Nsanganya Y’olimu Ya Ngɔndɔ Ka Dikumi L’ɔtɔi
Lomingu la Ngɔndɔ ka Dikumi l’Ɔtɔi 3
Taahe 10: Waewoyelo. Ta Waewoyelo w’oma l’Olimu Aso wa Diolelo.
Taahe 15: “Onde Anto Tshɛ Wokokana Ngandji Lushi Lɔmɔtshi?” Wembola ndo ekadimwelo. Vusola awui woleki ohomba wele lo Nkumu ya Diolelo No. 35. Ta bonde kayokondja ase mbilo wahɔ oma lo kiatshikatshi yakɔ. Tɛtɛ di’ohomba wa tɔshi tɛdikɔ kakianɛ dia kamba efula l’okahanyelo wa Nkumu ya Diolelo ndo monga l’etete lo mbesa saki tshɛ kayɛnya onto.
Taahe 20: “Todianganya Nkumu ya Diolelo No. 35 Efula.” Dako dia mbɔtwɛlɔ oma le omendji w’olimu. Nyɔsɛdingole od. 5-8 la wembola ndo ekadimwelo. Ta tɛdikɔ tambɔsama lo dikambo di’elimu w’efula wayokambema. Ta nganɛ wayonyosala dia mbilo k’otondo kindjakindjama. Apandjudi koka kamba la Nkumu ya Diolelo No. 35 dia sambisha anto l’ahole wemala wa bisi, lo makashinyi wa totshitshɛ, l’ahole wakitshawɔ mituka ndo l’ahole akina tshɛ. Ɛnya woho wakokaso kimanyiya anto w’eyoyo walanga tatɛ sambisha. Lo mbilo mɔtshi, ondo ayoleka dimɛna onto ndamɛ sambisha aha la mɛmba tapa dia tadianganyaka Nkumu ya Diolelo. Nyosale diɛnyɛlɔ dihende kana sato dia tshena pe.
Osambu 126 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 10
Taahe 12: Waewoyelo. Alapɔlɔ wa falanga. Sɔtɔla tokanyi t’oma lo numɛlɔ y’eyoyo ya Tshoto y’Etangelo la Réveillez-vous ! tokoki onto kamba la tɔ dia tatɛ sawo. Ohola ampokami tshɛ ɔnɛ lo wikɛndɛ (lushi la samalo la la lomingu), tayokahanɛ periodikɛ kamɛ la Nkumu ya Diolelo No. 35. Sho la dia mbesa saki tshɛ kayɛnya onto. Sɛngɔla ampokami dia vɔ mɛmba biukubuku Un livre pour tous lo losanganya lomingu layaye.
Taahe 15: Ehomba wa l’etshumanelo.
Taahe 18: “Ngande Wasalaso la Ntondo ka Wendjodi?” Ɔkɛtshanyelo l’asa dikumanyi pende. Nyokotsha ndo kɔmatɛrɛ y’oma l’awui wele l’ɔtɛ a dui wahɔnyi w’ɔnɛ “Ngande Wokokiyɛ Ntokomɛ Wendjodi,” lo Tshoto y’Etangelo ya Ngɔndɔ ka Dikumi l’Ɔtɔi 1, 1974, lɛkɛ 669-70 (Falase).
Osambu 130 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 17
Taahe 15: Waewoyelo. Shila awui amɔtshi wɔkɔndwami lo Annuaire 1996 lɛkɛ 6-8, l’ɔtɛ a dui wahɔnyi w’ɔnɛ “Okahanyelo wa Nkumu ya Diolelo l’Andja w’Otondo.” Ta weolo wambodja apandjudi vamɛ l’okahanyelo wa ndjihelo wa Nkumu ya Diolelo. Keketsha onto tshɛ dia ndjasha tshɛ l’okahanyelo wa Nkumu ya Diolelo No. 35.
Taahe 15: Awui w’ohomba wa lo biukubuku y’oyoyo yelɛwɔ Un livre pour tous. Sawo l’ampokami dia mbeya ɛkɔkɔ wɛnya ɔnɛ Bible sunganaka sɛdingolama. Biukubuku yakɔ yakalɔngɔsɔma dia kimanyiya anto wele ondo wakɔtɔ kalasa, koko haweye awui efula lo Bible. Lo dihole dia pemba dia mbaetawoya ɔnɛ Bible akasambiyama oma le Nzambi, yɔ tshikaka awui wakasalema tɛkɛta vamɛ. Sho la dia ndjiala ndo ndjiewoya le anto akina, djekoleko wanɛ weka la so Bible.
Taahe 15: “Onde Tekɔ Ɛmɛnyi wa lo Tena Tshɛ?” Dako oma le ekumanyi kɛmɔtshi.
Osambu 133 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ɔtɔi 24
Taahe 12: Waewoyelo. Ta lɛnɛ ayanyu l’odianganyelo wa Nkumu ya Diolelo No. 35. Sɛngɔla ampokami dia vɔ kɔndɔla awui wakahomana la wɔ washa ekeketshelo. Ta nganɛ wambokindjakindjama mbilo ndo kɛnɛ kambotshikala dia shidiya mbilo k’otondo polo lo Ngɔndɔ ka Dikumi l’Ahende 14. Lam’ayoshila mbilo k’otondo, tayosha anto dibuku Ewo polo l’ekomelo ka Ngɔndɔ ka Dikumi l’Ahende. Tɛtɛ dia ndjadjɛ oyango wa tatɛ mbeka l’anto Bible lam’akalolaso dia tenda wanɛ waketawɔ lam’akatawasha Nkumu ya Diolelo.
Taahe 15: Woho wa Monga l’Elongamelo l’Atei w’Otshutshumalo. Dako oma le ekumanyi, diɔ mbɔsama oma lo Tshoto y’Etangelo ya Ngɔndɔ ka Tanu 15, 1997, lɛkɛ 22-5 (lo Falase).
Taahe 18: Osase Anyu Wangamɔ. Dako ndo ɔkɛtshanyelo lo dibuku Notre ministère, lɛkɛ 84-9. Tasɛngɔdi apandjudi amɔtshi la ntondo dia vɔ nɔngɔsɔla kɔmatɛrɛ lo wembola wayela ɛnɛ: (1) Lande na kasambisha Ɛmɛnyi wa Jehowa lo luudu la luudu? (2) Lo yɛdikɔ yakɔna yakawakambe lo yoho shɔ l’eleko ka ntondo? (3) Lande na kambondoleka ohomba ɛlɔ kɛnɛ dia tetemala la sambisha lo luudu la luudu? (4) Kakɔna kahatosha diaaso nshi nyɛ dia sambishaka tena tshɛ? (5) Ekimanyielo kakɔna kokokiso kondja dia tetemala? (6) Lo na atshɔkwamaso naka sho pɛtsha osase aso? (7) Akokaso sala dia mbeya pɔhɔla sawo l’anto? Sɛngɔla apandjudi asato kana anɛi dia vɔ mɛnya dikambo sɔ lo kɔndɔla awui wakeketsha anto wakasalema lam’akawatasambishaka lo makashinyi la makashinyi kana lo shinga.
Osambu 136 ndo dɔmbɛlɔ dia ndjihelo.