Ekongelo ka losanganya l’olimu
DIEWOYELO: Tatɛ oma lo numɛlɔ kɛnɛ k’Olimu Aso wa Diolelo, Ekongelo ka Losanganya l’Olimu kayewoyaka ekongelo ka lomingu la ntondo la Losanganya l’Olimu la ngɔndɔ kayela. Otshikitanu ɔsɔ wamonga dia mbewɔ yema y’otshimbotshimbo yakoka monga l’otomelo w’Olimu Aso wa Diolelo lo ndjela yɛdikɔ y’oyoyo yambɔsama lo kɛnɛ kendana la dikambo sɔ.
Lomingu la ngɔndɔ ka dikumi l’ahende 6
Osambo 207
Taahe 10: Waewoyelo. Waewoyelo w’oma l’Olimu Aso wa Diolelo.
Taahe 15: “Tokoya Jehowa lo Woho Wende Kema la Shɔnɔdi.” Sala mbɔtwɛlɔ kahakoki kânga yaahe ɔtɔi ko wɛ ndjêta lo wembola l’ekadimwelo. Lembetshiya elɛwɔ aha monga la shɔnɔdi, nganɛ wɛnya Jehowa dionga sɔ ndo nganɛ wakokaso dikɛnɛmɔla l’olimu aso w’esambishelo.—Enda lo Étude perspicace, Dibuku 1, lɛkɛ 1175, odingɔ 8, lɛkɛ 1176, odingɔ 3.
Taahe 20: “Onde Tambokaka Dikambo Sɔ?” Dako ndo ɔkɛtshanyelo l’ampokami. Lɔmba ampokami dia vɔ mbuta woho wele ovuswelo w’akambo akâkimanyiya dia vɔ ngɛnangɛna ndo ndeka mana akambo wa mɛtɛ fundo.—Enda lo Tshoto y’Etangelo ya Ngɔndɔ k’Esambele 15, 1995, lɛkɛ 21-22 ndo ya Ngɔndɔ k’Enanɛi 15, 1993, lɛkɛ 13-14, odingɔ 10-12 (lo Falase).
Osambo 218 ndo dɔmbɛlɔ dia ndjihelo.
Lomingu la ngɔndɔ ka dikumi l’ahende 13
Osambo 168
Taahe 10: Waewoyelo. Alapɔlɔ wa falanga. Sha alako wɛnya nganɛ wakokaso kadimola la loshilambo naka onto ambotokombolɛ fɛtɛ k’ɔlɔlɔ. Naka abuku wa Onto Loleki Woke kana Le grand Enseignant wekɔ lo lɔkɔtɔ l’etshumanelo, ko wɛ mɛnya nganɛ wakokaso kamba lawɔ dimɛna l’esambishelo lo nshi ya fɛtɛ ka Nɔɛlɛ.
Taahe 15: “Kalasa k’Olimu wa Teokrasi ka lo 2000.” Dako oma le ɔnɔmbɔdi wa Kalasa. Nyovusole etshikitanu wayela ɛnɛ wendana l’ekongelo k’ɔnɔnyi w’oyoyo. Sawo No. 3 diayɔsamaka oma lo “Awui wa lo Bible wa Sawolaka l’Anto” oko watanemawɔ lo Traduction du monde nouveau. Sawo No. 4 diayendanaka paka l’onto ɔmɔtshi la lo Bible, awui w’onto akɔ tanemaka lo Étude perspicace des Écritures, ndo lo ngɔndɔ shato y’ekomelo ya l’ɔnɔnyi diɔ diayɔsamaka oma lo “Awui wa lo Bible wa Sawolaka l’Anto.” Endaka nyambɛna djembetelo nyɛ (#) amboyelana la shifidi, lâsɔ kete ayosungana mbisha ɔnangɛso sawo diakɔ. Keketsha anto tshɛ dia vɔ tetemala la wadielo awɔ wa Bible wa lomingu la lomingu ndo dia kotshaka ɛkɛndɛ awɔ l’ɔngɛnɔngɛnɔ lo kalasa.
Taahe 20: “Ayoyotɛ Onto Lahetawɔ ɔnɛ Nzambi Ekɔ Na?” Wembola la ekadimwelo. Vusola ɛkɔkɔ efula wamboshisha anto mbetawɔ le Nzambi. Ɛnya toho tɔmɔtshi takokaso sawola la wɔ, lo mbakimanyiya dia mɛna awui wɛnya dia Nzambi ekɔ. Lɔngɔsɔla ɛnyɛlɔ ɔtɔi kana bɛnyɛlɔ pende. Dia wɛ mbeya awui efula, enda lo dibuku Comment raisonner, lɛkɛ 106-112, ndo lo L’humanité à la recherche de Dieu, tshapita 14.
Osambo 220 ndo dɔmbɛlɔ dia ndjihelo.
Lomingu la ngɔndɔ ka dikumi l’ahende 20
Osambo 219
Taahe 10: Waewoyelo. Apandjudi wakɔndɔlɛ awui amɔtshi w’amɛna wêke ka pomana la wɔ l’esambishelo.
Taahe 15: Woho Wokokiyɛ Mbekola Wekamu. Ɔkɛtshanyelo l’ampokami ndo bɛnyɛlɔ. Adia “Waewoyelo” lo lɛkɛ 7-8 la biukubuku Woho wa Tatɛ. Ɔsa asawo ahende kana asato oma l’etenyi kata ɔnɛ “Woho Wakokayɛ Mbekola Wekamu” oma lo lɛkɛ 8-16, kana wɛ kamba l’asawo akina wendana l’ekakatanu wahomana lanyu l’ɛtshi kanyu ka nkɛtɛ. Nyovusole ekadimwelo ɛmɔtshi woshami, ndo nyende nganɛ wakokawɔ nyokimanyiya l’ɛtshi kanyu ka nkɛtɛ. Lɔngɔsɔla bɛnyɛlɔ dimɔtshi ko ditsha lo tshena pe. Lɔmba ampokami dia vɔ kɔndɔla ekadimwelo wakakambe lawɔ ndo wakawakondja etombelo w’ɔlɔlɔ.
Taahe 20: Onde Dimi Kokaka Mbetawɔ Kamba Olimu Ɔmɔtshi l’Atei w’Ɔtɛmwɛlɔ Ɔmɔtshi wa l’Andja Ɔnɛ? Dako oma le ekumanyi kɛmɔtshi, dako diotumbi oma lo Tshoto y’Etangelo ya Ngɔndɔ ka Nɛi 15, 1999, lɛkɛ 28-29 (lo Falase). Anto amɔtshi waketawɔ weho w’elimu ɛsɔ, koko l’ɔkɔngɔ diko wakayɛnaka dia kɛnɛ kakiwɔ lo ntsha kɔmbɔtɔnɛka l’awui wa lo Bible. Nyovusole akambo amɔtshi wahomba sɛdingɔma lam’ɔsaso yɛdikɔ ya kamba olimu ɔmɔtshi wa l’emunyi wele ekɔ la losambi l’ɛtɛmwɛlɔ. Keketsha anto tshɛ dia vɔ ndjela mboka kɛnɛ kakokawɔ mbetawɔma le Jehowa.—2 Kor. 6:3, 4, 14-18.
Osambo 109 ndo dɔmbɛlɔ dia ndjihelo.
Lomingu la ngɔndɔ ka dikumi l’ahende 27
Osambo 166
Taahe 10: Waewoyelo. Naka etshumanelo kanyu kayotshikitanya wenya wa nsanganya l’ɔnɔnyi ɔnɛ w’oyoyo, kete keketsha anto tshɛ la ngandji dia vɔ tetemala ndjâka nshi tshɛ lo nsanganya lo wonya w’oyoyo wambɔsɔnama. Nyewoya ambeki aso wa Bible kâmɛ l’anto anɛ wayasha lo kɛnɛ kendana l’otshikitanu tshɛ wambosalema, ndo nyome kamba l’akatshi wa leeta dia nyu mɛnya anto ekongelo k’oyoyo. Ohola anto tshɛ dia vɔ kimɔ alapɔlɔ awɔ w’olimu w’esambishelo wa Ngɔndɔ ka Dikumi l’Ahende.
Taahe 15: Ehomba wa l’etshumanelo.
Taahe 20: Nyosha Anto Abuku w’Edjedja lo Ngɔndɔ ka Ntondo. Dako ndo bɛnyɛlɔ. Ɛnya anto abuku ahende kana asato w’edjedja wa ndjɛkɛ 192 wakatombe la ntondo ka 1986 wele lo lɔkɔtɔ, ndo keketsha apandjudi dia vɔ mbɔsa abuku amɔtshi otsha l’olimu w’esambishelo. (Naka abuku asɔ bu, ko nyu kɛtshanya kɛnɛ kakokanyu mbisha anto lo Ngɔndɔ ka Ntondo.) Lembetshiya bonde kele ekanda ɛsɔ w’edjedja wêke ohomba dia nomialomiaka saki k’anto oya lo Bible. Lo dibuku tshɛ, tɛkɛta awui ndo esato wakoka kamba lanyu dia mbeya tatɛ sawola l’anto. Lɔngɔsɔla ɛnyɛlɔ ɔtɔi kana bɛnyɛlɔ pende. Naka onto ambɛnya saki, wɛ mbeyaka kamba la biukubuku Katɔlɔmba dia tatɛ mbowetsha Bible.
Osambo 224 ndo dɔmbɛlɔ dia ndjihelo.
Lomingu la ngɔndɔ ka ntondo 3
DIEWOYELO: Tshumanelo hadiohombe sɛkɔla Losanganya lawɔ l’Olimu la Ngɔndɔ ka Ntondo 3 ko liɔtɔ kɔɔlɔmɔ onyake kana nyambolongola omendji w’otshimbedi lo lomingu la lânde l’etshumanelo kanyu.
Taahe 8: Waewoyelo.
Taahe 17: Paka Mbeya Woho wa Kadimola Onto. (Kol. 4:6) Dako ndo ɔkɛtshanyelo l’ampokami. Dibuku Comment raisonner kana biukubuku Woho wa Tatɛ ekɔ dihomɔ di’amɛna efula dia nɔngɔsɔla mboka woho wa tatɛ sawola l’anto akambo wa mɛtɛ wa lo Bible. Naka ɔtɛkɛtshi aso ambotona dikambo dimɔtshi dietawɔso, kete ondo sho kokaka kamba l’awui anɛ wata ɔnɛ “Etena Kata Onto ate. . . “ l’ekomelo k’etenyi kendana l’akambo wetawɔso. Nyɔkɛtshanya awui wendana la Bible wele lo lɛkɛ 64-68, la dibuku Comment raisonner ndo nyende bonde kele alako wotoshawɔ l’etenyi kɛsɔ kokaka monga l’etombelo w’ɔlɔlɔ.
Taahe 20: “Wanɛ Wakitanyiya Ɔtɛkɛta wa Nzambi”—Losanganya la Distrikɛ l’Ɛmɛnyi wa Jehowa la lo 2000. Sekeletɛlɛ ayɔlɔmbɔla etenyi kɛnɛ ka lo dikatshi di’okotsha la wembola ndo ekadimwelo. Ntondotondo, adia mukanda wa Ngɔndɔ ka Dikumi l’Ahende 15, 1999, wendana l’ɛkɛndɛ wakokaso monga lawɔ lo losanganya. Kamba l’avɛsa woshilami dia mɛnya bonde kele sho tshɛ pombaka ndjela alako waki la Société lo na ndo lo na. Tɛtɛ dia ekɔ ohomba onto tshɛ tayalɔngɔsɔdi dia mbɔsa kɔnje la ntondo diaha pandja lushi lɔmɔtshi la losanganya, mbidja ndo Lushi la Tanu. Kawoya anangɛso l’akadiyɛso losaka lo woho wayelawɔ tɛdikɔ taki la Société.
Osambo 56 ndo dɔmbɛlɔ dia ndjihelo.