Ovuswelo wendana la kalasa k’olimu wa teokrasi

Ovuswelo w’aha la mbifola abuku w’endana l’awui wakekama lo Kalasa k’Olimu wa Teokrasi lo ndjela asawo wakashama tatɛ ma lo lomingu la Ngɔndɔ ka Tanu 3 polo lo Ngɔndɔ k’Enanɛi 23, 1999. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.

[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]

Kadimola ɔnɛ Mɛtɛ kana Kashi lo wetelo wayela ɛnɛ:

1. Mbala mɔtshi, la ntondo ka sho nongola ɛtshɔkɔ oma le Jehowa sho pombaka monga la solo dia lotutsha, nɛ dia nde mbeyaka akambo wele laso ndo kotshaka ehomba aso tshɛ etena kɛnande ɔnɛ tayoleka kimanyiyama. (Osam. 145:16; Jak. 1:17) [w98 1/1 lɛkɛ 23 od. 6]

2. Wôngelo w’ɔshɛtɛ wa sheke lo pango k’Ase Isariyɛlɛ kɔmɛnyaka ɔnɛ wayotadjaka paka etshumba eto. Ɛtshɔkɔ wa Jehowa akalemanɛka la eongelo ka lo nyuma ndo okitanyiya la kɔlamelo ya wanɛ waki l’ɔshɛtɛ wa sheke. (Jas, tshap. 7) [Wadielo wa Bible wa lomingu la lomingu; enda lo it-1 lɛkɛ 160 od. 3.]

3. Ɛlɔ kɛnɛ, sho ndeshamaka lo nyuma paka lo mbadiaka tsho awui waki Jehowa. (Euh. 8:⁠3) [Wadielo wa Bible wa lomingu la lomingu; enda lo w85 15/6 lɛkɛ 17 od. 15, 17.]

4. Dikambo diatɛtɛwɔ l’Ɛlɛmbɛ wa Mɔsɛ lo Euhwelu k’Elembe 23:20 mɛnyaka di’Okristo wasɔndja onto falanga la wahɔ kema la ngandji. [Wadielo wa Bible wa lomingu la lomingu; enda lo it-1 lɛkɛ 1200 od. 5; it-2 lɛkɛ 653 od. 7; w86 15/10 lɛkɛ 12 od. 9.]

5. Jashua nde la Kalɛba wakaye l’alapɔlɔ wa dimɛna dikambo vɔ waki la mbetawɔ k’efula lo wolo waki l’Ase Isariyɛlɛ ndo lo woho wakawayashikikɛka dia minya wekamu tshɛ wakâshimbaka dia vɔ mbɔsa Nkɛtɛ ya Daka. (Wal. 13:30) [w98-OT 1/2 lɛkɛ 5 od. 4]

6. Lo tɛkɛta dikambo dia ‘woshasha’ lo 1 Timote, Paulo akoholaka Timɔtɛ woho wakandakitama esɔ ka nyuma k’ekila ndo difuto di’otsha l’olongo diakokongɛka. (1 Tim. 4:14) [w98 15/2 lɛkɛ 25 od. 1]

7. Dibuku dia Jashua hatɛkɛta kânga yema dikambo dia Lɔtɔngɔ la Diolelo. [si lɛkɛ 46 od. 24]

8. Dibuku di’Embadi ekɔ ɔkɔndɔ w’apami wakasɔnama oma le Ase Isariyɛlɛ dia nɔmbɔla wodja la ntondo k’etena ka nkumi ya dikanga. [si lɛkɛ 46 od. 2]

9. Lo ndjela Embadi 6:​37-39, kɛnɛ kakalɔmbɛ Ngidiyɔna mɛnyaka dia nde aki la yeewo yamboleka ndo la taamu. [Wadielo wa Bible wa lomingu la lomingu; enda lo w88 1/4 lɛkɛ 30 od. 6.]

10. Lo mbutɛ ambeki ande ‘di’aha mbisha anto mɔyɔ lo mboka’ Yeso akatɛtɛka di’ohomba w’efula wele l’olimu w’esambishelo ndo dia vɔ mbidja yimba yawɔ tshɛ l’olimu ɔsɔ wa shamanya. (Luka 10:⁠4) [w98 1/3 lɛkɛ 30 od. 5]

Kadimola wembola wayela ɛnɛ:

11. Lande na ekɔ ohomba di’ambutshi mbidja ɛtɛkɛta waki Jehowa l’etema awɔ na? (Euh. 6:​5, 6) [Wadielo wa Bible wa lomingu la lomingu; enda lo w98 1/6 lɛkɛ 20 od. 4.]

12. Ngande wakoka papa ka nkumbo kamba l’awui wa lo Euhwelu k’Elembe 11:​18, 19 na? [Wadielo wa Bible wa lomingu la lomingu; enda lo fy lɛkɛ 70 od. 14.]

13. Lo Afundelo, kakɔna kɛnya ɔnɛ Ɔnɛsimo ɔnɛ lakalawɔ nkumɛnde akonge nde l’ɔpɔstɔlɔ Paulo etena kɛmɔtshi la ntondo ka Paulo ndjofundɛ Filɛmɔna na? [w98 15/1 lɛkɛ 30 od. 2]

14. Lam’ɛnaso akambo wa kɔlɔ ndo wa wɛngiya kana lam’ahomanaso l’akambo akɔ, akokaso ntsha di’aha ndjɔkɔmɔ otema ɔtɛkɔya kana ndjotshika mɛna akambo la sso di’ɔlɔlɔ na? [w98 1/2 lɛkɛ 6 od. 2 polo 3]

15. Ngande wakɛnya Jashua la Ngidiyɔna dia vɔ nɛnyaka ɛlɛmbɛ waki Nzambi na? (Euh. 20:​8, 15-18) [si lɛkɛ 41 od. 32]

16. Ngande wafɔna akambo wɔkɔndwami lo Jashua 10:​10-14 la wanɛ walongamɛso l’Aramangɛdɔna na? [Wadielo wa Bible wa lomingu la lomingu; enda lo w86 15/12 lɛkɛ 23 od. 12 lɛkɛ 24 od. 14.]

17. Shila ɛlɔlɔ esato wakondjaso lam’ândolaso onto l’otema ɔtɔi l’ɔtɛ wa lɔkɛwɔ lande l’ɔlɔlɔ. (Enda lo Tukedi 15:23.) [w98 1/2 lɛkɛ 31 od. 5 polo 6]

18. Lo ndjela Jashua 20:​4, ngande walawɔ onto otsha l’osomba w’eshamelo wa didjidji na? [Wadielo wa Bible wa lomingu la lomingu; enda lo w86 15/12 lɛkɛ 24 od. 16.]

19. Ngande wɛnya Embadi 5:31 dia otshumba wakadje Shushi Baraka alembe waki Sisɛra wa wolo l’okidi wa Kishɔna ekɔ la kitshumudi ya woke efula le so ɛlɔ kɛnɛ? [Wadielo wa Bible wa lomingu la lomingu; enda lo w86 15/2 lɛkɛ 21 od. 4.]

20. Ngande wakokaso mɛnya dia sho nɛnyaka dui diele etshina k’etelo kɛnɛ k’ɔnɛ ‘vɔ wakemala onto l’onto lo dihole diande,’ oko wɔkɔndwamidiɔ lo Embadi 7:21 na? [Wadielo wa Bible wa lomingu la lomingu; enda lo w82 1/9 lɛkɛ 25 od. 17.]

Kotsha wetelo wayela ɛnɛ:

21. Dia sho ndeka kondja ɛtshɔkɔ wa Jehowa, sho pombaka tetemala _________________________ ndo nɔmbaka Jehowa dia nde tokimanyiya dia sho _________________________ wetshelo wele l’Ɔtɛkɛta ande wakasambiyama ndo _________________________ la wetshelo akɔ. (1 Tim. 4:​8, 9) [w98 1/1 lɛkɛ 24 od. 6]

22. Jehowa hangɛnangɛna tshelo ya shimboya onto oshimboyashimboya nɛ dia ɔnɛ latsha ngasɔ ekɔ lo nyanga _________________________, nde hashimboya onto _________________________, ndo _________________________ ndo lâdiko dia tshɛ, ɔsɔ _________________________. [w98 1/2 lɛkɛ 30 od. 2-3]

23. Lokombo Jashua nembetshiyaka ɔnɛ _________________________, ndo nde aki mɛtɛ didjidji dia _________________________. [si lɛkɛ 43 od. 5]

24. L’ɛnyɛlɔ ka wɛɛla waki Yeso wele lo Mateu 7:​24-27, ambutshi wele la lomba kokaka kimanyiya anawɔ dia shika ekolo la ntondo k’ehemba wa wolo lo mbasha _________________________, kayowakimanyiya dia vɔ _________________________. [w98-OT 1/3 lɛkɛ 7 od. 1]

25. Ɔkɔndɔ wele lo dibuku di’Embadi mbɔsaka etena ka tatɛ oma lo nyɔi ka _________________________ polo ndo nshi ya _________________________, etena kɛsɔ ekɔ oko yɛdikɔ y’ɛnɔnyi _________________________ [si lɛkɛ 47 od. 5]

Ekɛ oshidi l’ekadimwelo wa mɛtɛ wa lo wetelo wayela ɛnɛ:

26. Mbɔsa tɛdikɔ lo woho wahombawɔ ndjotsha la diangɔ di’onto l’ɔkɔngɔ wa nyɔi kande ekɔ (dikambo di’etshumanelo; dikambo di’onto ndamɛ; dikambo dialɔmbawɔ Akristo wa mɛtɛ). (Ngal. 6:⁠5) [w98-OT 1/7 lɛkɛ 13 od. 6]

27. Paulo akakeketsha Filɛmɔna dia nde nongola (Onamɛ, Onɛsifɔrɔ; Onɛsimo) lo yoho y’ɔlɔlɔ koko nde kokamba la lɔnɛnɛ lande l’ɔpɔstɔlɔ dia mbofundɛ dia ntsha dikambo sɔ kana di’aha nde tetemala mbɔ̂sa oko fumbe kande. (File. 21) [w98 15/1 lɛkɛ 31 od. 1]

28. Munga ka woke kaki l’akanga a sudi wanɛ wakakɔnwama oma le Yeso ele vɔ (komonga la mbetawɔ; waki l’ohedia; komonga la lowando). (Luka 17:​11-19) [w98 15/2 lɛkɛ 5 od. 1]

29. Lam’ele Nzambi aketawɔ kɛnɛ kakasale Rahaba, lâsɔ, ɛtɛkɛta wakatɛ mama kɛsɔ apami wakatatshanyaka atɔpi w’Ase Isariyɛlɛ akɛnya dia (mbuta kashi ekɔ dikambo diendana l’onto ndamɛ; kema ohomba mbutɛ onto akambo amɔtshi wa mɛtɛ wele hendana la nde; lâsɔ ko nde atatshikitanya lɔkɛwɔ lande la kɔlɔ tshɛ). (Jas. 2:​3-5; enda lo Romo 14:⁠4.) [Wadielo wa Bible wa lomingu la lomingu; enda lo w93 15/12 lɛkɛ 25 od. 1.]

30. Oko wɔkɔndwamidiɔ lo Joani 13:​5, wetshelo wakasha Yeso lo divɛsa nɛ mɛnyaka ohomba wa monga la dionga dia (ɔlɔlɔ w’otema; kɛtshi; ndjakitshakitsha), dionga diasokoya onto dia nde salɛ akina elimu wawetɛ oko onto lele l’ɛse kawɔ. [w98 15/3 lɛkɛ 7 od. 6]

Ɔtɔngɔnganyiya wetelo wayela ɛnɛ l’avɛsa anɛ:

Euh. 7:​3, 4; 17:7; 25:​11, 12; 28:3; Jer. 15:⁠20

31. Woho wɔsa Otungi tenyi dia demba dia diwotshi kokaka monga la shɛngiya lo yɛdikɔ yɔsa Okristo lo kɛnɛ kendana la shambo ya ndiha otema dia memɛ diwotshi. [Wadielo wa Bible wa lomingu la lomingu; enda lo w99 15/6 lɛkɛ 28 od. 1-4.]

32. Sho kokaka ndjashikikɛ ɔnɛ Jehowa ayotosukɛ etena kɛnɛ kakotshaso ɔkɛndɛ aso wendana l’esambishelo ka lokumu l’ɔlɔlɔ la Diolelo diaki Nzambi. [w98 1/3 lɛkɛ 28 od. 1]

33. Naka sho ndjela dako diatosha Bible dia tewola, kete sho mbeyaka kokamɛ oma lo etombelo wa kɔlɔ watohomanaka mbala efula l’Okristo wele la wadi kana omi laha ombetawudi. [Wadielo wa Bible wa lomingu la lomingu; enda lo w89 1/11 lɛkɛ 20 od. 11.]

34. Ɛtshɔkɔ w’oma le Nzambi halemanɛ la dihole diodjashi onto kana ɔkɛndɛ wele lande l’olimu waki Nzambi. [Wadielo wa Bible wa lomingu la lomingu; enda lo w96 15/6 lɛkɛ 15 od. 15.]

35. Lo alako wakasha Paulo lo 1 Koreto tshapita 5 lo kɛnɛ kendana l’otondjelo w’onto oma l’atei w’etshumanelo, nde akavusola Ɔlɛmbɛ waki Jehowa. [Wadielo wa Bible wa lomingu la lomingu; enda lo si lɛkɛ 213 od. 24.]