Woho wa kamba l’ekanda wele lo lɔkɔtɔ lo waa Mbalasa ya Diolelo

Mbalasa ka Diolelo tshɛ kasangana tshumanelo efula mongaka la dihole ɔtɔi diombama ekanda. Dui sɔ nembetshiyaka dia “etshumanelo kalɔmbɔla” mbayotomaka kɔmandɛ k’ekanda le Société lo dihole dia tshumanelo dikina tomaka lo yoho yawɔ. Etshumanelo kele tɔamɛmɛ lo Mbalasa ka Diolelo hendana la dikambo nɛ.

Etshumanelo tshɛ kekɔ l’ɔkɛndɛ wa tomaka “Weshasha Dikambo di’Olimu w’Ɛmɛnyi wa Jehowa Wakambema l’Andja w’Otondo​—⁠Mateu 24:14” tɔamɛmɛ mbahomba tomaka weshasha ɛnɛ koko aha etshumanelo kalɔmbɔla. Etshumanelo tshɛ pombaka mbifolaka tɔshɛtɛshɛtɛ tendana la weshasha l’ɔkɔngɔ wa losanganya tshɛ. Oma lâsɔ ko nyu tomɛ Société weshasha akɔ lo ndjela woho wokonyosalaka.

Ɔnangɛso lendana l’awui w’ekanda ekɔ l’ɔkɛndɛ wa mendaka lo eombelo kana lofulo l’ekanda lele ohomba dikambo dia nsanganya kana dia kahɛ anto lo ngɔndɔ kengo lekɔ. Nde la dia menda dimɛna di’aha ekanda walɔmbama paka lo yoho ya lânde tshɛlɛwa ɔtshɛlɛwatshɛlɛwa. Nde la dia salaka evatɛrɛ w’ekanda oseka ngɔndɔ tshɛ l’ekimanyielo ka fɔrmilɛrɛ État mensuel du stock des publications (S-28). Kam’alongolande ekanda ko nde mbadja lo eombelo.

Tekɔ lo nongola mikanda lo kɛnɛ kendana l’ekongelo k’oyoyo k’okahanyelo w’ekanda. Ɔnangɛso lalɔmbɔla awui w’ekanda nde la ɔhɛna ande kawosangane vɔ la kɔmite y’olimu ya tshumanelo diasangana lo Mbalasa ka Diolelo ɔtɔi kâmɛ ndo l’anangɛso wendana l’awui w’ekanda wa lo tshumanelo diakɔ. Kawovusole awui tshɛ wele lo mukanda wa Ngɔndɔ k’Esambele 1, 1999 ndo “Instructions pour la demande de publications et de périodiques” wa Ngɔndɔ ka Ntondo, 2000 S(d)-15-F. Awui asɔ wayonyokimanyiya dia kondja ekadimwelo lo wembola wambolanyu filialɛ.