Nsanganya Y’olimu Ya Ngɔndɔ Ka Divwa
Lomingu la Ngɔndɔ ka Divwa 7
Osambu 216
Taahe 10: Waewoyelo. Waewoyelo wendana l’Olimu Aso wa Diolelo. Tɛkɛta dia alapɔlɔ w’olimu wakakambe etshumanelo lo Ngɔndɔ k’Enanɛi.
Taahe 15: “Onde Ngɔndɔ ka Divwa Kayofundama l’Abuku w’Ɛkɔndɔ?” La wembola ndo ekadimwelo. Keketsha apandjudi tshɛ dia sambisha lo Ngɔndɔ ka Divwa ndo oseka ngɔndɔ tshɛ l’ɔnɔnyi ɔnɛ w’oyoyo w’olimu.
Taahe 20: “Tokambe la Tobukubuku dia Kotola Yambalo ndo Munanda Otema w’Onto.” Ɔkɛtshanyelo kâmɛ l’ampokami. Tɛkɛta lo tshena pe dia tobukubuku takafundama l’ɛnɔnyi ɛnɛ tshɛ dia mbewoya anto akambo w’ohomba efula wele lo Bible. (Enda lo Index des publications de la Société Watch Tower 1986-1990, lɛkɛ 298-302.) Tɛkɛta efula dia tobukubuku teke ka tomba ko wɛ mbuta anto akɔna wakoka ngɛnangɛna biuku la biuku. Kɔlɔngɔsɔlɛ wɛnyɛlɔ ɔtɔi kana ehende.
Osambu 191 ndo dɔmbɛlɔ dia ndjihelo.
Lomingu la Ngɔndɔ ka Divwa 14
Taahe 10: Waewoyelo. Alapɔlɔ wa falanga. Ta oyango wele laso wa: opandjudi tshɛ sambisha lo Ngɔndɔ ka Divwa.
Taahe 15: Ehomba wa l’etshumanelo. Nyɔkɛtshanya dia mukanda wendana la falanga ya mbika Mbalasa ya Diolelo.
Taahe 20: “Ɛlɔngɔlɔngɔ l’Esekaseka: Nyokondja Ɛlɔlɔ oma lo Kalasa Kɔtɔnyu.” La Wembola ndo ekadimwelo. Kotsha tokanyi tasungana t’oma lo Réveillez-vous ! wa Ngɔndɔ ka Nɛi 8, 1992, lɛkɛ 17-19, ndo t’oma lo Tshoto y’Etangelo ya Ngɔndɔ k’Esambele 15, 1991, lɛkɛ 23-6.
Osambu 37 ndo dɔmbɛlɔ dia ndjihelo.
Lomingu la Ngɔndɔ ka Divwa 21
Osambu 163
Taahe 10: Waewoyelo. Sɛngɔla ampokami dia vɔ mbuta yema lo tshena pe woho wa mbɔsa lokombo l’adrɛsɛ w’onto lomiso la sambisha l’ɔsɛsɛ, lo lobingu kana lo dihole dikina woho wa ndjoyela saki kɛnyishande. Lembetshiya lo hiembola sawo dia “Ekongelo ka Losanganya Layaye la Lânde la Lushi Ɔtɔi.”
Taahe 35: “Tênde Olimu w’Ohomba Efula wa Mbetɛ Anto Ambeki la Sso di’Ɔlɔlɔ.” La wembola ndo ekadimwelo. Adia od. 5, 10 la 11. Ta woho wakɛndakɛnda olimu wa mbeka l’anto Bible l’etshumanelo. Keketsha wanɛ tshɛ weka l’anto Bible dia vɔ nyomadia dikatshi di’okotsha di’Olimu Aso wa Diolelo wa Ngɔndɔ k’Esambele 1996 dia vɔ monga embetsha a lokombo. Sɛdingola od. 5 la 25 wa dikatshi sɔ di’okotsha.
Osambu 108 ndo dɔmbɛlɔ dia ndjihelo.
Lomingu la Ngɔndɔ ka Divwa 28
Taahe 12: Waewoyelo. Ohola apandjudi tshɛ dia vɔ kimɔ alapɔlɔ awɔ w’olimu wa Ngɔndɔ ka Divwa. Anɔmbɔdi wa wekelo wa dibuku kawoyashikikɛ ɔnɛ onto tshɛ la l’olui awɔ ambokimɔ, dia alapɔlɔ tshɛ sanganyema ko tomama lo biro Ngɔndɔ ka Dikumi 6. Tɛkɛta dia losha la Ngɔndɔ ka Dikumi. Nyotshe wɛnyɛlɔ ɔmɔtshi lo tshena pe lo mboka dimbola nɛ: “Lande na kahombaso kamba la lokombo la Nzambi?” Nyosha okadimwelo l’ekimanyielo ka dibuku Ewo, tshap. 3, od. 6.
Taahe 15: “Emendji Watɔlɔmbɔla: Omendji-Walɔmbɔla.” Dako oma le omendji-walɔmbɔla. L’ɔkɔngɔ wa nde mbuta ɛkɛndɛ ande, asha ase etshumanelo losaka lo woho wakambawɔ kâmɛ la dikumanyi dialesha ɛkɔkɔ.
Taahe 18: Nyokimanyiya Ananyu la Kalasa. Ekumanyi kɛmɔtshi asawole l’ambutshi ahende kana asato wele l’ana watshɔ la kalasa. Nyɔtɛkɛtɛ lo tshena pe di’ekakatanu ɛmɔtshi wahomana l’ana tena efula la kalasa, oko wɛnɛ watawɔ lo Réveillez-vous ! wa Ngɔndɔ k’Enanɛi 8, 1994, lɛkɛ 5-7. L’ɔkɔngɔ, nyokambe la lɛkɛ 8-10 dia kɛtshanya woho wokoki ambutshi kokɛ anawɔ ndo nama diokanelo di’ɔlɔlɔ l’embetsha.
Osambu 24 ndo dɔmbɛlɔ dia ndjihelo.