Nsanganya y’olimu ya ngɔndɔ k’esambele
Lomingu la ngɔndɔ k’esambele 5
Taahe 10: Waewoyelo. Waewoyelo w’oma l’Olimu Aso wa Diolelo. Sha alapɔlɔ w’olimu wa Ngɔndɔ ka Sato wa lo Congo-Kinshasa la Congo-Brazzaville ndo wa l’etshumanelo kanyu.
Taahe 20: “Tɔlɔmbɛ Ekimanyielo ka Jehowa.” Sala mbɔtwɛlɔ kahakoke kânga yaahe ɔtɔi, ko wɛ ndjeta lo wembola la ekadimwelo. Lembetshiya woho wele alɔmbɛlɔ wotshikitanyi wa l’otema ɔtɔi wekɔ ohomba efula dia sho tondoya olimu aso w’esambishelo. Lɔmba ampokami dia vɔ kɔndɔla awui wakâkomɛ wɛnya woho wakawakimanyiyama l’olimu awɔ w’esambishelo oma l’alɔmbɛlɔ wasalema wonya wahombama.—Enda lo Tshoto y’Etangelo ya Ngɔndɔ ka Dikumi 15, 1996, lɛkɛ 32 (lo Falase).
Taahe 15: Tokambe Dimɛna la Tobukubuku. Dako ndo wɛnyɛlɔ. Lembetshiya bonde kele tobukubuku tekɔ dihomɔ di’ohomba efula l’olimu aso w’esambishelo. Tɔ tekɔ l’asawo wangɛnyangɛnya anto efula, ndo l’ɛtɛ w’awui watɛkɛta akambo lo tshena pe ndo nembetshiyaka wetshelo w’oma l’Afundelo lo yoho ya wɔdu efula. Ta tobukubuku tayotosha anto ngɔndɔ kɛnɛ ndo ɛnya tɔnɛ taleka sungana lo mbilo kanyu. Lɔngɔsɔla wɛnyɛlɔ ehende kana esato wotumbi oma lo tokanyi tele l’ɛse k’ɔtɛ a dui wata ɔnɛ “Présentations” lo Index des publications de la Société.
Osambu 181 ndo dɔmbɛlɔ dia ndjihelo.
Lomingu la ngɔndɔ k’esambele 12
Taahe 10: Waewoyelo. Alapɔlɔ wa falanga.
Taahe 15: “Tayokondja Ɔngɛnɔngɛnɔ Naka Sho Ndjalɔngɔsɔlaka la Ntondo.” Dako ndo ɛkɔnya. Lembetshiya lande na kele ɔlɔngɔswɛlɔ ekɔ ohomba l’olimu w’esambishelo ndo nganɛ watokimanyiyawɔ dia monga l’ɔngɛnɔngɛnɔ efula l’olimu wakambaso. (Enda lo dibuku Manuel pour l’École, lɛkɛ 39, odingɔ 1-3.) Kɔnya apandjudi ahende kana asato wakoka dia vɔ kɔndɔla woho wayalɔngɔsɔlawɔ la ntondo ka ntshɔ otsha l’esambishelo ndo woho wâkimanyiya dikambo sɔ. Kɔndɔla dikambo diele lo Tshoto y’Etangelo ya Ngɔndɔ ka Nɛi 15, 1993, lɛkɛ 30 lo mɛnya yoho y’ɔlɔlɔ ya kamba la dibuku Comment raisonner lam’ayalɔngɔsɔlaso otsha l’esambishelo.
Taahe 20: “Tosembɔ Tɔ lo Dikambo!” Ɔkɛtshanyelo l’ampokami ndo wɛnyɛlɔ. Vusola lokanyi tshɛ lendana la kɛnɛ kahombaso mbuta di’ɔtɛkɛtshi aso tohokamɛ. Lɔmba apandjudi wa tomanamana dia vɔ mɛnya mbɔtwɛlɔ efula yele l’etombelo w’amɛna. Lɔmba ampokami dia vɔ mbisha tokanyi tokina ndo kɔndɔla akambo amɔtshi washa ekeketshelo wɛnya kɛnɛ kakoka salema mɛtɛ lo mbilo kanyu.
Osambu 183 ndo dɔmbɛlɔ dia ndjihelo.
Lomingu la ngɔndɔ k’esambele 19
Taahe 10: Waewoyelo.
Taahe 15: Ehomba wa l’etshumanelo.
Taahe 20: Onde Dimi Pombaka Mbɔtɔ l’Ɔlɔngɔswamelo Ɔmɔtshi? Ɔkɛtshanyelo l’ampokami l’awui w’oma lo dibuku Comment raisonner, lɛkɛ 270-4. Mbala efula sho pomanaka l’anto wetawɔ losango la Diolelo koko tonaka ‘mbɔtɔ’ l’ɔlɔngɔswamelo ɔmɔtshi w’ɔtɛmwɛlɔ. Nyovusole kɛnɛ kelɛwɔ “ɔlɔngɔswamelo” ndo awui esambele wakokaso mbeya ɔlɔngɔswamelo wɛnama waki Jehowa. Lembetshiya nganɛ wotshikitanyi ɔlɔngɔswamelo waki Jehowa l’ekina ndo woho wakoka anto kondja ɛtshɔkɔ mɛtɛ lo mbɔtɔ l’ɔlɔngɔswamelo akɔ.
Osambu 189 ndo dɔmbɛlɔ dia ndjihelo.
Lomingu la ngɔndɔ k’esambele 26
Osambu 184
Taahe 15: Waewoyelo. Ohola anto tshɛ dia vɔ kimɔ alapɔlɔ w’olimu wa Ngɔndɔ k’Esambele. Ekadimwelo lo Wembola Anyu.
Taahe 10: “Ekongelo ka Losanganya l’Otshimbedi Layaye.” Dako. Ewoya datɛ diayonga losanganya lokina l’otshimbedi. Keketsha eyoyo dia vɔ kana yimba lo dikambo dia batismu. Keketsha anto tshɛ dia vɔ mbɔtɔ lo tenyi diakɔ tshɛ dia losanganya.
Taahe 20: Onde Tekɔ lo Mbetɛ Anto Ambeki? Omendji w’olimu akɛtshanya l’okambi w’olimu ɔtɔi kana ahende awui w’oma lo Tshoto y’Etangelo ya Ngɔndɔ ka Hende 15, 1996 (lo Falase), lɛkɛ 19-22. Ka epole ɔsɛkɛ lo woho wɛnya Afundelo bonde kahombaso nyanga anto wetawɔ losango laso ndo mbaetɛ ambeki. (Mat. 10:11) Vɔ wekɔ anto wakuma akumu lo menda awui wa kɔlɔ ndo wa mindo wasalema l’ahole wodjashiwɔ ndo walanga nyanga Jehowa la ntondo ka lushi la kɛlɛ kande ndja. (Ezek. 9:4; Zef. 2:2, 3) L’atei awɔ mbele ‘ndo wanɛ wasungana kondja lɔsɛnɔ la pondjo.’ (Etsha 13:48) Ɔkɛndɛ aso ele: mbetɛ anto ambeki, ndo mbaetsha kɛnɛ tshɛ kakadjanga Yeso. (Mat. 24:14; 28:19, 20) Kânga mbakokaso ntondo memula saki k’anto wahomana la so lo esambishelo ka lo luudu la luudu, ka lo tshakitudi, ndo ka l’ɛsɛsɛ , olimu aso wa mbetɛ anto ambeki salemaka lo totetemala la mbâsambisha lo kawolaka dia towaenda ndo lo mbeka la wɔ Bible. Ka epole ɔsɛkɛ l’alako wendana la woho wakokaso ntsha dikambo sɔ.
Osambu 14 ndo dɔmbɛlɔ dia ndjihelo.