Nsanganya y’olimu ya ngɔndɔ ka Dikumi l’ɔtɔi

Lomingu la ngɔndɔ ka Dikumi l’Ɔtɔi 1

Osambu 156

Taahe 10: Waewoyelo. Waewoyelo w’oma l’Olimu Aso wa Diolelo. Vusola sawo diele l’ɔtɛ a dui ɔnɛ “Enda Nkudu Kele la Bible!”

Taahe 15: “Olimu w’Esambishelo Totshikitanyaka l’Anto Akina.” Sala mbɔtwɛlɔ kahakoke kanga yaahe ɔtɔi, l’ɔkɔngɔ ko wɛ ndjeta lo wembola la ekadimwelo. L’ekimanyielo ka dibuku Ewo, lɛkɛ 173, odingɔ 8, kɔndɔla lo tshena pe kɛnɛ kakokaso mbuta dia keketsha ombeki wa Bible dia nde lawɔ ndjomɛ sambisha.

Taahe 20: “Akoka Mbetawɔ Sho Mbeka la Nde Bible?” Dako ndo waɛnyɛlɔ. Lo ndjela odingɔ 4, ɛnya toho totshikitanyi ta nomialomia nsaki k’onto dia mbeka akambo wele l’ekanda wakiso. Lɔngɔsɔla waɛnyɛlɔ ehende wa tomondo lo mɛnya nganɛ wakoka dikambo sɔ salema. Lɔmba ampokami dia vɔ kɔndɔla nganɛ wakawamɛ mbeka l’anto Bible lo ntsha ngasɔ.

Osambu 198 ndo dɔmbɛlɔ dia ndjihelo.

Lomingu la ngɔndɔ ka Dikumi l’Ɔtɔi 8

Osambu 204

Taahe 10: Waewoyelo. Alapɔlɔ wa falanga.

Taahe 15: Ekadimwelo lo Wembola Anyu. Dako. Ewoya tɛdikɔ tambɔsa etshumanelo kanyu dia mbetɛka Mbalasa ka Diolelo pudipudi.

Taahe 20: “Ayoyotɛ Ose Mizilima Na?” Wembola ndo ekadimwelo. Tɛtɛɛ ohomba wa monga la shɛnɔdi wonya wasawolaso l’anto wele la mbekelo ya woho okina. Nyosale ɛnyɛlɔ kɛmɔtshi kɔlɔngɔswami dimɛna efula. Dia wɛ mbeya akambo efula wendana l’ase Mizilma, enda lo dikatshi di’okotsha di’Olimu Aso wa Diolelo wa Ngɔndɔ ka Sato, 1998; dibuku Comment raisonner lɛkɛ 23-24; ndo lo dibuku L’humanité à la recherche de Dieu, tshapita 12.

Osambu 208 ndo dɔmbɛlɔ dia ndjihelo.

Lomingu la ngɔndɔ ka Dikumi l’Ɔtɔi 15

Osambu 211

Taahe 8: Waewoyelo. Ewoya tɛdikɔ ta lânde tambɔsama lo kɛnɛ kendana l’olimu w’esambishelo. Sha alapɔlɔ w’olimu wa Ngɔndɔ k’Esambele wa lo Congo-Kinshasa la Congo-Brazzaville ndo wa l’etshumanelo kanyu.

Taahe 25: Ehomba wa l’etshumanelo ndo sawo diele l’ɔtɛ a dui ɔnɛ: “Lam’akambɛ l’Internet​—⁠Onga la Yewo!” Wembola la ekadimwelo oma l’odingɔ 1 polo 18. Adia odingɔ 4-7, 12, 16, 17. Keketsha anto tshɛ dia vɔ ndjâlɔngɔsɔla dimɛna lo ɔkɛtshanyelo wa lomingu laye oma l’odingɔ 19 polo 36.

Taahe 12: Ambutshi: Onde Nyu Nɔmbɔlaka Wekelo wa lo Nkumbo Mbala la Mbala? Dako ndo ɔkɛtshanyelo l’ampokami. Lembetshiya ohomba wa nkumbo mbekaka kâmɛ. (Enda lo Manuel pour l’École, lɛkɛ 36-37.) Ta wekamu ɛmɔtshi wahomana l’ambutshi lo kɛnɛ kendana la wekelo wa lo nkumbo: (1) vɔ fɔnyaka ɔnɛ ana weke akɛnda efula, ko watakoke kondja wahɔ oma lo wekelo ɔsɔ, (2) vɔ fɔnyaka ɔnɛ kɛnɛ kele ohomba ele mbɔtɔka la wɔ lo nsanganya kete ambokoka, (3) ɔlɛmbɛlɔ mbeyaka mbashimba dia ntsha wekelo akɔ, la naka (4) wamboyasha lo wendelo wa televiziɔ. (Enda lo Tshoto y’Etangelo ya Ngɔndɔ ka Tanu 15, 1994, lɛkɛ 11-12.) Lɔmba papa ya nkumbo dia vɔ kɔndɔla nganɛ wakokawɔ tondoya wekamu ɛsɔ lo ntshaka wekelo wa lo nkumbo mbala la mbala. Tɛtɛwɔ ɔnɛ dikambo sɔ nɔmbaka dia monga l’etete ndo kamba kâmɛ.

Osambu 217 ndo dɔmbɛlɔ dia ndjihelo.

Lomingu la ngɔndɔ ka Dikumi l’Ɔtɔi 22

Osambu 158

Taahe 10: Waewoyelo ndo akambo weta l’esambishelo.

Taahe 10: Ngande Wɔsayɛ Ɛkɛndɛ Wakoshawɔ? Dako oma le ekumanyi kɛmɔtshi. Ekɔ akambo efula w’ohomba walɔmbama di’etshumanelo kɛndakɛnda dimɛna: nɔngɔsɔla asawo wayoshama; mbelɛka anto akina oya lo nsanganya kana otsha l’olimu w’esambishelo; kimanyiya wanɛ waya epalanga; mɔmba kana sola Mbalasa ka Diolelo; kilɔngɔsɔla, kilamaka ndo nɔngɔsɔlaka odihe. Ngande watoyotshaka lam’akɔlɔmbawɔ ekimanyielo? Amɔtshi mbeyaka tona, mbetawɔ la sɔnyi, kana mɔmba tshinyi mɔtshi tsho aha la shidiya. Lembetshiya bonde kele mbetawɔ ɔkɛndɛ ɔmɔtshi ndo mbokotsha ekɔ diɛsɛ di’ɔngɛnɔngɛnɔ. Keketsha anto tshɛ wa l’etshumanelo dia vɔ monga la yimba ya ndjâkimɔka la lolango.​—⁠Osam. 110:3; Is. 6:⁠8.

Taahe 25: Ehomba wa l’etshumanelo ndo sawo diele l’ɔtɛ a dui ɔnɛ: “Lam’akambɛ l’Internet-Onga la Yewo!” Oma l’odingɔ 19 polo 36. Adia odingɔ wa 23 polo 25 ndo odingɔ wa 34 polo 36.

Osambu 223 ndo dɔmbɛlɔ dia ndjihelo.

Lomingu la ngɔndɔ ka Dikumi l’Ɔtɔi 29

Osambu 215

Taahe 10: Waewoyelo. Ohola apandjudi dia vɔ kimɔ alapɔlɔ awɔ w’olimu wa Ngɔndɔ ka Dikumi l’Ɔtɔi.

Taahe 15: Keketsha Eyoyo dia Vɔ Mbɔtɔka lo Nsanganya. Ɔkɛtshanyelo lam’asa ekumanyi kɛmɔtshi la ekambi ehende w’olimu kana ɔtɔi, oma lo biukubuku yele l’ɔtɛ a dui ɔnɛ Sala Lolango la Nzambi, lɛkɛ 14-15. Ɛnya bonde kele ekɔ ohomba eyoyo mbɔtɔka lo nsanganya. Lɛkɔ mbayowotokondja wetshelo, ekeketshelo ndo ekimanyielo lo yɛdikɔ y’efula. Vusola nsanganya tshanu yasalema lomingu tshɛ ndo lembetshiya wahɔ wakondjaso oma lo losanganya la losanganya. Ɛnya nganɛ watokimanyiya nsanganya dia monga la lɔkɛwɔ l’ɔlɔlɔ, dia keketshanya lo nyuma, tokotola oya l’ɔlɔngɔswamelo, tokimanyiya dia sho mbekesanɛ l’anto akina, ndo tokimanyiyaka dia sho mbeya oyango w’olimu aso. Keketsha ampokami dia vɔ kamba la biukubuku shɔ dia keketsha eyoyo dia vɔ ndjâka lo nsanganya.

Taahe 20: Tambɔsɔna Traduction du monde nouveau. Dako ndo waɛnyɛlɔ. Ɔtɛmwɛlɔ wakiso tshikitana l’ekina tshɛ nɛ dia sho tondjaka, kambaka ndo kahɛka anto ekadimwelo ka Bible kakatondja atɛmɔdi wa Jehowa wele akitami w’esɔ. Oyango aso kema wa kondja falanga kana pandjola wetshelo wele oko taato tɔmɔtshi t’ɛtɛmwɛlɔ. Koko kɛnɛ katotshutshuya ele saki kaso ka nɛmiya lokombo la Nzambi ndo kimanyiya anto akina dia vɔ mbêya dimɛna. Dikadimwelo dikina di’Ɔtɛkɛta waki Nzambi diekɔ wolo mboka. Ɔnkɔnɛ, ɛnya ɛlɔlɔ wakondjaso oma lo Traduction du monde nouveau. (Enda lo “Toute Écriture,” lɛkɛ 327-331. Ɛnya kɔmatɛrɛ yele l’odingɔ 3, tɛtɛɛ lo bɛnyɛlɔ diele l’odingɔ 6, diɛnya yoho y’ɔlɔlɔ yakakadimwama Bible kɛsɔ ndo ka epole ɔsɛkɛ l’ɛlɔlɔ wakokaso kondja lo ndjela odingɔ 22-23.) Lɔngɔsɔla waɛnyɛlɔ ehende wɛnya kɛnɛ kakokaso ntsha lam’ata anto akina ɔnɛ: “Nyu nyekɔ la Bible kanyu hita.”​—⁠Enda lo dibuku Comment raisonner, lɛkɛ 411.

Osambu 205 ndo dɔmbɛlɔ dia ndjihelo.