Kalasa K’olimu Wa Teokrasi Lo 1998
Kalasa ekɔ oko dihole diateyaka onto awui w’eyoyo ndo diatondokondjaka akoka akina. L’ekimanyielo ka Kalasa k’olimu wa teokrasi, sho ndowanyemaka tena tshɛ l’ewo ka Nzambi. Woho wasalaso asawo lo kalasa kakɔ tokimanyiyaka nto dia sho monga l’akoka l’akambo wa wetshelo ndo lo diewo dia tɛkɛta. Lo 1998, ekongelo ka kalasa ayotosha nto waaso tena la tena wa pama lo nyuma.
Naka nyu menda ekongelo nyayɛna dia sawo No. 3 diayɔtɛkɛtaka tena dimɔ awui w’onto ɔmɔtshi la lo Bible lakawate awui ande lo Auxiliaire. Nyayɛna nto dia dibuku Ɔngɛnɔngɛnɔ wa lo Nkumbo diakadjama l’ekongelo; diɔ diayekamaka yema yema lo sawo No. 3 la 4. Naka sawo No. 4 diambɔsama oma lo dibuku Ɔngɛnɔngɛnɔ wa lo Nkumbo, kete ɔnangɛso ɔmɔtshi ayohomba disala oko dako. Tambonyohola dia ndoko onto lasala sawo lo kalasa layohomba ndekanya yɛdikɔ ya wonya wakawawosha.
Dikambo di’Oyoyo: Dia ɔlɔlɔ aso shamɛ, “ekongelo kekina ka walelo wa Bible” kekɔ l’atei a tokombo l’ɔkɔngɔ wa numɛlɔ k’osambu wa lomingu lakɔ. Toyadje oyango wa kiyela, oyadi kânga ndoko etenyi k’ekongelo ka lomingu la lomingu ka lo kalasa kendana la tɔ. Tɔ kayotosha mbekelo ka mbadiaka Bible lushi tshɛ, naka hatosale ngasɔ.
Dia kondja waewoyelo akina wendana l’asawo, alako ndo ovuswelo wa lofunda, tadia dimɛna alako woshawɔ lo “Ekongelo ka Kalasa k’Olimu wa Teokrasi ka 1998” la lo lɛkɛ 3 la Olimu Aso wa Diolelo wa Ngɔndɔ ka Dikumi l’Ɔtɔi 1996.
Naka wɛ atafundja lokombo lo Kalasa k’olimu wa teokrasi, kete tambokokeketsha dia wɛ ndjafundja kakianɛ. Kalasa kɛsɔ ka woho okina kekɔ nshi tshɛ ohomba efula dia ndowanya ekambi wa Jehowa wayâkitshakitsha ndo wakayakimɔ, tɔ mbâkimanyiyaka dia vɔ koma ekambi wele tomanamana nshi tshɛ.—1 Tim. 4:13-16.
[Caption on page 5]
Waewoyelo
◼ Ekanda wayotosha anto lo Ngɔndɔ ka Dikumi l’Ahende: Ewo Katɔla Otsha lo Lɔsɛnɔ la Pondjo la Traduction du monde nouveau. Ngɔndɔ ka Ntondo: Dibuku tshɛ dia ndjɛkɛ 192 diakatombe la ntondo ka 1985 diele lo lɔkɔtɔ l’etshumanelo. Tshumanelo di’aha l’abuku asɔ, kawosha anto dibuku La paix et la sécurité véritables : comment est-ce possible ? kana Kokaka We Monga la Loseno la Pondjo lo Paradiso ka la Kete. Ngɔndɔ ka Hende: Sheke y’Ɔngɛnɔngɛnɔ wa lo Nkumbo. Ngɔndɔ ka Sato: Ewo Katɔla Otsha lo Lɔsɛnɔ la Pondjo. Tayodja weolo wa lânde dia tatɛ mbeka l’anto Bible.
◼ Tshumanelo diayohomba nɔmba tɔvɔlimɛ rɛlie ta Tshoto y’Etangelo la Réveillez-vous! wa 1998 lo kɔmandɛ yawɔ y’ekanda ya Ngɔndɔ ka Dikumi l’Ahende. Tɔvɔlimɛ takɔ tayonga lo Falase la l’Angɛlɛ. Tayofundaka l’akatshi w’otomelo ɔnɛ “Noté pour plus tard “ edja ndo lam’ayoya tɔvɔlimɛ takɔ ndo lam’ayotonyotomɛtɔ. Tɔvɔlimɛ rɛlie nɔmbamaka paka lo yoho ya lânde.
◼ Omendji-walɔmbɔla kana onto lakandasɛngɔla la dia mbɛdika falanga y’etshumanelo lo Ngɔndɔ ka Dikumi l’Ahende 1 kana kam’akondjama etena l’ɔkɔngɔ wa datɛ sɔ. Naka nyambɛdika, ko nyu mbewoya etshumanelo alapɔlɔ akɔ.
◼ Eohwelo k’ɔnɔnyi wa 2000 ayosalema Lushi la Sato, Ngɔndɔ ka Nɛi 19, l’ɔkɔngɔ w’ɛɔtwɛlɔ ka wonya. Tambotewoyisha la ntondo woho wa anangɛso talɔngɔsɔdi ahole wa ndjosala losanganya lakɔ kana tafute mvudu nkina l’ahole wele tshumanelo efula kahanaka Mbalasa ka Diolelo kakɔ ɔtɔi. Dikumanyi la dia mbokana la kanga ngelo dimɛna dia ndjashikikɛ ɔnɛ ndoko dikambo dikina diayoyosalema lo luudu lakɔ woho wa losanganya l’Eohwelo salema lo wɔladi ndo aha l’ofutanu. Lam’ele ɔsɔ ekɔ dui di’ohomba efula, olui wa dikumanyi la dia sɔna ɔtɛkɛtshi ɔmɔtshi wakoka dia nde mbisha dako diakɔ, lo dihole dia tasɔnaka l’ɔnɔngɔ kana mbishaka paka ɔnangɛso akɔ ɔtɔi oto ɔnɔnyi tshɛ. Naka ekumanyi kɛmɔtshi k’okitami kele l’akoka ekɔ ko nde disha.
◼ Kem’edja biukubuku yele l’ɔtɛ a dui w’ɔnɛ: The Guidance of God—Our Way to Paradise yanga tomba. Biukubuku shɔ yakalɔngɔswama dia kotola yambalo ya waa Mizilima wanɛ watekekɔ ndo wasɛna l’ahole wakokawɔ mbeka Bible aha l’okakatanu. Yɔ yanga tomba l’ɛtɛkɛta 20. Wony’ɔnɛ, nyu kokaka tokoyilɔmba paka lo Angɛlɛ. Tayonyewoya kama wayoyotomba l’ɛtɛkɛta ekina.
◼ Ngɔndɔ ka Ntondo ekɔ la wikɛndɛ etanu, omalɔkɔ, anto efula kokaka kamba oko ambatshi mboka wa tshanda.