Ovuswelo wendana la kalasa k’olimu wa Teokrasi

Ovuswelo w’aha la mbifola abuku wendana l’awui wakekama lo Kalasa k’Olimu wa Teokrasi lo ndjela asawo wakashama tatɛ ma lo lomingu la Ngɔndɔ ka Tanu 1 polo lo Ngɔndɔ k’Enanɛi 21, 2000. Nyɔsɛ tɛtshi t’akatshi dia funda ekadimwelo anyu lɔkɔ lo ndjela lofulo la wembola wahombanyu kadimola lo yɛdikɔ ya wenya yoshami.

[Diewoyelo: L’edja kayotshama ovuswelo a lofunda, paka Bible keto kahombama munandema dia kadimola lo wembola tshɛ. Ahole wotumbi wembola ndo wele l’ekomelo ka wembola ele dia nyokimanyia woho wa nyu ntsha eyangelo anyu. Esangɔ ɛmɔtshi, numɛlɔ ya ndjɛkɛ la y’edingɔ lo oseka Tshoto y’Etangelo tshɛ hɛ̂nyama.]

Kadimola ɔnɛ Mɛtɛ kana Kashi lo wetelo wayela ɛnɛ:

1. Woho wakakadimola Ngidiyɔna apami w’ase Efarayima wakɔsɔmbwɛ heyama dikambo akɛnya lotutsha la ndjakitshakitsha kande ndo kɛsɔ akatutsha nkɛlɛ kawɔ ndo akadje wɔladi lam’asawɔ. (Emb. 8:​1-3) [Wadielo wa Bible wa lomingu la lomingu]

2. Kânga mbakate Manɔa ate: ‘Nzambi mbakatɛnyi,’ lo mbuta mɛtɛ, nde la wadiɛnde wakɛnyi yɛmb’awui kana ɔtɛkɛtshi waki Nzambi ɔnɛ lakalɔtɛ demba di’emunyi koko aha Jehowa ndamɛ. (Emb. 13:22) [Wadielo wa Bible wa lomingu la lomingu; enda lo w88 15/5 lɛkɛ 23 od. 3.]

3. Lo Embadi 5:​31, etelo k’ɔnɛ “wane watukukaka ngandji” nembetshiyaka lo yoho ya didjidji ekitɔ 144000 wa Diolelo. [si lɛkɛ 50 od. 28]

4. Ndoko etenyi ɔtɔi ka dibuku dia Ruta kakatanema lo Wɔɔmbɔ wakashɔma lo Ndjale ka Lɛɛhɔ. [si lɛkɛ 51 od. 3]

5. Embadi 21:25 tɛkɛtaka di’etena kakatshike Jehowa wodja w’Isariyɛlɛ aha la ɛlɔmbwɛlɔ kɛmɔtshi. [Wadielo wa Bible wa lomingu la lomingu; enda lo w-OT95 1/7 lɛkɛ 10 od. 16.]

6. Difanelo di’akeruba diaki lâdiko di’ɔshɛtɛ wa sheke akɛnyaka wôngelo waki Jehowa oko owandji, ɔnɛ lakate ɔnɛ nde ‘mbidjasɛ lâdiko [kana ‘l’atei’] w’akeruba.’ (1 Sam. 4:⁠4) [Wadielo wa Bible wa lomingu la lomingu; enda lo w81 1/2 lɛkɛ 29 od. 2.]

7. Woho wakale asɔlayi waki Saulo dikila lam’akawakome la ntondo ka dikambo dimɔtshi diakiwɔ kombeya ka ntsha, aha la vɔ kondja dilanya, akɛnyaka ɔnɛ ondo ɛkɔkɔ ɛmɔtshi w’eshika wakikɔ wakakokaka onto mɔnyɔla ɛlɛmbɛ wa Nzambi wonya ɔmɔtshi dia kokɛ lɔsɛnɔ l’onto. (1 Sam. 14:​24-35) [Wadielo wa Bible wa lomingu la lomingu; enda lo w94 15/4 lɛkɛ 31 od. 7 polo 9.]

8. Kânga mbakakatanya anto amɔtshi tshɛkɛta ‘mbetawoya’ la diewo di’ɔtɛkɛta ndo yimba, sho kokaka kamba la yɔ lo yoho y’ɔlɔlɔ lo mbosha kanyi ya mbetawoya onto dikambo kana tshikitanya ekanelo kande ka yimba lo kana lande yimba dimɛna. (2 Tim. 3:​14, 15) [w98 15/5 lɛkɛ 21 od. 4]

9. ‘Tapa dia lɔsɛnɔ’ nembetshiyaka tɛdikɔ tɔsa Nzambi dia kokɛ ndo shimbɛ onto, tɛdikɔ takahombe kondjɛ Davidi wahɔ lo mbewɔ onongo wa dikila lo washo wa Nzambi. (1 Sam. 25:29) [Wadielo wa Bible wa lomingu la lomingu; enda lo w91 15/6 lɛkɛ 14 od. 3.]

10. Sheke ya Davidi yendana la Diolelo yatɛkɛtawɔ lo 2 Samuele 7:​16, mendanaka l’ɔlɔndji wa Lɔtɔngɔ latɔla otsha le Mɛsiya ndo yakɛnyaka ɔnɛ onto ɔmɔtshi la lo dioho dia Davidi akahombe ndjolɛ ‘pondjo la pondjo.’ [Wadielo wa Bible wa lomingu la lomingu; enda lo w89 1/2 lɛkɛ 14 od. 21 polo lɛkɛ 15 od. 22.]

Kadimola wembola wayela ɛnɛ:

11. Eshikikelo kakɔna katosha Osambu 34:18 na? [w98 1/4 lɛkɛ 31 od. 2]

12. Kakɔna kɛnya yoho nyɛ yakawɔlɛ Yɔsɛfu ɔnɛ Baranaba na? (Etsha 4:36) [w98 15/4 lɛkɛ 20 od. 3]

13. Bonde kata Bible ɔnɛ Eliya akatetemala nɛmiya anande oleki Jehowa na? (1 Sam. 2:​12, 22-24, 29) [Wadielo wa Bible wa lomingu la lomingu; enda lo w-OT96 1/10 lɛkɛ 13 od. 14.]

14. Bonde kahomba dibuku dia Ruta keketsha mbetawɔ kaso l’alaka wa Diolelo na? [si lɛkɛ 53 od. 10]

15. Lo ndjela 1 Samuele 1:​1-7, naa ɛnyɛlɔ ka dimɛna efula kakatotshikɛ nkumbo ka Samuɛlɛ na? [Wadielo wa Bible wa lomingu la lomingu; enda lo w98 1/3 lɛkɛ 16 od. 12.]

16. Lo yoho yakɔna yakokaso mbuta ɔnɛ ‘ɔngɔnyi ekɔ la nkudu ka lokeso’ na? (Mat. 13:22) [w98 1/6 lɛkɛ 5 od. 1]

17. Ngande wakɛnya Jɔnatana y’opalanga dia nde mbetawɔka Davidi oko okitami w’eso wa Jehowa, ndo dikambo sɔ ɛnyadiɔ ɛlɔ kɛnɛ? (1 Sam. 18:​1, 3, 4) [Wadielo wa Bible wa lomingu la lomingu; enda lo w89 1/1 lɛkɛ 24, 26 od. 4 la 13.]

18. Kânga mbakinde “untu l’ololo ndo l’usimbwi,” ngande wɛnya dibuku dia Jobo ɔnɛ dikambo sɔ halembetshiya ɔnɛ Jɔbɔ aki kokele na? (Jobo 1:⁠8) [w98 1/5 lɛkɛ 31 od. 1]

19. Kakɔna kalembetshiya etelo k’ɔnɛ ‘nyotshe la wolo anyu tshɛ’? (Luka 13:24) [w98 15/6 lɛkɛ 31 od. 1, 4]

20. Oko wakambaso kâmɛ l’anto akina, wetshelo akɔna wakokaso kimɛ, lo ndjela kɛnɛ kɔkɔndwami lo 2 Samuele 12:​26-28? [Wadielo wa Bible wa lomingu la lomingu; enda lo w93 1/12 lɛkɛ 19 od. 19.]

Kotsha wetelo wayela ɛnɛ:

21. Woho waki konangaka Jehowa ɔtɛmwɛlɔ wa Bala kânga yema la dia totshutshuya di’aha sho monga la saki ka _________________________ kana _________________________ (Emb. 2:​11-18) [si lɛkɛ 50 od. 26]

22. Lo nshi ya Samuɛlɛ mbakakomɛ nshi _________________________ ndo mbakamɛ nshi ya _________________________ yakahombe ndjɛna nganɛ woka Jehowa Isariyɛlɛ ɔkɔngɔ. [si lɛkɛ 53 od. 1]

23. Lokombo la Nzambi, Jehowa, nembetshiyaka ɔnɛ _________________________ ndo mɛnyaka dia Jehowa kokaka ntsha tshɛ kahombama dia nde kotsha _________________________ ande. [w98 1/5 lɛkɛ 5 od. 3]

24. Eliya la Saulo wakakɔ lo woho ɔnɛ wele Eliya _________________________ dia mbɔsa yɛdikɔ yakahombamaka ndo Saulo aki la _________________________ [si lɛkɛ 57 od. 27]

25. Wɛla waki Yeso wendana l’ose Samariya l’ɔlɔlɔ mɛnyaka ɔnɛ onto ɔlɔlɔ hahombe tsho kitanyiyaka _________________________ waki Nzambi koko ekɔ nto ohomba mbokoya _________________________ ande. (Luka 10:​29-37) [w98 1/7 lɛkɛ 31 od. 2]

Ekɛ oshidi l’ekadimwelo wa mɛtɛ wa lo wetelo wayela ɛnɛ:

26. Woke woke wa (lomba, nkudu, ngandji) ka Jehowa mɛnamaka lo woho wakandasɔnɔla womoto l’ose Moaba (Ruta Naɔmi, Ɔrɔpa) laki ɔtɛmɔdi w’edjedja wa (Bala; Kemoshe Dangɔna), lakakadimɔ oya l’ɔtɛmwɛlɔ wa mɛtɛ ndo ndjokoma lɔtshɛtshɛ la Yeso Kristo. (Mat. 1:​3, 5, 16) [si lɛkɛ 51 od. 1]

27. Ɛlɔmbwɛlɔ ka toshushi ta l’Isariyɛlɛ kakakomɛ lam’akakitama (Samuele; Davidi; Saulo) eso oko nkumekanga ko yema tshitshɛ l’ɔkɔngɔ nde ndjɔlɛndja ase (Amɔna Mɔaba; Filistiya) l’ekimanyielo ka Jehowa. (1 Sam. 11:​6, 11) [Wadielo wa Bible wa lomingu la lomingu; enda lo w95 15/12 lɛkɛ 9 od. 2 polo lɛkɛ 10 od. 1.]

28. Aki (ɔpɔstɔlɔ Paulo; she; nyango la tshɛnde mbakodia Timɔtɛ lo ‘afundelo w’ekila’ ndo wakayɛna woho wakandayokoma misiɔnɛrɛ kana omendji weteta w’ɔlɔlɔ efula. (2 Tim. 3:​14, 15; Fil. 2:​19-22) [w98 15/5 lɛkɛ 8 od. 3 polo 9 od. 5]

29. Olimu wakakambe (Davidi; Samuɛlɛ Jɔnatana) lo dikɛnda la dia keketsha ɛlɔngɔlɔngɔ l’esekaseka dia ndjakimɔ ɛlɔ kɛnɛ l’olimu ndo woho wakandatetemala polo lo nyɔi kande pombaka keketsha wanɛ waya l’alemba wambɔkɔmɔ lo menda ɛnɔnyi waya lawɔ. [si lɛkɛ 58 od. 30]

30. Dibuku dia 2 Samuele akafundama oma lo (1077 polo lo 1040; 1077 polo lo 1037; 1070 polo lo 1040) N.T.D. [si lɛkɛ 59 od. 3]

Ɔtɔnganyiya wetelo wayela ɛnɛ l’avɛsa anɛ:

Emb. 11:​30, 31; 1 Sam. 15:22; 30:​24, 25; 2 Khum. 6:​15-17; Jak. 5:⁠11

31. Jehowa toshikikɛka ɔnɛ nde ayokamba l’alembe ande wa l’olongo dia kokɛ ekambi ande lo ndjela lolango lande. [w98 15/4 lɛkɛ 29 od. 5]

32. Emendji wa l’etshumanelo pombaka nɛnyaka alaka kana waokanelo awɔ kânga mbele tena dimɔtshi dikambo sɔ tongaka pâ ndo wolo kotsha. [w99 15/9 lɛkɛ 10 od. 3-4]

33. Tayokondja ɛtshɔkɔ efula oma le Jehowa Nzambi naka tayotshikala la kɔlamelo l’ehemba. [w98 1/5 lɛkɛ 31 od. 4]

34. Dia sho mɛnya ɔnɛ tekɔ la ngandji k’oshika le Nzambi, sho la dia kitanyiya ɛlɛmbɛ ande, koko aha mbolambolaka tsho elambo. [Wadielo wa Bible wa lomingu la lomingu; enda lo w96 15/6 lɛkɛ 5 od. 1.]

35. Jehowa ngɛnangɛnaka efula wanɛ wasukɛ ɔlɔngɔswamelo ande ɛlɔ kɛnɛ. [Wadielo wa Bible wa lomingu la lomingu; enda lo w86 1/9 lɛkɛ 28 od. 4.]