Nsanganya Y’olimu Ya Ngɔndɔ K’enanɛi
Lomingu la Ngɔndɔ k’Enanɛi 3
Taahe 10: Waewoyelo. Waewoyelo wendana l’Olimu Aso wa Diolelo. Ta alapɔlɔ w’olimu wa l’etshumanelo wa Ngɔndɔ k’Esambele (naka wekɔ suke). Nsango ya Teokrasi.
Taahe 15: “Ekɔ Ɔlɔlɔ Efula Sho Mongaka Laawɔ Nshi Tshɛ!” La wembola ndo ekadimwelo. Ta ndo tokanyi tɔmɔtshi t’oma lo Réveillez-vous ! wa Ngɔndɔ ka Samalo 8, 1988, lɛkɛ 19-21 dia keketsha akɛnda lo vɔ mbɔtɔka lo nsanganya tshɛ.
Taahe 20: “Anyaso Wekɔ l’Ohomba wa Mboka Lokumu l’Ɔlɔlɔ.” Apandjudi ahende kana asato wakoka wate lo tshena pe tokanyi toshawɔ lo sawo nɛ dia mbisha anto tobukubuku tɔmɔtshi tele lo lɔkɔtɔ l’etshumanelo. Nyolembetshiya bonde kokokitɔ monga dimɛna efula lo mbilo kanyu. Nyɔtɛtɛ di’oyango wa tatɛ mbeka l’anto Bible lo biukubuku Katɔlɔmba kana lo dibuku Ewo. Nyotshe wɛnyɛlɔ ehende: ɔmɔtshi wɛnya mbala ka ntondo ka pomana l’onto ndo okina diembwelo ko mbɔ̂sɛngɔla dia mbeka la nde Bible.
Osambu 73 ndo dɔmbɛlɔ dia ndjihelo.
Lomingu la Ngɔndɔ k’Enanɛi 10
Taahe 10: Waewoyelo. Alapɔlɔ wa falanga. Lɔmba apandjudi tshɛ dia vɔ kanyiya dimɛna lo dikambo dia dikoka dia monga ambatshi mboka wa tshanda lo Ngɔndɔ ka Divwa, nɛ dia lo ngɔndɔ kɛsɔ mbayotatɛ ɔnɔnyi w’oyoyo w’olimu.
Taahe 15: Ehomba wa l’etshumanelo.
Taahe 20: Onde yimba ya l’andja ɔnɛ yekɔ lo kosha lɔlɛngɔ? Dako diayoshama oma le ekumanyi, lo ndjela Tshoto y’Etangelo ya Ngɔndɔ ka Dikumi 1, 1997, lɛkɛ 25-9 (lo Falase).
Osambu 182 ndo dɔmbɛlɔ dia ndjihelo.
Lomingu la Ngɔndɔ k’Enanɛi 17
Taahe 8: Waewoyelo. Lembetshiya lo tshena pe, kiombokombo yele l’ɔtɛ a dui w’ɔnɛ “Tosembole Ɔtɛkɛta Lam’adiaso!”
Taahe 12: “Diembwelo Diokoki Monga Tshondo y’Ɔtshɔkɔ.” Sawo l’asa dikumanyi pende. Nyolembetshiya eyango w’olimu wa membola ɛkɔkɔ, oko wofundamiwɔ lo Tshoto y’Etangelo ya Ngɔndɔ ka Divwa 15, 1993, lɛkɛ 20-3. Keketsha etshumanelo la wangasanu tshɛ dia vɔ nongamɛka ɔnɛ dikumanyi diayowaembolaka.
Taahe 25: “Onde Wɛ Sunganaka Kamba Olimu w’Ombatshi Mboka?” (od. 1-14) Omendji w’olimu atɛkɛtɛ yema lo hiembola lo mbɔtwɛlɔ dia tshutshuya apandjudi tshɛ dia vɔ kanyiya ɔlɔlɔ lo dikambo di’olimu w’ombatshi mboka wa pondjo. L’ɔkɔngɔ ko nde sɛdingola dimbola 1 ndo mbisha kɔmatɛrɛ y’oma l’Annuaire 1998, lɛkɛ 104-5 l’edingɔ wele l’ɛse k’ɔtɛ a dui w’ɔnɛ “Yimba y’Ombatshi Mboka y’Ohetoheto.” Ase etshumanelo ahende kana asato wambekesanɛ l’olimu w’ombatshi mboka wayowoyela lo lɔyɛnga dia vɔ tɔkɛtshanya dimbola 2. Wɛnya lo yoho yokotshamaka ndo ya mɛtɛ, nganɛ wakoka onto ndjâkotshɛ ehomba wa l’emunyi ko ele ndo ombatshi mboka. L’ɔkɔngɔ, ambutshi ahende wayowayela lo lɔyɛnga dia tɔkɛtshanya dimbola 3. Wɛnya lo yoho y’ɔlɔlɔ bonde kahomba Akristo weke akɛnda kanyiya ɔlɔlɔ dia kamba olimu wa lo tena tshɛ lo lɔsɛnɔ lawɔ. Keketsha ampokami tshɛ di’aha vɔ pandja losanganya l’olimu la lomingu layaye dia ndjɔsɛdingola wembola wotshikadi.
Osambu 80 ndo dɔmbɛlɔ dia ndjihelo.
Lomingu la Ngɔndɔ k’Enanɛi 24
Osambu 155
Taahe 15: Waewoyelo. Ta tɛdikɔ tambɔsama dia nsambisha wikɛndɛ wa ntondo wa Ngɔndɔ ka Divwa ndo lɔmba anto tshɛ dia vɔ nsambisha. Ta “Ekongelo ka Losanganya l’Otshimbedi Layaye” lo hiembola.
Taahe 30: “Onde Wɛ Sunganaka Kamba Olimu w’Ombatshi Mboka?” (od. 15-25) Dako oma le ekumanyi ndo ɔkɛtshanyelo. Lɔngɔsɔla dia ambatshi mboka la wanɛ waki ambatshi mboka ntondo mbuta kɛnɛ kele mɛtɛ lo dimbola 4 la 5. Watɛtɛ di’ohomba wa monga l’ekongelo ka wenya ka dimɛna ndo kilɛnya, ko vɔ mbisha ndo bɛnyɛlɔ di’amɛna mɛtɛ di’ekongelo ka nsambishaka lomingu la lomingu. Dia ndihiya, ekumanyi akadimule dimbola 6 lo yoho ya tshutshuya anto. Ngɔndɔ ka Divwa 1 ekɔ etatelo k’ɔnɔnyi w’olimu ndo ekɔ etena kasungana ka mbɔtɔ l’olimu wa lo tena tshɛ. Ekumanyi kɛmɔtshi ka lo kɔmite k’olimu ka l’etshumanelo kokaka kosha dɛmandɛ dia mbɔtɔ l’olimu ɔsɔ.
Osambu 51 ndo dɔmbɛlɔ dia ndjihelo.
Lomingu la Ngɔndɔ k’Enanɛi 31
Taahe 10: Waewoyelo. Ohola di’onto tshɛ kimɔ alapɔlɔ ande w’olimu wa Ngɔndɔ k’Enanɛi. Tɛkɛta dia losha la Ngɔndɔ wa Divwa.
Taahe 15: Ehomba wa l’etshumanelo kana Onde Lamboyatshungola? Dako diayoshama oma le ekumanyi di’oma lo Tshoto y’Etangelo ya Ngɔndɔ ka Dikumi l’Ahende 15, 1987, lɛkɛ 18-19, od. 14-16. Keketsha wanɛ wasalangana l’olimu oma k’ɛnɔnyi efula dia vɔ kanyiya kana wekɔ lo kamba olimu awɔ w’ekila dimɛna ndo efula.
Taahe 20: Onto tshɛ l’atei aso kokaka nsambisha lo tshakitudi. Dako ndo ɔkɛtshanyelo l’ampokami lo Tshoto y’Etangelo ya Ngɔndɔ ka Dikumi 15, 1987, lɛkɛ 22-7. Ɛnya woho wakoka wanɛ wele l’ɛkɛndɛ efula l’olimu wa l’emunyi, lo nkumbo kana elimu awɔ vamɛ kondja waaso efula lushi tshɛ dia mbewoya akina lokumu l’ɔlɔlɔ. Ta akambo amɔtshi wa ngasɔ wakatshama l’etshumanelo kanyu.
Osambu 76 ndo dɔmbɛlɔ dia ndjihelo.