Nsanganya Y’olimu Ya Ngɔngɔ Ka Tanu
DIEWOYELO: Olimu Aso wa Diolelo ayongaka l’ekongelo ka Losanganya lɔmɔtshi l’Olimu lomingu tshɛ lo nshi ya losanganya. Tshumanelo kadiotshikitanya ekongelo kakɔ lo woho wahombama lam’eyawɔ ɔnɛ wayɔtɔ lo Losanganya la Distrikɛ lele l’ɔtɛ a dui ɔnɛ: “Ɔtɛkɛta wa Prɔfɛsiya Waki Nzambi” ndo wayosala ovuswelo w’awui w’ohomba efula wakatama lo losanganya lakɔ l’edja ka taahe 30 lo Losanganya l’Olimu layosalema lomingu layela. Anangɛso asato wahokɔ akambo efula wayotasɔnami k’ɔmɔ woho wa vɔ sɔna tokanyi toleki ohomba ko vɔ ndjosala ovuswelo ɔsɔ w’alako wakashama lushi la lushi l’assemblée. Ovuswelo ɔsɔ wayosalema dimɛna ayokimanyiya ase etshumanelo dia vɔ mbohɔ awui w’ohomba wakokawɔ ndjaɔtɔnganyiya lawɔ ndo kamba lawɔ l’esambishelo. Kɔmatɛrɛ tshɛ y’ampokami ndo awui wakasalema wakawate lɛkɔ kawotami lo tshena pe ndo loshika.
Lomingu la Ngɔndɔ ka Tanu 3
Taahe 8: Waewoyelo. Waewoyelo wendana l’Olimu Aso wa Diolelo. Nsango ya Teokrasi.
Taahe 17: “Tetsha Anto Akina Woho wa Vɔ Ndjakondjiyɛ Ɛlɔlɔ.” Sala mbɔtwɛlɔ kahakoke kânga yaahe ɔtɔi, l’ɔkɔngɔ ko wɛ ndjeta lo wembola la ekadimwelo. Kamba la tshapita 13 ya dibuku Ewo ko wɛ mɛnya woho wakondja anto ɛlɔlɔ lo mbeka Bible, lo kimana fundo ndo lo kamba l’awui wa lɔkɔ.
Taahe 20: “Toho Takokayɛ Fudia Olimu Ayɛ.” Dikumanyi pende wakɛtshanya sawo sɔ lo kadimola wembola wôka ampokami. Opandjudi ɔtɔi w’ɔlɔngɔlɔngɔ, wadi l’omi amɔtshi, ndo ɔnangɛso lambolongola pasiɔ wambole dikumanyi lo kɛnɛ kendana la toho takokawɔ fudia olimu awɔ. Wambowasha alako w’amɛna efula l’ekimanyielo ka sawo diakɔ ndo oma lo tshapita 9 ya dibuku Notre ministère, lɛkɛ 116-18, lo mbika epole ɔsɛkɛ lo dimbola nɛ: “Naa Eyango wa lo Nyuma Wele Layɛ?” Apandjudi wambɛnya woho wangɛnangɛnawɔ alako washa la Société lo woho wakoka onto sala ekongelo ko fudia olimu ande aha la tshimbatshimba.
Osambu 11 ndo dɔmbɛlɔ dia ndjihelo.
Lomingu la Ngɔndɔ ka Tanu 10
Taahe 10: Waewoyelo. Alapɔlɔ wa falanga.
Taahe 15: Ayoyotsha lo nshi ya nsanganya na? Nkumbo kɛmɔtshi kekɔ lo kɛtshanya lo kɛnɛ kendana la tɛdikɔ tɔsawɔ dia mbɔtɔ lo losanganya la woke, kamba oko ambatshi mboka wa tshanda, ntshɔ lo vakashi kana tasɛnyaka washo. (Enda l’Olimu Aso wa Diolelo wa Ngɔndɔ ka Tanu 1998, lɛkɛ 7.) Wekɔ lo kɛtshanya woho wakokawɔ kongɛ awui ndo sambisha lo tshakitudi ndo wekɔ lo mɛnya woho wa tatɛ sawo. Vɔ wekɔ lo tɛtɛ l’ohomba wa tetemala la wekelo wa Bible w’onto ndamɛ ndo wa lo nkumbo, dia mbɔtɔka lo nsanganya lam’atshɔwɔ l’oseka dihole tshɛ ndo tomaka alapɔlɔ w’olimu w’esambishelo l’etshumanelo kawɔ. Ase nkumbo wekɔ lo mbohɔ awui w’ɛlɔlɔ wakawɛnyi lam’akawatshu tênda tshumanelo dimɔtshi ndo ɔngɛnɔngɛnɔ waki lawɔ. Vɔ wekɔ lo menda toho takokawɔ nongolaka anto waya l’etshumanelo kawɔ.
Taahe 20: “Losanganya la Distrikɛ 1999 ‘Ɔtɛkɛta wa Prɔfɛsiya Waki Nzambi.’ ” (Odingɔ 1-16) Wembola la ekadimwelo. Adia odingɔ 6, 8, 11 ndo 16. Tɛtɛ lo bonde kahombaso mbɔtɔ lo losanganya lɔsɔ l’otondo, kâmɛ ndo Lushi la Tanu. Ɛnya ohomba w’alako waki la Société watotɛ di’onto tshɛ ndjaka la yangɔ yande ya ndɛ lo losanganya lushi tshɛ.
Osambu 19 ndo dɔmbɛlɔ dia ndjihelo.
Lomingu la Ngɔndɔ ka Tanu 17
Taahe 10: Waewoyelo.
Taahe 15: “Totakongɛki Akambo la Ntondo!” Dako diavusola elimu tshɛ wa teokrasi wayotshama l’etshumanelo lo ngɔndɔ yayela. Keketsha onto tshɛ dia funda adatɛ akɔ lo alamanaka awɔ ndo aha tshika dia akambo akina mbekama l’atei.
Taahe 20: “Losanganya la Distrikɛ 1999 ‘Ɔtɛkɛta wa Prɔfɛsiya Waki Nzambi.’ ” (Odingɔ 17-24) Wembola ndo ekadimwelo. Adia odingɔ 18-21. Kamba l’avɛsa woshilami ndo wofundami dia mɛnya bonde kahombaso mbidja yimba efula l’ɔlɔtɔ aso, lo ɔlɔngɔswɛlɔ aso wa divo ndo lo lɔkɛwɔ laso.
Osambu 29 ndo dɔmbɛlɔ dia ndjihelo.
Lomingu la Ngɔndɔ ka Tanu 24
Taahe 10: Waewoyelo. Ewoya tɛdikɔ ta lânde tambɔsama di’olimu w’esambishelo.
Taahe 15: Ekadimwelo lo Wembola Anyu. Dako oma l’ekumanyi kɛmɔtshi.
Taahe 20: Onde Tekɔ lo Mbisha Lonya l’Olimu Wakakitola Anto? Dako diahɛtahɛta oma le omendji w’olimu. Diɔ tomba oma lo Tshoto y’Etangelo ya Ngɔndɔ k’Esambele 1, 1997, lɛkɛ 30-1.
Osambu 32 ndo dɔmbɛlɔ dia ndjihelo.
Lomingu la Ngɔndɔ ka Tanu 31
Taahe 15: Waewoyelo. Ohola onto tshɛ dia kimɔ alapɔlɔ ande w’olimu wa Ngɔndɔ ka Tanu. Nyênde ekanda wayonyosha anto lo Ngɔndɔ ka Samalo. Lam’ashanyu anto dibuku Ewo, kanyâlɛkɛ ndo dibuku dimɔtshi di’edjedja dia ndjɛkɛ 192 diele lo lɔkɔtɔ l’etshumanelo. Nyosale wɛnyɛlɔ ɔmɔtshi wa wɔdu ndo mbuta woshasha walɔmbama.
Taahe 15: Ehomba wa l’etshumanelo.
Taahe 15: Lo Na Ele Ɔtɛmwɛlɔ Ami Kɔlɔ? Ɔkɛtshanyelo lam’asa ekambi ehende w’olimu. Sho pomanaka l’anto efula wetawɔ akambo wa mɛtɛ ndo wangɛnangɛna Ɛmɛnyi wa Jehowa. Koko, ngandji kokawɔ ɛtɛmwɛlɔ awɔ mbashimbaka. Vɔ mbokaka wolo mbetawɔ ɔnɛ sho mbele l’ɔtɛmwɛlɔ wa mɛtɛ ndo ɔnɛ ɛtɛmwɛlɔ awɔ wekɔ kashi. Kɛsɔ mbaleka mbâshimba dia vɔ pama lo nyuma. Anangɛso wambovusola akambo asamalo wele lo lɛkɛ 398-9 la dibuku Comment raisonner wɛnya hwe bonde kahayele ɛtɛmwɛlɔ ekina Bible. Keketsha ampokami dia kamba l’akambo asɔ la yêwo tshɛ dia vɔ kimanyiya anto wele l’etema w’ɔlɔlɔ dia vɔ menda ɔlɔlɔ akambo wetawɔ ɛtɛmwɛlɔ awɔ.
Osambu 50 ndo dɔmbɛlɔ dia ndjihelo.