Sanganya Y’olimu Ya Tshaka Fudu
Lomingu la Tshaka Fudu 4
Taahe 10: Waewoyelo ndo Waewoyelo w’endana l’Olimu Aso wa Diolelo. Sha kɔmatɛrɛ lo alapɔlɔ w’olimu wa l’etshumanelo wa ngɔndɔ ketshi.
Taahe 15: Ekadimwelo lo Wembola Anyu. Omendji w’olimu kana ekumanyi kekina kakoka akɛtshanya l’ampokami lo awui akɔ.
Taahe 20: “Tɔlɔngɔsɔlɛ Sawo Diaso Shamɛ dia Mɛnyanya Periodikɛ.” (Od. 1-7) Oka wembola lo od. 1-4. L’ɔkɔngɔ diɛnyɛlɔ dihende kana sato dia hiembola diɛnya woho wokokiso mɛnyanya periodikɛ yeke ka tomba lo ndjela tokanyi tele lo od. 5-7. Sha kɔmatɛrɛ ndo lo Tshoto y’Etangelo ya Asase a Ndjoko 1, 1987 (lo Falase), lɛkɛ 17, od. 8-9.
Osambu 222 ndo dɔmbɛlɔ dia ndjihelo.
Lomingu la Tshaka Fudu 11
Taahe 10: Waewoyelo. Alapɔlɔ wa falanga.
Taahe 15: “Todianganya Nkumu y’Ɛlɔlɔ ya Ɛngɔ Kɛmɔtshi ka Dimɛna Efula.” La wembola ndo ekadimwelo. Kotola yambalo lo asawo wa Tshoto y’Etangelo yay’edja.—Enda Tshoto y’Etangelo y’Asase a Ndjoko 1, 1987, lɛkɛ 13. (lo Falase)
Taahe 20: “Tɔlɔngɔsɔlɛ Sawo Diaso Shamɛ dia Mɛnyanya Periodikɛ.” (Od. 8-11) La wembola ndo ekadimwelo. Sha kɔmatɛrɛ lo tokanyi tɔnɛi tele lo Tshoto y’Etangelo ya Tshango 1, 1994 (lo Falase), lɛkɛ 24-5, od. 18-21. L’ekimanyielo ka wa periodikɛ yele lo lɔkɔtɔ, ɛnya woho wa nɔngɔsɔla sawo dimɔtshi: (1) sɔna sawo diɛnayɛ ɔnɛ diayokotola yambalo y’anto wa lo mbilo kayɛ, (2) yanga kanyi mɔtshi ya dimɛna ya wɛ tɛtɛ lɔkɔ, (3) lɔngɔsɔla dimbola dimɔtshi diayokokimanyiya dia tɔla yambalo lo kanyi yakɔ, (4) sɔna divɛsa diayoyokoka mbala naka wambokosha diaaso ndo (5) lɔngɔsɔla mbɔtwɛlɔ kayɛ ka sawo kâmɛ ndo kɛnɛ kayoyota lo dikambo dia periodikɛ dia keketsha ɔtɛkɛtshi ayɛ dia nde kiɔsa. Sɛngɔla apandjudi ahende kana asato wakoka dia onto l’onto sala sawo dimɔtshi. Ɛnyɛlɔ ka wɛnyanyelo wa periodikɛ waha l’okakanu oma le ɔlɔngɔlɔngɔ ɔmɔtshi.
Osambu 82 ndo dɔmbɛlɔ dia ndjihelo.
Lomingu la Tshaka Fudu 18
Osambu 169
Taahe 15: Waewoyelo. Lembetshiya woho wokokiso sala mboka k’okahanyelo: (1) funda periodikɛ tshɛ kotshikiso ndo sawo diakatɛnyisha onto akɔ, (2) ndjalɔngɔsɔla dia nyomoya la numɛlɔ yoyedi ndo (3) tômbi etena shikaa lo ekongelo kaso k’esambishelo ka lomingu la lomingu dia towaenda. Sɛngɔla anto wɛnya saki dia vɔ mbɔsa ambɔnɛma wa ngɔndɔ shamalo, ndo kôhɔ dia mbadia diendelo di’oyoyo ɔtɔi mbala tshɛ katɔlɛyɛ onto periodikɛ y’eyoyo.
Taahe 15: “Tokindjakindja Mbilo Kaso k’Otondo.” Nyɔkɛtshanya lo sawo diakɔ ndo lo tɛdikɔ tambɔsama l’etshumanelo kanyu dia sambisha wa kɔmɛlɛsa. Sɛngɔla ampokami dia vɔ kɔndɔla awui w’ekeketshelo wakâkomɛ lam’akawasambisha lo wa makashinyi wele lo mbilo kawɔ.
Taahe 15: Ehomba w’etshumanelo kana dako oma le ekumanyi di’ɔsami oma lo sawo diata ɔnɛ “Totetemale Mendɛ Polo l’Ekomelo” diakatombe lo Tshoto y’Etangelo ya Yitshu 1, 1996 (lo Falase), lɛkɛ 21-4.
Osambu 12 ndo dɔmbɛlɔ dia ndjihelo.
Lomingu la Tshaka Fudu 25
Taahe 10: Waewoyelo. Ngɔndɔ ka Diɛla Woke la ka Tshango yekɔ lo ndjasukana, la nshi yayɔ y’afɛstɔ la akimɔ washa wanɛ wakamba kana watshɔ la kalasa diaaso efula. Keketsha onto tshɛ dia kana yimba lo diaaso sɔ dia monga ombatshi mboka wa tshanda. Tɛ apandjudi tshɛ dia vɔ kimɔ alapɔlɔ awɔ w’olimu lo wikɛndɛ ɔnɛ.
Taahe 20: “Woho wa Ndjatshungolɛ Etena k’Ɔlɔlɔ.” La wembola ndo ekadimwelo. Sha tokanyi tokina nto oma lo Tshoto y’Etangelo ya Diɛla Woke 1, 1989 (lo Falase), lɛkɛ 16-17, od. 7-11.
Taahe 15: Okanda wayotɛnyanya lo Diɛla Woke. Tayɔlɛkanɛ dibuku Ewo ndo tayodja wolo a lânde dia kalola dia tenda anto wakataditshikɛ, l’oyango wa tatɛ mbaetsha Bible. Apandjudi ahende kana asato wakɛtshanya lo ohomba wa dibuku diakɔ ndo woho wa kamba ladiɔ. Awui wele lɔkɔ mendanaka la lɔsɛnɔ l’anto wa l’atshunda tshɛ. Diɔ tɛkɛtaka dikambo di’awui ndo di’atshina w’ɛlɛmbɛ wa lo Bible wahomba eyoyo mana fundo la ntondo ka batizama. Naka wekelo wekɔ lo tatshu la ntondo osangɔ tshɛ, kete ombeki ayohama esadi esadi. Ɔkɛtshanyelo ndo ɛnyɛlɔ lo yoho ya tatɛ mbeka l’onto mbala kakɔ ɔtɔi: nyende sango la kɔmatɛrɛ kele lo lɛkɛ 4-5; lembetshiya woho wekaso l’anto; nyɔkɛtshanya lo tshena pe lo edingɔ etanu wa ntondo wa lo tshapita 1; nyolakane dia ndja nto la ndjotetemala la sawo ndo dia ndjokadimula dimbola nɛ: “Onde lɔsɛnɔ la pondjo lekɔ paka dɔ di’anyanya?” Tɛtɛ ɔnɛ diɛsɛ dia mbetsha onto Bible mbishaka ɔngɛnɔngɛnɔ.
Osambu 162 ndo dɔmbɛlɔ dia ndjihelo.