Waewoyelo
◼ Ekanda wayotosha anto lo Ngɔndɔ ka Ntondo: Dibuku tshɛ diele la ndjɛkɛ 192 diakatombe la ntondo ka 1986 diatanema lo lɔkɔtɔ l’etshumanelo. Tshumanelo diele bu l’abuku asɔ mbeyaka kamba la Kokaka We Monga la Loseno la Pondjo lo Paradiso ka la Kete kana La vie : comment est-elle apparue ? Évolution ou création ? Ngɔndɔ ka Hende: Sheke y’Ɔngɛnɔngɛnɔ wa lo Nkumbo.
◼ Lo Ngɔndɔ ka Tondo la ka Hende tshumanelo dia lo Katanga diayokahɛ anto tobukubuku tɔnɛ: Nyuma ya Wavɔ la Les Témoins de Jéhovah du XXe siècle. Vɔ wayosala kɔmandɛ kawɔ lo dépôt dia la Lubumbashi.
◼ Tambɔlɔmba waa sekeletɛlɛ dia fundaka mikanda tshɛ watomɛwɔ bilɔ ka Bɛtɛlɛ lo Falase, onyake kana ndoko ekumanyi keya funda lo Falase.
◼ Apandjudi tshɛ wambobatizama wayotanema lo Losanganya l’Olimu lo lomingu la Ngɔndɔ ka Ntondo 10 kokaka kondja Instructions médicales/Pas de sang ndo Carte d’identité dikambo di’anawɔ.
◼ Tatɛ oma lo Ngɔndɔ ka Hende polo ka Sato 5, emendji w’otshimbedi wayosha dako dia lo sɛkɛ di’oyoyo diele l’ɔtɛ ɔnɛ: “Aramangɛdɔna wa Mɛtɛ—Etena Kakɔna? Ndo Lande na?”
◼ Tshumanelo pombaka ndjâlɔngɔsɔla dimɛna dia mbɔtɔ lo losanganya la Eohwelo ka nyɔi ka Yeso l’ɔnɔnyi ɔnɛ layosalema Lushi la Sato, Ngɔndɔ ka Nɛi 19, l’ɔkɔngɔ wa ɛɔtwɛlɔ ka wonya. Oyadi kânga dako diayomɛ kɔ̂lɔmɔ, wetshetshelo wa mapa la vinyɔ pombaka tatɛ paka l’ɔkɔngɔ wa ɛɔtwɛlɔ ka wonya. Nyende dimɛna oshidi wɔtɔ wonya lo lɛtshi lanyu la nkɛtɛ. Ayoleka dimɛna di’etshumanelo l’etshumanelo sala Eohwelo katɔ lânde, kânga mbatongaka dikambo sɔ wolo nshi tshɛ. L’ahole wele tshumanelo efula diekɔ lo kahana Mbalasa ka Diolelo ɔtɔi, mbala efula etshumanelo ɔtɔi kana efula l’atei adiɔ tosalaka losanganya lɔsɔ l’ahole akina la dikɔlɔ dakɔ. L’ahole wakoka mengɔnya Mbalasa, vɔ kokaka tshika oko minitɛ 40 l’asa losanganya la losanganya di’onto tshɛ kondja ɛlɔlɔ w’oma lo losanganya lɔsɔ ndo kondja etena ka mbisha angɛndangɛnda mɔyɔ ndo keketsha eyoyo.
◼ Dako dia lo sɛkɛ dia lânde dia lo 2000 diakalɔngɔswama dia salema lo nshi ya Eohwelo diayoshama Lushi la Lumingu, Ngɔndɔ ka Nɛi 16. Dako diakɔ diayonga l’ɔtɛ a dui ɔnɛ: “Anto Wekɔ l’Ohomba wa Tshungo.” Nyayolongola ekongelo kadiɔ. Tshumanelo diayembwama oma le omendji w’otshimbedi otsha l’ekomelo ka lomingu lɔsɔ, kana diayonga la losanganya l’otshimbedi, kana losanganya la lânde la lushi ɔtɔi, diayoyohokamɛ dako sɔ lomingu layela. Ndoko etshumanelo kahomba mbisha dako sɔ dia lânde la ntondo ka Ngɔndɔ ka Nɛi 16, 2000.