Nsanganya Y’olimu Ya Ngɔndɔ Ka Sato
Lomingu la Ngɔndɔ ka Sato 1
Taahe 8: Waewoyelo. Waewoyelo w’oma l’Olimu Aso wa Diolelo.
Taahe 17: “Eohwelo ka Nyɔi ka Kristo Kayosalema l’Andja w’Otondo.” Wembola ndo ekadimwelo. Sha ndo kɔmatɛrɛ y’oma lo Tshoto y’Etangelo ya Ngɔndɔ ka Hende 1, 1997, lɛkɛ 24-25, odingɔ 10 polo 14. Ka epole ɔsɛkɛ ɔnɛ Jehowa akatosha tshungo oma lo ngandji k’efula katokande.
Taahe 20: Ɛkɔkɔ Wamɛna Efula wa Kamba oko Ambatshi Mboka wa Tshanda lo Ngɔndɔ ka Nɛi la ka Tanu. Dako ndo ɔkɛtshanyelo l’ampokami wayɔlɔmbwama oma le omendji w’olimu, akeketsha anto tshɛ dia mbɔsa olimu w’ombatshi mboka wa tshanda. Vusola etshikitanu wendana la lofulo la wenya lalɔmbawɔ ambatshi mboka wa tshanda, oko wɛnyamidiɔ l’Olimu Aso wa Diolelo wa Ngɔndɔ ka Ntondo 1999 lɛkɛ 7. Otshikitanu ɔsɔ ayokimanyiya anto efula dia monga la diɛsɛ dia kamba olimu wa lo tena tshɛ. Lembetshiya nganɛ watotshutshuya lowando laso l’olambo wa Kristo dia sho ndjasha tshɛ lo sambisha anto akina. (2 Kor. 5:14, 15) Ɔnɔnyi ɔnɛ, Eohwelo kayosalema lushi la ntondo la Ngɔndɔ ka Nɛi. Ande dui sɔ woho watshutshuyadiɔ apandjudi tshɛ wa Diolelo dia vɔ ndjakimɔ tshɛ l’olimu ngɔndɔ kɛnɛ lee! Vusola awui amɔtshi w’ohomba w’oma lo dikatshi di’okotsha di’Olimu Aso wa Diolelo wa Ngɔndɔ ka Sato 1997 la ka Nɛi 1998 wendana l’olimu w’ombatshi mboka wa tshanda. Enda toho ta mbɔtɔnganyiya dikongelo dioshami lɔkɔ. Ewoya tɛdikɔ tambɔsa etshumanelo kanyu lo dikambo di’esambishelo, tɛdikɔ tasha anto diaaso dia sambisha kâmɛ l’apandjudi akina. Keketsha apandjudi dia mbɔsa adɛmandɛ w’ombatshi mboka wa tshanda l’ɔkɔngɔ wa losanganya.
Osambu 44 ndo dɔmbɛlɔ dia ndjihelo.
Lomingu la Ngɔndɔ ka Sato 8
Taahe 10: Waewoyelo. Alapɔlɔ wa falanga.
Taahe 20: “Towaele.” Wembola ndo ekadimwelo. Ka epole ɔsɛkɛ l’ohomba wa mbelɛ eyoyo oya lo nsanganya ya l’etshumanelo. Ɛnya woho wakɛtshanya opandjudi l’onto ɔmɔtshi layasha, lo kamba la dibuku Ewo, lɛkɛ 159, odingɔ 20 ndo lɛkɛ 161-3, odingɔ 5-8. Keketsha onto tshɛ dia mbidja wolo wa lânde dia kimanyiya ambeki wa Bible ndo anto akina wayasha dia vɔ ndja lo losanganya l’Eohwelo layosalema Ngɔndɔ ka Nɛi 1. Ɛnya ampokami kɔpi kɛmɔtshi ka dikatshi dia leeta ndo lembetshiya woho wakoka onto kamba ladiɔ dimɛna. Tayomɛ kahɛ anto akatshi wa leeta lomingu lɔnɛ.
Taahe 15: “Woho Wakimanɛ Ase Nkumbo dia Ndjasha Tshɛ—Lo Nsanganya ya l’Etshumanelo.” Ɔkɛtshanyelo oma le ase nkumbo. Wonya wakɛtshanyawɔ akambo w’ohomba wele lo sawo nɛ, wakɛtshanya nto lo woho wakokawɔ nɔngɔsɔlaka nsanganya lo nkumbo. Wakɛtshanya woho wakokawɔ kimanyiyana lam’asawɔ di’onto l’onto mbishaka kɔmatɛrɛ ndo kɛnɛ kahombawɔ ntsha dia nkumbo komaka la wonya lo nsanganya.
Osambu 62 ndo dɔmbɛlɔ dia ndjihelo.
Lomingu la Ngɔndɔ ka Sato 15
Taahe 10: Waewoyelo. Sɛdingola sawo diele l’ɔtɛ a dui ɔnɛ: “Onde Wɛ Ayɔtɔ?”
Taahe 15: “Ekambi w’Olimu Wekɔ lo Kamba Olimu wa Nɛmɔ.” Sawo oma l’okambi w’olimu wakoka. Vusola awui w’ohomba wa lo dibuku Notre ministère, lɛkɛ 57-9. Lembetshiya nganɛ wakambawɔ l’ekambi w’olimu dia kimanyiya etshumanelo.
Taahe 20: Nyɔngɛnɛngɛnɛ Annuaire 1999. Ɔkɛtshanyelo lam’asa wadi l’omi. Omi ekɔ lo nembetshiya ɔnɛ lo 1927 mbakawatondja Annuaire mbala ka ntondo oko dibuku ndo ambolekana ɛnɔnyi 70 watombadiɔ. Diɔ mɛnyaka ndo alapɔlɔ wa l’andja w’otondo w’Ɛmɛnyi wa Jehowa. Wavusole awui w’ohomba wa lo “Totaux pour 1998,” lɛkɛ 31. L’ɔkɔngɔ ko vɔ kɛtshanya dia “Mukanda w’oma le Olui Walɔmbɔla,” lo lɛkɛ 3-5, ndo mbisha kɔmatɛrɛ lo woho wayowoyela ekeketshelo kotoshawɔ kɛsɔ.
Osambu 68 ndo dɔmbɛlɔ dia ndjihelo.
Lomingu la Ngɔndɔ ka Sato 22
Osambu 162
Taahe 10: Waewoyelo. Ta nkombo ya wanɛ wayokamba oko ambatshi mboka wa tshanda Ngɔndɔ ka Nɛi. Ta ɔnɛ etena kekekɔ k’anto ndodja adɛmandɛ. Tɛkɛta di’ekongelo ka nsanganya y’otsha l’esambishelo ya Ngɔndɔ ka Nɛi. Keketsha anto tshɛ dia ndjela ekongelo ka wadielo wa Bible wendana la Eohwelo wotate oma lo Ngɔndɔ ka Sato 27 polo ka Nɛi 1, oko wɛnyamitɔ lo biukubuku Tɔsɛdingolake Afundelo Lushi la Lushi 1999 ndo lo Alamanaka 1999.
Taahe 15: Toyalɔngɔsɔlɛ di’Eohwelo. Dako. Onto tshɛ la dia mbɔsa yɛdikɔ dia kimanyiya ambeki wa Bible l’anto akina wayasha dia vɔ ndja lo Eohwelo. Mbala mɔtshi eyoyo ɛsɔ hawoteya akɔna akoka ndɛ mapa ndo nɔ vinyɔ kana mbeya kitshimudi y’Eohwelo kakɔ. Vusola kɛnɛ kotami lo Tshoto y’Etangelo ya Ngɔndɔ ka Nɛi 1, 1996, lɛkɛ 6-8, ndo ɛnya woho wakokaso kimanyiya eyoyo dia vɔ shihodia kitshimudi ndo oyango wa eohwelo kɛsɔ. Komiya lo vusola ɔtɛ a dui wata ɔnɛ: “Waewoyelo Wendana l’Eohwelo” ndo tɛkɛta dia tɛdikɔ tambɔsa etshumanelo kanyu.
Taahe 20: Ngande Wayalaso Lam’avɔso? Ekumanyi l’apandjudi ahende kana asato wakoka wakɛtshanya dia mɛnya nɛmɔ dia biukubuku shɔ ndo woho wa kamba la yɔ. Takamanyamanya biukubuku yakɔ lam’akatayieke lo Wekelo wa Dibuku wa l’Etshumanelo. Onde tekɔ lo kamba layɔ dimɛna l’esambishelo? Akambo wa kɛtshanya: Bonde kayasha anto efula lo dikambo sɔ? Otshikitanyi la wetshelo wa l’ɛtɛmwɛlɔ wa kashi, di’elongamelo kakɔna katɛtɛyɔ? Ngande wakokaso kamba la wembola wa lo lohoso dia nomialomia saki k’anto? Lo waaso akɔna wakokaso mbisha anto biukubuku shɔ? Lɔngɔsɔla wɛnyɛlɔ ɔmɔtshi l’ekimanyielo k’avɛsa wa l’odingɔ 14 lo lɛkɛ 27. Keketsha anto tshɛ dia vɔ monga suke dia kamba dimɛna la biukubuku shɔ.
Osambu 92 ndo dɔmbɛlɔ dia ndjihelo.
Lomingu la Ngɔndɔ ka Sato 29
Taahe 12: Waewoyelo. Ohola anto tshɛ dia vɔ kimɔ alapɔlɔ awɔ w’esambishelo wa Ngɔndɔ ka Sato. Tayosha anto Tshoto y’Etangelo la Réveillez-vous! lo Ngɔndɔ ka Nɛi. Ɛnya numɛlɔ mɔtshi y’eyoyo, ndo ta asawo amɔtshi wasungana mbika epole ɔsɛkɛ ndo akambo amɔtshi wakokaso kɛtshanya l’anto. Onto tshɛ la dia mɛmbaka biukubuku Katɔlɔmba ndo kamba la yɔ dia tatɛ mbeka Bible l’anto wayasha.
Taahe 15: Ehomba wa l’etshumanelo.
Taahe 18: Ngande Wahombaso Ntsha Lam’atoshawɔ Dako? Dako oma l’ekumanyi kɛmɔtshi. Sho tshɛ nongolaka dako diendana la dionga diaso, lɔkɛwɔ laso, lɔngɛnyi laso kana woho wakambaso elimu wa l’etshumanelo. Mbala mɔtshi sho toyangaka tona dako kana momalɛ ɔnɛ latoshadiɔ. Lonyuma laso kokaka ndana naka hatetawɔ ndo hatoyele alako. Vusola akambo w’ohomba wɛnya lande na kahombaso mbetawɔ ndo ngɛnangɛna alako.—Enda lo Tshoto y’Etangelo ya Ngɔndɔ ka Nɛi 1, 1987, lɛkɛ 27-30.
Osambu 118 ndo dɔmbɛlɔ dia ndjihelo.