Ekongelo ka losanganya l’olimu
Lomingu la ngɔndɔ ka ntondo 10
Min. 10: Waewoyelo. Waewoyelo w’oma l’Olimu Aso wa Diolelo.
Min. 15: “Teyanya Lokombo la Jehowa lo Nkɛtɛ k’Otondo.” Wembola l’ekadimwelo. Lembetshiya ndo awui wendana l’esambishelo ka tshakitudi watanema lo dibuku Notre ministère, lɛkɛ 93-94.
Min. 20: Ɔsɔnwɛlɔ Wakatasɔnɛ Weyama le Lɛɛta dia Vɔ Tosakɛka aha la Todja Dikila. (Etsha 15:28, 29) Dako oma le ekumanyi kakoka. Enda ndo lo mukanda wa Ngɔndɔ ka Dikumi l’Ahende 20, 1996 wɛnya woho wa nkamba la kartɛ k’“Instructions médicales/Pas de sang.” L’ɔkɔngɔ wa losanganya, Ɛmɛnyi wambobatizama kokaka nongola kartɛ k’oyoyo k’Instructions médicales/Pas de sang, ndo wanɛ wele l’ana weke akɛnda wahatabatizama wayolongola Carte d’identité ɔtɔi l’ɔna l’ɔna. Aha kilodja kam’akilongolanyu. Paka tokilodja dimɛna la ngelo, koko AHA sinya lɔkɔ. Sinyatirɛ ya kanga kartɛ, lokombo l’ɛmɛnyi ndo datɛ tshɛ diayoyofundama lo kartɛ tshɛ l’ekomelo ka Wekelo wa Dibuku wa l’Etshumanelo wayaye l’ekimanyielo k’ɔnɔmbɔdi wa wekelo naka ekɔ ohomba. La ntondo ka sinya, yâshikikɛ ɔnɛ kartɛ kakalodiama tshɛ. Wanɛ wasinya oko ɛmɛnyi la dia mɛna la washo awɔ woho wasinya kanga kartɛ. Naka apandjudi wahatabatizama nangaka, ko vɔ funda awui awɔ hita ndo wendana l’anawɔ ko mbɔtɔnganyiya kɛnɛ kofundjiwɔ lo kartɛ la eongelo kawɔ ndo la dietawɔ diawɔ vamɛ. Ɛnɔmbɔdi wa wekelo wa dibuku la dia ndjâshikikɛ dia kana wanɛ tshɛ wele l’olui awɔ wambokimanyiyama dia ndodja kartɛ k’Instructions médicales/Pas de sang.
Osambo 155 ndo dɔmbɛlɔ dia ndjihelo.
Lomingu la ngɔndɔ ka ntondo 17
Min. 10: Waewoyelo. Alapɔlɔ wa falanga.
Min. 15: Sekeletɛlɛ ayadia mukanda wa Ngɔndɔ ka Divwa 15, 1999 wakawatomɛ tshumanelo tshɛ. Alako wa lɔkɔ wekekɔ paka eyoyo eto lam’ele hatoyohika anto falanga dikambo di’ekanda aso. Ɔlɔmbɛlɔ w’ekanda lo yoho ya lânde wayetaka paka lo tshimbo y’etshumanelo. Tɛtɛ ɔnɛ onto tshɛ kokaka kondja ewo k’oshika. Tɔ halemanɛ l’efula ka diangɔ diele l’onto. Aha paka monga l’ekanda watɔlɔmbamaka lo yoho ya lânde ko sho mbeya kimanyiya eyoyo dia vɔ monga la diɔtɔnganelo di’ɔlɔlɔ vɔ la Nzambi.
Min. 20: “Tokambe la Traktɛ dia Tatɛ Sawola l’Anto.” Ɔkɛtshanyelo l’ampokami. Sɛdingola traktɛ nyɛi yeso la mbekelo ka kamba la yɔ lo lɛtshi laso la nkɛtɛ. Oka wombola wahomba kadimɔma l’ekimanyielo ka traktɛ la traktɛ. Lɔmba ampokami dia vɔ mbuta woho wa wembola wakoka kamba laso dia tatɛ sawola l’onto kana tatɛ ndo wekelo wa Bible naka kokaka. Lɔngɔsɔla wɛnyɛlɔ l’ekimanyielo ka traktɛ hiende dia mɛnya kɛnɛ kahomba salemaka. Ɔnangɛso lalɔmbɔla etenyi kɛnɛ kâtɛtɛ ɔnɛ apandjudi tshɛ la dia mbeka woho wa tatɛ sawola l’onto l’ekimanyielo ka traktɛ. Lam’ele ekongelo k’oyoyo ambotɔlɛndjɛlɛndjɛ akambo lo kɛnɛ kendana la weshasha, ekɔ ohomba wa sho tâsawodi l’onto dimɛna dia mbishola kana nde mɛtɛ ekɔ la nsaki la ntondo ka sho ndjotondja okanda dia mbosha. Traktɛ yekɔ dihomɔ di’ɛlɔlɔ mɛtɛ.
Osambo 57 ndo dɔmbɛlɔ dia ndjihelo.
Lomingu la ngɔndɔ ka ntondo 24
Min. 5: Waewoyelo ndo awui weta l’esambishelo.
Min. 15: “Sɛdingolaka Ɔtɛkɛta wa Jehowa Lushi Tshɛ!” Dako ndo ɔkɛtshanyelo l’ampokami. Keketsha onto tshɛ dia nde kamba dimɛna la biukubuku Tɔsɛdingolake Afundelo Lushi la Lushi—2000. Kodje ndo kɔmatɛrɛ ya lo mbɔtwɛlɔ, lo lɛkɛ 3-4. Lɔmba apandjudi dia vɔ kɔndɔla nganɛ wadjawɔ weolo wa lânde dia sɛdingola la kɔlamelo tshɛ divɛsa la kɔmatɛrɛ kadiɔ lushi tshɛ oyadi onto ndamɛ kana l’atei wa nkumbo.
Min. 25: “Tokambe l’Ekanda oko Akanga a Tomba.” Wembola l’ekadimwelo oma le omendji w’olimu. L’ɔkɔngɔ w’ɔsɛdingwelo w’odingɔ 7, sala wɛnyɛlɔ ehende kana esato wa tomondo wakalɔngɔswama dimɛna dia mɛnya woho wa ndjela alako amɔtshi woshami l’odingɔ 4 polo 7. Wanɛ walɔmbɔla nsanganya y’olimu y’otsha l’esambishelo nɔmbamaka dia nvusola awui anɛ la ntondo ka tomba l’esambishelo.
Osambo 157 ndo dɔmbɛlɔ dia ndjihelo.
Lomingu la ngɔndɔ ka ntondo 31
Min. 12: Waewoyelo. Ohola anto tshɛ dia nkimɔ alapɔlɔ w’olimu wa Ngɔndɔ ka Ntondo. Ewoya okanda wayotosha anto lo Ngɔndɔ ka Hende: dibuku Sheke y’Ɔngɛnɔngɛnɔ wa lo Nkumbo. Sala wɛnyɛlɔ ɔmɔtshi dia nembetshiya woho wokokiso kamba la wembola esato wele lo kiombokombo ya lo lɛkɛ la 12 dia tatɛ sawola l’onto.
Min. 15: Ekadimwelo wa Wombola Wendana la ‘Nembetɛ Onto.’ Dako oma le ekumanyi, diɔsami lo Tshoto y’Etangelo ya Ngɔndɔ k’Esambele 15, 1999, lɛkɛ 29-31 (lo Falase).
Min. 18: Woho wa Kimanyiya Akina dia Mbishola Ɔtɛmwɛlɔ wa Mɛtɛ.
Ɔkɛtshanyelo l’asa okambi w’olimu wahokɔ akambo la apandjudi ahende kana asato wakoka lo kɛnɛ kendana la woho wele anto mambaka dikambo di’Ɛmɛnyi wa Jehowa koko hawoshihodia otshikitanu wele lam’asa ɔtɛmwɛlɔ aso l’ɛtɛmwɛlɔ ekina. Sɛdingola awui dikumi wele lo Réveillez-vous ! wa Ngɔndɔ ka Tanu 8, 1995, lɛkɛ 20. Lembetshiya woho wokoki ewo k’akambo anɛ tosha akoka wa kimanyiya anto wele l’etema w’ɔlɔlɔ dia vɔ mbeya tshikitanya ɔtɛmwɛlɔ wa mɛtɛ la wa kashi ndo mbasha mposa ka mbeka kâmɛ l’ekambi wa Jehowa ndo sanganaka la wɔ.
Osambo 60 ndo dɔmbɛlɔ dia ndjihelo.
Lomingu la ngɔndɔ ka hende 7
Min. 8: Waewoyelo.
Min. 17: He Dja Yimba lo Prɔfɛsiya ka Danyɛlɛ! Dako ndo ɔkɛtshanyelo l’ampokami. Ohola ashika w’akambo wa lo dibuku di’oyoyo: Ɛtɛ wa totshapita wakotola yambalo, esato w’amɛna, tokombokombo tele la wembola w’ovuswelo l’ekomelo ka sawo tshɛ, ndo sho tanaka nto asango la waa kartɛ yalembetshiya awui. Tɛkɛta dia ekeketshelo kakondjaso lama weyaso kɛnɛ kalembetshiya woho wayonela Mikaɛlɛ. (Lɛkɛ 288-90) Kana la wɔ yimba dia mɛnya ohomba wa sho mbikikɛ lam’ele tekɔ embetsha w’Ɔtɛkɛta wa Nzambi. (Lɛkɛ 311-12) Ɔm’ɔmɔ a l’atei aso pombaka mbadia dibuku nɛ la yambalo ndo keketsha akina dia vɔ ntsha woho akɔ wâmɛ.
Min. 20: Wakasale Ɔsɔnwɛlɔ wa Dimɛna. Dako diɔsami oma lo Tshoto y’Etangelo ya Ngɔndɔ ka Dikumi 15, 1997, lɛkɛ 19-21, odingɔ 3-16 (lo Falase). Kɔndɔla ɛtɛkɛta wolodi la wasaso waki ambatshi mboka, wɛnya ɔnɛ wekɔ l’ɔngɛnɔngɛnɔ heyama nɛ dia wekɔ lo mbetsha nsɛnɔ yawɔ l’olimu w’ɔlɔlɔ ndo wele la wahɔ efula. Keketsha ampokami tshɛ dia vɔ kana yimba l’akambo anɛ ndo menda kana vɔ kokaka monga ambatshi mboka.
Osambo 182 ndo dɔmbɛlɔ dia ndjihelo.