnyɛlɔ lo ndjela alako wele lo palagalafɛ 3 la 4. Ɛnya lande na kahombaso menda anto l’oweso wa tatɛ wekelo wa Bible. Ɛtɛkɛta wa ndjihelo.
Osambu 139 ndo dɔmbɛlɔ dia ndjihelo.
Lomingu latatɛ la Tshango 16
Osambu 173
Taahe 10: Mbɔtwɛlɔ, waewoyelo ndo Sango ya Teokrasi. Tɛkɛta ndo di’atshina w’akambo w’alapɔlɔ (wa Lovula 1994) wa lo wodja ndo toshifidi tɔmɔtshi t’ɛlɔlɔ tele lo alapɔlɔ w’etshumanelo wa ngɔndɔ ka Diɛla woke. Ta tɛdikɔ tɔmɔtshi tambɔsama dikambo di’esambishelo ka lo wikɛndɛ wayaye ndo keketsha apandjudi dia vɔ mbisha lonya l’odianganyelo wa periodikɛ.
Taahe 20: “Kakiane eko etena k’ololo.” Ayosalema la wembola ndo ekadimwelo. Apandjudi ahende kana asato wakakambe oko ambatshi mboka wa tshanda kokaka ndjombwama l’ɔkɔngɔ diko ndo wayota ɛngɛnɔngɛnɔ wakawakondja oma lɔkɔ.
Taahe 15: Ehomba wa l’etshumanelo, kana dako diayosalema oma le ekumanyi kɛmɔtshi kambohokɔ olimu lo artikɛlɛ “Quand un danger vous guette, gardez vos distances”, wakatombe lo La Tour de Garde ka Yâta afusa 15, 1994, lɛkɛ 22-5. Ɛtɛkɛta wa ndjihelo.
Osambu 53 ndo dɔmbɛlɔ dia ndjihelo.
Lomingu latatɛ la Tshango 23
Dikumanyi diayɔlɔngɔsɔla ekongelo kawɔ vɔamɛmɛ, lo ndjela ehomba wa l’etshumanelo kawɔ.
Lomingu latatɛ la Tshango 30
Osambu 192
Taahe 5: Mbɔtwɛlɔ ndo waewoyelo.
Taahe 20: “Onde wɛ kokaka mbɔtɔ l’ɔnɔngɔ w’ambatshi mboka oka?” Ɔkɛtshanyelo kâmɛ l’ampokami. Shila aui wa sɔlɔ wɛnya woho wakakoke ose etshumanelo ɔmɔtshi kalola l’olimu w’ombatshi mboka nto, kana woho wakôkana ase nkumbo kɛmɔtshi dia kimanyiya onto awɔ ɔmɔtshi dia nde kondja diɛsɛ sɔ.
Taahe 20: Losha la Yâta afusa. Ɛnya tubukubuku tele lo lɔkɔtɔ l’etshumanelo, oko tɔnɛ: “Cette bonne nouvelle du Royaume”, La voie de Dieu est une voie d’amour, On peut espérer mieux que cette vie!, Un avenir assuré — Vous pouvez le connaître, Y a-t-il un Dieu qui se soucie de nous? Tubukubuku tɔsɔ sunganaka mɛtɛ dia tatɛ wekelo wa Bible l’anto. Tɛkɛta dikambo di’esato ɛmɔtshi la tenyi di’ehomba diakoka tokimanyiya lo tatɛ asawo. Diɛnyɛlɔ dihende lo yoho ya koka tatɛ ɔkɛtshanyelo lo dikambo dimɔtshi dia lo Bible. (Kamba olimu l’alako wele lo dibuku Comment raisonner lo ɛtɛ w’aui “Avenir/Sécurité”, lɛkɛ 10, la “Royaume”, lɛkɛ 13.) Lo komelo ka ɛnyɛlɔ l’ɛnyɛlɔ, diokanelo diayosalemaka dia tatɛ wekelo wa Bible. Ɛtɛkɛta wa ndjihelo.
Osambu 19 ndo dɔmbɛlɔ dia ndjihelo.