Nsanganya Y’olimu Ya Ngɔndɔ Ka Dikumi L’ahende
Lomingu la Ngɔndɔ ka Dikumi l’Ahende 1
Taahe 10: Waewoyelo. Ta Waewoyelo w’oma l’Olimu Aso wa Diolelo. “Lokumu l’Ɔlɔlɔ lo Internet.” Sha kɔmatɛrɛ l’alapɔlɔ w’olimu wa l’etshumanelo wa Ngɔndɔ ka Dikumi l’Ɔtɔi.
Taahe 15: “Soko dia Woke dia Ntsha Olimu Diambodihɔ.” Dako oma le ekumanyi, kamɛ ndo kɔmatɛrɛ y’ampokami. Keketsha anto tshɛ wakoka dia vɔ kamba efula l’olimu w’esambishelo. Sha ndo alako w’oma lo Tshoto y’Etangelo ya Ngɔndɔ k’Enanɛi 15, 1988, lɛkɛ 22.
Taahe 20: “Tofudia Saki Kakɛnya Anto oma lo Nkumu ya Diolelo.” Wembola ndo ekadimwelo. Nyosale diɛnyɛlɔ l’awui wa l’odingɔ 6. Lo ɛnyɛlɔ kɛmɔtshi nyɛnya woho wa tatɛ mbeka l’onto Bible.
Osambu 144 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 8
Taahe 10: Waewoyelo. Alapɔlɔ wa falanga. Ewoya etshumanelo tenyi diakɔna dia mbilo diambotshikala dia nyu mbisha anto Nkumu ya Diolelo No. 35. Keketsha ampokami tshɛ dia vɔ ndjasha tshɛ l’odianganyelo ɔnɛ wa lânde.
Taahe 15: Ehomba wa l’etshumanelo.
Taahe 20: “Toyasha le Elonganyi Wele Bu Ɛmɛnyi.” Sawo l’asa dikumanyi pende diayakiyanya dia vɔ mbeya vamɛ elonganyi wele bu Ɛmɛnyi. Vɔ wekɔ lo sɛdingola ndo alako wakawasha lo Tshoto y’Etangelo ya Ngɔndɔ ka Tanu 15, 1989, lɛkɛ 17-18, od. 6-9. Ta ɛkɔndɔ ɛmɔtshi w’oma lo Tshoto y’Etangelo ya Ngɔndɔ ka Dikumi 1, 1995, lɛkɛ 10-11, od. 11-12 (Falase).
Osambu 148 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 15
Taahe 10: Waewoyelo. Ta tɛdikɔ ta lânde tambɔsama di’esambishelo lo Ngɔndɔ ka Dikumi l’Ahende 25. Kɔndɔla akambo amɔtshi wakete l’odianganyelo wa Nkumu ya Diolelo No. 35 lo mbilo k’etshumanelo kanyu.
Taahe 20: Tokambe la Diaaso nɛ dia Lânde! Dako oma lo Tshoto y’Etangelo ya Ngɔndɔ ka Dikumi l’Ɔtɔi 15, 1996, lɛkɛ 21-3 (Falase).
Taahe 15: “Kayomota Na?” Ɔkɛtshanyelo l’ampokami. Adia odingɔ tatɛ oma l’ɔnɔngɔ wa komelo wa lo lɛkɛ 7 la dibuku Comment raisonner ndo lembetshiya woho wakasalema dibuku diakɔ dia tokimanyiya dia sho monga la yewo ya sambisha asawo wotshikitanyi wa lo Bible. Ɛnya dui sɔ lo sala ɛnyɛlɔ ɔtɔi kana dihende diakalɔngɔswama dimɛna.
Osambu 151 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 22
Taahe 8: Waewoyelo. Ohola tɛdikɔ ta lânde tambɔsama dia sambisha lo Ngɔndɔ ka Dikumi l’Ahende 25.
Taahe 15: Loshilambo lo Wekelo wa Dibuku wa l’Etshumanelo. Sho mandolaka yimba ya nongolaka anto yɛnya nkumbo yakimɔ mvudu yawɔ dia salaka wekelo wa dibuku. Dui sɔ mbâlɔmbaka dia vɔ tayalɔngɔsɔdi efula ndo diɔ mongaka l’efukutanu ɛmɔtshi. Lam’atshɔso lo losanganya, sho la dia monga la loshilambo ndo la dilɛmiɛlɔ lo salaka ɔnkɔnɛ: (1) Sho pombaka kitola ekolo dimɛna la ntondo ka mbɔtɔ, di’aha mbidja odihe kana tapi ka lo luudu mindo. (2) Ambutshi pombaka nama anawɔ, ndjashikikɛ ɔnɛ vɔ hawofukutanya ndo wodjashikɔ paka lo luudu lakanyosha kanga ngelo dia salaka wekelo wa dibuku. (3) Kânga mbokoki olui monga tshitshɛ ndo awui salemaka oko anto wasawola, tohɔke dia ekɔ losanganya la l’etshumanelo ndo sho la dia ndɔta oko wanɛ watatshu otsha lo Mbalasa ka Diolelo. (4) L’ɔkɔngɔ wa losanganya, tatolekake sawola edja efula l’anangɛso l’akadiyɛso akina, dia mbisha akanga a ngelo diaaso dia vɔ sala awui awɔ. (5) Akanga a ngelo kasalema wekelo wa dibuku mbeyaka mbuta vamɛ dia tosha yangɔ mɔtshi ya ndɛ kana ya nɔ l’ɔkɔngɔ wa losanganya, koko onto tshɛ pombaka mbeya ɔnɛ ndamɛ mbalanga mbatoshande ndo ɔsɔ kema ɔkɛndɛ ande.
Taahe 22: Têtɛ Anto Ambeki, Towaetsha. Ekumanyi alɔmbɔla sawo l’asa apandjudi asato kana anɛi; vɔ wekɔ lo kadimula lo wembola wele lo dibuku Notre ministère, lɛkɛ 89-93: (1) Lande na kele ekɔ ohomba efula kalolaka dia tembola anto dia olimu aso kambema dimɛna? Ngande wokoki onto shidiya okakatanu wa kalolaka dia tenda anto? (2) Bonde kalekaso tɛtɛ di’ohomba wa mumɛ mbeka l’anto Bible? Kakɔna kokoki tokimanyiya dia sho monga l’akoka wa mbeka l’anto Bible? (3) Lande na kele ekɔ ohomba nɔmbɔla ambeki otsha l’ɔlɔngɔswamelo wa Jehowa? Ngande wakokaso sala dikambo sɔ na? Anangɛso wekɔ lo nembetshiya nto woho wakâkimanyiya akatshi w’okotsha w’Olimu Aso wa Diolelo wa Ngɔndɔ k’Esambele 1996 la wa Ngɔndɔ ka Nɛi la ka Tanu 1997 lo dikambo sɔ.
Osambu 160 ndo dɔmbɛlɔ dia ndjihelo.
Lomingu la Ngɔndɔ ka Dikumi l’Ahende 29
Etshumanelo ayɔlɔngɔsɔla ekongelo lo ndjela ehomba wa l’etshumanelo kawɔ.