Nsanganya Y’olimu Ya Lotena Eduwa
Lomingu la Lotena Eduwa 7
Osambu 181
Taahe 8: Waewoyelo. Waewoyelo wendana l’Olimu Aso wa Diolelo. Sha kɔmatɛrɛ l’alapɔlɔ w’etshumanelo wa ngɔndɔ ka Mam’ɛkɔngɔ la Tange.
Taahe 15: “Nyosale Kɛnɛ Tshɛ Kokokinyu Sala.” La wembola ndo ekadimwelo.—Enda lo Tshoto y’Etangelo ya Mɔmbi 15, 1993, lɛkɛ 28-30 (lo Falase).
Taahe 22: “Ewo k’oma le Nzambi Kadimulaka lo Wembola Efula.” Ɔnangɛso ɔmɔtshi alɔmbɔlɛ ɔsɛdingwelo wa sawo nɛ kâmɛ l’apandjudi ahende kana asato, ɔmɔtshi konge ɔlɔngɔlɔngɔ. Ɔmbɔla od. 1 ko wɛ mɛnya ɔlɔlɔ bonde kele dibuku Ewo dimɛna efula dia tokimanyiya lo sho kadimula lo wembola. Ɛnyɛlɔ: nyeke mbala efula woho wa sawola l’anto ndo sha alako dia nɔngɔsɔla sawo la sawo diosadinyu.
Osambu 200 ndo dɔmbɛlɔ dia ndjihelo.
Lomingu la Lotena Eduwa 14
Osambu 189
Taahe 10: Waewoyelo. Alapɔlɔ wa falanga y’etshumanelo.
Taahe 15: “Ɛlɔngɔlɔngɔ, Naa Eyango Anyu wa lo Nyuma Na?” Ambutshi ahende w’apami wasɛdingole sawo nɛ kâmɛ. Wakanyiya toho tɔmɔtshi tokokiwɔ sala dia kimanyiya anawɔ dia vɔ shihodia bonde kahombawɔ ndjadjɛ eyango wa Teokrasi, dia vɔ ndjokondja ɛtshɔkɔ wa lo nyuma, lo dihole dia tayanganaka la lomombo.—Enda lo dibuku Notre ministère, lɛkɛ 116-18.
Taahe 20: Mbetsha Akina: Dui di’Ohomba Diahatakoke Tona. Dako oma le ekumanyi kɛmɔtshi. Enda alapɔlɔ w’olimu wa l’andja w’otondo wa 1996 lo Annuaire 1997, lɛkɛ 33. Shambu ya mbidjaka weolo efula dia sambisha lɛnɛ ele anto tondjaka elowa. Kakianɛ, aya ohomba efula wa menda anto wakatatshikɛ ekanda ndo mbaetsha akambo wa mɛtɛ. Lam’asawolaso la wɔ l’ahole wele anto efula, towambole la loshilambo tshɛ nkombo yawɔ ndo lɛnɛ odjashiwɔ woho wa sho towaenda nto. Sho pombaka sala dikambo dikina nto lâdiko dia monɛ lɔtɔngɔ la Diolelo; sho pombaka litɛka ashi. (1 Kor. 3:6-8) Lam’onɛma lɔtɔngɔ lo nkɛtɛ y’ɔlɔlɔ, ombetsha wa manamana mbeyaka kimanyiya onto akɔ dia nde mana akambo akɔ fundo. (Mat. 13:23) Sho pombaka kamba olimu wa mbetsha anto lomanyamanya ndo l’ohetoheto aso tshɛ. (Heb. 5:12a) Kamba la tokanyi tele lo dikatshi di’okotsha di’Olimu Aso wa Diolelo wa Lotena Eduwa 1996, od. 25-6. Tɛtɛ lo dikambo dia weolo wahombaso mbidja dia tatɛ mbeka l’anto lo biukubuku Katɔlɔmba kana lo dibuku Ewo.
Osambu 204 ndo dɔmbɛlɔ dia ndjihelo.
Lomingu la Lotena Eduwa 21
Osambu 192
Taahe 10: Waewoyelo. Ɛnya tokanyi t’amɛna tele lo periodikɛ yeke ka tomba.
Taahe 15: Ehomba wa l’etshumanelo.
Taahe 20 : Onde Lekɔ l’Ɔtɛmwɛlɔ wa Mɛtɛ? Ekumanyi kɛmɔtshi alɔmbɔlɛ sawo dimɔtshi nde l’apandjudi ahende kana asato wakoka mɛtɛ lo ndjela tokanyi ta lo Réveillez-vous ! wa Diɛla Woke 22, 1989, lɛkɛ 18. Sho membolaka anto efula tena la tena, wanɛ wɛnama oko anto w’etema ɔlɔlɔ. Koko, hawetawɔka mbeka Bible. Sɛdingola tokanyi tele lo sawo sɔ dia lo Réveillez-vous ! akɔ tokoki mbâkimanyiya dia vɔ mbeya ɔnɛ ekɔ ohomba sala kɛnɛ kɔtɔnɛ l’ewo k’oshika. Ta atshina w’akambo wele lo tshapita 5 ya dibuku Ewo, yele l’ɔtɛ a dui w’ɔnɛ “Ɔtɛmwɛlɔ Waki Na Wetawɔ Nzambi?” Adia od. 20. Sho kokaka membolaka anto wa ngasɔ dia mbâkeketsha l’ɔsɛngɔsɛngɔ ndo la loshilambo dia vɔ mbetawɔ mbeka Bible ndo mbɔtɔka lo nsanganya.
Osambu 201 ndo dɔmbɛlɔ dia ndjihelo.
Lomingu la Lotena Eduwa 28
Osambu 193
Taahe 10: Waewoyelo. “Nsango ya Teokrasi.”
Taahe 15: “Ambutshi: Nyolowanya Ananyu Woho wa Vɔ Sambisha.” La wembola ndo ekadimwelo. Tɛkɛta ndo dia alako woshawɔ lo dibuku Notre ministère l’ɔtɛ a dui w’ɔnɛ “Ekimanyielo le Ɛlɔngɔlɔngɔ,” lo lɛkɛ 100-1.
Taahe 20: Toyalɔngɔsɔlɛ dia losha la Loseketanya. Sɔna biukubuku tshɔi kana tohende talanga anto wa lo mbilo k’etshumanelo kanyu ndo vusola atshina amɔtshi w’akambo oma lo biuku la biuku. Ta woho wakokaso kamba la tɔ dia tiɛnya anto.
Osambu 211 ndo dɔmbɛlɔ dia ndjihelo.