Ovuswelo Wendana La Kalasa K’olimu Wa Teokrasi

Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela elimu wakakahanyema dia sala tatɛ ma lo lomingu la Tshango 6 polo ndo lo Mɔmbi 21, 1997. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.

[Diewoyelo: Lo edja kayosalema ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]

Kadimola ɔnɛ Mɛtɛ kana Kashi lo wetelo wayela ɛnɛ:

1. Ɛnɔnyi efula la ntondo ka Ngiliyadɛ, Kalasa ka wekelo wa Bible kaki la Société Watchtower shikikɛma, lokumu l’ɔlɔlɔ lakɛmbama otsha lo wedja ekina oma le Ɛmɛnyi wa Jehowa wakateka mɛtɛ lo wedja w’angɛndangɛnda ko wakayokalolaka lo wedja awɔ wa lôtɔ dia tosambisha. [jv lɛkɛ 428 od. 2]

2. Ngidiyɔna aki l’akoka wa nɛmbia Ase Midiyana nɛ dia nde akeyaka olimu w’ɔsɔlɔyi dimɛna dimɛna. [ad lɛkɛ 578 od. 3-4]

3. Dia Zekariya 9:​2-4 kotshama, Nebukadinɛza akahandjola osomba wa Tura vwa. [si lɛkɛ 160 od. 4]

4. Eva komindja lam’akandate ate: lambota ɔna (Kɛna) “uma lu ekimanyelu ka [Jehowa].” (Etat. 4:⁠1) [ad lɛkɛ 505 od. 7]

5. Kânga mbakeyamaka C. T. Russell efula oko ombahemi a loseke wa lo sɛkɛ waki la losha la mamba, kɛnɛ kakokonya opandjudi wa manamana ele woho wakandayashaka le anto akina. [jv lɛkɛ 404 od. 2]

6. Anto w’edima kombotɔ oma lo dioho diaki Kana, ɔna Hama, lakadjama mananu oma le Nɔa. [ad lɛkɛ 257 od. 6]

7. L’atei wa “mbudi” yayolanyema pondjo yatawɔ lo Mateu 25:​31-46 mbayoyala ndo anto wasalangana l’atei a Babilɔna ka Woke kâmɛ ndo ewandji awɔ w’ɛtɛmwɛlɔ. [Walelo wa Bible wa lomingu la lomingu; enda lo wOT95 1/11 lɛkɛ 17-18 od. 13-15.]

8. Etombelo wakɛnama oma lo ɔhɛnyɔhɛnyɔ wa wolo la Mputu ele lofulo l’apandjudi wa lɛkɔ lakakitakita woho w’anyanya lam’akalɔmaka Ta dia Hende di’Andja w’Otondo. [jv lɛkɛ 454 od. 2]

9. Dimanyiyɛ anto akina kimanyiyaka dia Nzambi todimanyiyɛ pɛkato yaso. [Walelo wa Bible wa lomingu la lomingu; enda w94 15/9 lɛkɛ 7.]

10. Ngabiriyɛlɛ ekɔ ondjelo ɔmɔtshi l’atei w’andjelo ahende wa kɔlamelo watotɛ Bible nkombo yawɔ. [ad lɛkɛ 563 od. 11]

Kadimola wembola wayela ɛnɛ:

11. Shambu yakɔna yakasale anangɛso wa la Londres, lo wodja w’Angleterre lo 1938 dia vɔ mbewɔnya dako diakashama lo losanganya la woke, dako diaki l’ɔtɛ a dui ɔnɛ: “Face aux réalités” na? [jv lɛkɛ 447 od. 2]

12. Ɛkɛndɛ akɔna ehende wakakotsha Yeso Kristo wakalembetshiyama lo Zekariya 6:​12, 13 na? [si lɛkɛ 162 od. 25]

13. Tɛdikɔ takɔsama dia ndo tshumanelo kimɔ weshasha dia fudia Falanga yaki la Société lo dikambo dia wokelo wa Mbalasa ya Diolelo ekɔ ɛnyɛlɔ kɛnya ɔnɛ wakayele dako diakɔna? [jv lɛkɛ 344 od. 3-4]

14. Lo weho akɔna wakondja anto wahɔ oma l’olambo wa Yeso ɛlɔ kɛnɛ na? [kl-OT lɛkɛ 68-9 od. 17-19]

15. Lande na kahatahombe mengenga dia mbutɛ wanɛ wasawola laso ɔnɛ weshasha wa la lolango mbasukɛ olimu aso na? [jv lɛkɛ 349 od. 4]

16. Lo woho akɔna wakɛnɛ “umvutshi Elidja” l’eleko ka ntondo dia kotsha Malaki 4:5? [si lɛkɛ 165 od. 15]

17. Ngande wakadiangana pɛkato le anto tshɛ? [kl-OT lɛkɛ 58 od. 13]

18. Lende atanaso alako w’eshika wakasha Yeso lo dikambo dia kandola ekakatanu a wolo lo evanjiliɔ wa Mateo na? [Walelo wa Bible wa lomingu la lomingu; enda w95 15/7 lɛkɛ 22.]

19. Elɛwɔ “denariyo” diakate Yeso lo wɛɛla ande wofundami lo Mateu 20:​1-16 na? [Wekelo wa Bible wa lomingu la lomingu; enda gt-OT 97 od. 6.]

20. Ta akambo ahende wambɛnama oma lo woho waketawɔ Nzambi tshika akambo wa kɔlɔ. [kl-OT lɛkɛ 77-8 od. 18-20]

Kotsha wetelo wayela ɛnɛ:

21. Tena efula, vɔ mbelɛka Evanjiliyɔ esato wa ntondo ɔnɛ: synoptique, kitshimudi ate vɔ mbishaka “ _________________________ .” [si lɛkɛ 166 od. 3]

22. Mposa ka lomombo kakasokoya _________________________ , okambi w’Elisha dia nyanga woho wa ndjakundjiyɛ mbo ya l’emunyi oma lo woho wakakɔnɔya nkumɛnde _________________________ , kanga sudi. [ad lɛkɛ 623 od. 5]

23. Nɛ dia nde akatone ndjela woho wakɔhɛmɔla ewandji w’alembe, _________________________ akayodiakemaka oma le Ishamɛlɛ l’anto ande. [ad lɛkɛ 662 od. 8]

24. Jehowa akakambe l’omvutshi _________________________ nde la _________________________ dia vɔ mpɛtshahɛtsha ohetoheto w’anto Ande dia vɔ mbika tɛmpɛlɔ nto. [ad lɛkɛ 39 od. 6-7]

25. “Lumu” latomba oma le anto lo nyɔi kawɔ ele _________________________ wakaye oma le Nzambi. (Osam. 146:⁠4) [kl-OT lɛkɛ 81-82 od. 5-6]

Sɔna okadimwelo wa mɛtɛ lo wetelo wayela ɛnɛ:

26. Tolembetelo tekɔ tɛnya ɔnɛ Mateo akafunde Evanjiliyɔ ande ntondo lo (Heberu; l’Arameyɛ; lo Grɛkɛ) ko l’ɔkɔngɔ diko nde ndjôkadimola lo (Heberu; l’Arameyɛ; lo Grɛkɛ). [si lɛkɛ 166 od. 6]

27. (Jezabɛlɛ; Sara; Hangara) aki lo kɛnyɔ ya wetshelo ya didjidji yakandɔsaka dihole dia wodja w’Isariyɛlɛ wa l’emunyi wakashisha diɛsɛ dia Jehowa. [ad lɛkɛ 39 od. 1]

28. Ase Afrika efula wa l’Edjelo ka Wonya wakeye mɛtɛ mbala ka ntondo oma l’ekimanyielo k’alako wa lo Bible wananda asolo wakashaka (Edwin Skinner; William Brown; Juan Muniz). [jv lɛkɛ 433 od. 2-5]

29. (Ruta; Ɛsta; Dɛbɔra) Nkumekanga ka omoto, akatola sheke y’otako efula yakakongɛ (Hamana; Hamata; Hanuna) dia shila Ase Juda oshiki. [ad lɛkɛ 637 od. 5]

30. Yeso akakome Mɛsiya l’etena (kakandotɔ; kakandabatizama; kakandolɔ), l’ɔnɔnyi (2 N.T.D.; 29 T.D.; 33 T.D.). [kl-OT lɛkɛ 65 od. 12]

Ɔtɔnganyiya wetelo wayela ɛnɛ l’avɛsa wasungana:

1 Sam. 1:​12-16; Mat. 4:​8-10; Mat. 16:19; Jak. 1:13; 1 Joa. 5:⁠19

31. Aha Nzambi mbele kiɔkɔ ya lokema l’asui wahɛnyahɛnya anto. [kl-OT lɛkɛ 71 od. 3]

32. Ambeki wa mɛtɛ waki Yeso hawoyadje l’akambo wa pɔlitikɛ wa l’andja ɔnɛ. [Walelo wa Bible wa lomingu la lomingu; enda wOT96 1/5 lɛkɛ 23 od. 9.]

33. Ewo kendana la Diolelo dia Nzambi akahombe ndjihwɛ Ase Juda, Ase Samariya l’Ase Wedja mboka k’otsha l’olongo. [Walelo wa Bible wa lomingu la lomingu; enda w91 15/3 lɛkɛ 5.]

34. Naka mbala kɛmɔtshi onto ambotokanɛ kɔlɔ, naka tayonga la dionga dia ndjakitshakitsha ndo tayowokadimola ɔtɛkɛta la dilɛmiɛlɔ, kete mbala efula, tayokondja etombelo w’ɔlɔlɔ. [ad lɛkɛ 639 od. 5]

35. Akristo wekɔ l’ɛkɔkɔ w’ɛlɔlɔ wa ndjâkakitola l’andja ɔnɛ. [kl-OT lɛkɛ 60 od. 18]

[Caption on page 5]

S-97-OT No. 291 4/97