Ekongelo ka losanganya l’olimu
Lomingu la Ngɔndɔ ka Nɛi 10
Min. 10: Waewoyelo. Waewoyelo w’oma l’Olimu Aso wa Diolelo. Tohɛke dikambo dia dako dia lânde diayosalema Ngɔndɔ ka Nɛi 16 diele l’ɔtɛ a dui ɔnɛ: “Anto Wekɔ l’Ohomba wa Tshungo.” Keketsha anto tshɛ dia vɔ ndjela ekongelo ka wadielo wa Bible wendana l’Eohwelo tatɛ oma lo Ngɔndɔ ka Nɛi 14 polo 19, oko wɛnyamidiɔ lo Tɔsɛdingolake Afundelo Lushi la Lushi—2000. Vusola “Waewoyelo Wendana la Eohwelo,” wele lo lɛkɛ 4 la dikatshi di’okotsha.
Min. 15: “Onde Wɛ Mbetawɔka Ngandji ka Kristo?” Sala mbɔtwɛlɔ kahakoke kânga minitɛ ɔtɔi ko wɛ ndjeta lo wembola l’ekadimwelo. Dja ndo tokanyi t’oma lo Tshoto y’Etangelo ya Ngɔndɔ ka Tanu 1, 1998, lɛkɛ 22-23, odingɔ 12-13. Keketsha osek’onto tshɛ dia mbidja weolo wa lânde dia mbelɛ anto oya lo Eohwelo.
Min. 20: “Ngɔndɔ ka Nɛi Ekɔ Etena ka Monga l’Ohetoheto l’Elimu w’Ɛlɔlɔ!” Wembola ndo ekadimwelo. Ɔkɛtshanyelo wa la wangasanu wendana la kɛnɛ kakombolaso sala lo Ngɔndɔ ka Nɛi. Kamba la minitɛ shato kana nyɛi ya l’ekomelo dia vusola sawo diele l’ɔtɛ a dui ɔnɛ: “Waasaso Wakeketsha Anto Efula.”
Osambo 199 ndo dɔmbɛlɔ dia ndjihelo.
Lomingu la Ngɔndɔ ka Nɛi 17
Min. 13: Waewoyelo. Alapɔlɔ wa falanga. Ambotshikala paka wikɛndɛ ehende eto lo Ngɔndɔ ka Nɛi, lâsɔ keketsha onto tshɛ dia tomba l’esambishelo la ntondo k’ekomelo ka ngɔndɔ. Sala ɛnyɛlɔ kɛmɔtshi ka hiembola dia mɛnya woho wa kamba la periodikɛ yeke katomba. Lam’ele anto amɔtshi mbeyaka tɔlɔmba dia sho ndjatambiya lo fɛtɛ kawɔ ka Pasaka, lâsɔ vusola kɛnɛ kofundami lo dibuku Comment raisonner lɛkɛ 164-165 dia mbeya woho wa mbakadimola.
Min. 16: “Onde Wɛ Ekɔ la Yimba ya Ndjahombia?” Wembola ndo ekadimwelo. Sho pombaka nɔnga akambo l’ɛnɔngɔ, mbut’ate mbidja wanɛ woleki ohomba lo dihole dia ntondo. Dia tetemala ntsha akambo wayotosha wahɔ lo nyuma, sho pombaka ntsha la wolo ndo monga la ndjakimɛ. Lembetshiya wetshelo wakokaso kondja oma l’ɛnyɛlɔ kaki Yeso.—Enda lo Étude perspicace Vɔlimɛ 2, lɛkɛ 32, odingɔ 5 polo lɛkɛ 33, odingɔ 1.
Min. 16: Tokahanya Periodikɛ l’Ahole Wokokiyɔ Monga l’Etombelo Woleki Amɛna. Dako ndo ɔkɛtshanyelo l’ampokami. Vusola alako wa lo Réveillez-vous ! wa Ngɔndɔ ka Ntondo 8, 1995, lɛkɛ 22-24. Lembetshiya bonde kele ekɔ ohomba nyanga anto wayolanga mbadia asawo wa lânde watomba lo periodikɛ yaso. Sha bɛnyɛlɔ dimɔtshi di’oma lo numɛlɔ y’edjedja ndo weho w’anto wa lo mbilo kanyu wele ondo wakangɛnangɛna asawo wa lɔkɔ, ɛnyɛlɔ oko wa kɔmɛlɛsa kana weho ɛmɔtshi w’atshunda. Lɔmba ampokami dia vɔ mbuta etombelo ɛmɔtshi w’ɛlɔlɔ wakawakondja lo kamba la yoho shɔ.
Osambo 71 ndo dɔmbɛlɔ dia ndjihelo.
Lomingu la Ngɔndɔ ka Nɛi 24
Min. 10: Waewoyelo. Ewoya lofulo l’anto lakɔtɔ lo Eohwelo. Lɔmba ampokami dia vɔ kɔndɔla kɛnɛ kakate wanɛ wakaye lo losanganya lɔsɔ mbala kawɔ ka ntondo.
Min. 17: Tokimanyiya Eyoyo dia Vɔ Mbɔtɔka lo Nsanganya. Dako diɔsami oma lo dibuku Ewo lɛkɛ 162-163 odingɔ 5-8. L’ɔkɔngɔ wa nyu tatɛ mbeka tshanda mɔtshi, ekɔ ohomba mbelɛ eyoyo oya lo nsanganya. Dia vɔ tatɛ mbɔtɔ lo nsanganya mbeyaka monga dikambo dia wolo. Lâsɔ akokayɛ sala dia mbasha saki ka vɔ ndja lo nsanganya na? Wanɛ weka l’anto Bible pombaka tshungola etena ka vɔ sɛdingola dikambo sɔ lo dibuku Ewo kâmɛ l’ambeki awɔ, oma lâsɔ ko vɔ ndjenda woho wa mbakimanyiya dia vɔ monga la so kâmɛ l’ɔtɛmwɛlɔ wa mɛtɛ.
Min. 18: “Onde Wɛ Ekɔ Opandjudi Wasambisha Mbala la Mbala?” Dako ndo ɔkɛtshanyelo l’ampokami, oma le sekeletɛlɛ. Lembetshiya bonde kakimɔso alapɔlɔ w’olimu w’esambishelo. (Enda lo dibuku Notre ministère lɛkɛ 106-108.) Kɔndɔla akambo amɔtshi wokoki tomba naka hatokimwe alapɔlɔ aso esadi. Lɔmba ampokami dia vɔ kɔndɔla kɛnɛ kasalawɔ dia ndjashikikɛ ɔnɛ wakakimɔ alapɔlɔ awɔ la wonya. Ɛnya nganɛ wakoka ɛnɔmbɔdi wa Wekelo wa Dibuku wa l’Etshumanelo mbisha ekimanyielo kawɔ. Lam’ele ambotshikala paka wikɛndɛ ɔtɔi dia Ngɔndɔ ka Nɛi shila, tɛtɛ ohomba w’onto tshɛ tomba l’esambishelo ndo kimɔ alapɔlɔ lo komelo ka ngɔndɔ.
Osambo 200 ndo dɔmbɛlɔ dia ndjihelo.
Lomingu la Ngɔndɔ ka Tanu 1
Osambo 213
Min. 12: Waewoyelo. Ohola anto tshɛ dia kimɔ alapɔlɔ wa Ngɔndɔ ka Nɛi. Ɛnɔmbɔdi wa Wekelo wa Dibuku wa l’Etshumanelo la dia menda kana onto tshɛ la l’olui awɔ ambokimɔ alapɔlɔ woho wa vɔ mbeya tomama lo biro la ntondo ka Ngɔndɔ ka Tanu 6. Nyɔsɛdingole kiombo yata ɔnɛ: Ekadimwelo lo Wembola Anyu, lo mbɔtɔnganyiya la kɛnɛ keta l’etshumanelo kanyu.
Min. 15: Ehomba wa l’etshumanelo.
Min. 18: “Yashikikɛ dia Wɛ Kalola!” Ɔkɛtshanyelo kâmɛ l’ampokami. Ɛnya ɛkɔkɔ wakoka toshimba dia sala waendelo w’eyoyo. Lembetshiya lande na kele ekɔ ohomba mbɔsa nɔtɛ y’amɛna ndo monga la nsaki ka sala waendelo w’eyoyo. Keketsha apandjudi dia vɔ ndjaombɛka yema y’etena lomingu tshɛ dia salaka waendelo w’eyoyo. Vusola kɛnɛ kele lo dibuku Notre ministère, lɛkɛ 89-90. Kɔndɔla lo hiembola, awui wele lo Annuaire 1995, lɛkɛ 45.—1 Kor. 3:6, 7.
Osambo 68 ndo dɔmbɛlɔ dia ndjihelo.