Nsango Ya Teokrasi

◼ Lofulo l’apandjudi lakadɛ lo Ngɔndɔ ka Hende lo wedja ɛnɛ wa l’Afrika wa l’edjelo ka wonya: Bénin, Cameroun, Côte d’Ivoire, Ghana, Liberia la Nigeria.

◼ Ase dawo efula wokalola otsha la Liberia, lo wodja ɔsɔ anto wekɔ la ndjala ka kasha k’akambo wa mɛtɛ. Lo Ngɔndɔ ka Hende, apandjudi 2286 wakeke Bible l’anto 6277.

◼ La Macao, lofulo l’apandjudi lakadɛ % 16 lo mbɛdika la lofulo la l’atei atei l’ɔnɔnyi wetshi, anto 135 mbakakimɔ alapɔlɔ w’esambishelo lo Ngɔndɔ ka Hende.

◼ L’asɛnga wa Fidji, wa Salomon ndo wa Tahiti, asɛnga wele lo ndjale ka Pacifique lo Sudɛ, lofulo l’apandjudi lakadɛ lo Ngɔndɔ ka Hende.

◼ La Madagascar, lofulo l’apandjudi lakakome 9484, lâsɔ ohamelo wekɔ wa % 14 lo mbɛdika la lofulo la l’atei atei l’ɔnɔnyi wetshi. Ndo lo Ngɔndɔ ka Hende wakeke Bible l’anto ndekana 20000.