Ekongelo ka losanganya l’olimu
Lomingu la ngɔndɔ ka k’Enanɛi 14
Min. 12: Waewoyelo. Waewoyelo w’oma l’Olimu Aso wa Diolelo. Tɛkɛta dikambo dia alapɔlɔ w’olimu wa Ngɔndɔ ka Sato wa lo wodja aso ndo wa l’etshumanelo kanyu. Lam’ele ambotshikala paka wikɛndɛ ehende eto lo Ngɔndɔ k’Enanɛi kɛnɛ, keketsha onto tshɛ dia tomba l’esambishelo la ntondo k’ekomelo ka ngɔndɔ. Vusola ekongelo ka lo wikɛndɛ kendana l’esambishelo.
Min. 15: ‘Tɔlɔ Ta di’Ɔlɔlɔ dia Mbetawɔ.’ Sala mbɔtwɛlɔ ka mondo kahakoke kânga minitɛ ɔtɔi ko wɛ ndjeta lo wembola la ekadimwelo. Ɔsa ndo tokanyi tele lo dibuku Notre ministère, lɛkɛ 44 polo 45, dia mɛnya kɛnɛ kasala ɛnɔmbɔdi wa Wekelo wa Dibuku wa l’Etshumanelo lo kɛnɛ kendana l’olimu w’esambishelo dikambo di’elui awɔ wa wekelo wa dibuku ndo woho wasalawɔ dia kimanyiya onto tshɛ lele l’ohomba w’ekimanyielo ka lânde dia nde sambisha ndo dia nde kimɔka alapɔlɔ esangɔ tshɛ.
Min. 18: Woho Wokokiyɛ Kondja Wahɔ oma lo Kalasa. Ombutshi wa pami ekɔ lo sawola l’anande dia mbakimanyiya woho wa vɔ mbeya ohomba wa mbeka mukanda. (Enda lo dibuku Les jeunes s’interrogent, lɛkɛ 133 polo 139.) Efula k’ɛlɔngɔlɔngɔ l’esekaseka mɛnaka di’oko mbeka mukanda ekɔ wetshelo wa wenya l’andja ɔnɛ wambolola l’efukutanu. Vɔ fɔnyaka nto dia mbɔtɔ kalasa ekɔ oko disanya, lo mbuta ɔnɛ kɛnɛ kayoweka lɛkɔ hatoyoleka mbakimanyiya. Ombutshi ɔsɔ avusole awui w’oma l’Afundelo ndo awasha ɛkɔkɔ w’eshika wɛnya dia ekɔ dikambo dia lomba dia kondja ewo k’oshika ka mukanda. Nde akeketsha anande dia vɔ mbeka dimɛna ndo mbidjaka yimba l’awui wekawɔ la kalasa.
Osambo 127 ndo dɔmbɛlɔ dia ndjihelo.
Lomingu la ngɔndɔ k’Enanɛi 21
Min. 12: Waewoyelo. Alapɔlɔ wa falanga. Sala ɛnyɛlɔ kɛmɔtshi kakatalɔngɔsɔmi dimɛna kɛnya woho wokokiso kadimola dimbola diata ɔnɛ: “Lande na katshika Nzambi ka ngandji di’asui tatetemalaka na?” (Dibuku Comment raisonner, lɛkɛ 376 polo 377) Keketsha onto tshɛ dia tomba l’esambishelo wikɛndɛ ɔnɛ.
Min. 8: “Ekongelo ka Losanganya Layaye la Lânde la Lushi Ɔtɔi.” Dako. Ewoya datɛ diayosalema losanganya la lushi ɔtɔi la lânde naka diɔ diambeyama ndo keketsha onto tshɛ dia tanema lushi l’otondo. Keketsha apandjudi dia mbeta eyoyo ndo anto weka la wɔ Bible.
Min. 25: “Onde Wɛ Ndjâkondjiyɛka Wahɔ?” Wembola ndo ekadimwelo.
Osambo 152 ndo dɔmbɛlɔ dia ndjihelo.
Lomingu la ngɔndɔ k’Enanɛi 28
Osambo 165
Min. 10: Waewoyelo. Ohola anto tshɛ dia kimɔ alapɔlɔ w’olimu wa Ngɔndɔ k’Enanɛi. Ɛnɔmbɔdi wa Wekelo wa Dibuku la dia menda dia kana onto tshɛ la l’olui ande ambokimɔ alapɔlɔ woho wa alapɔlɔ tshɛ tomama la ntondo ka Ngɔndɔ ka Divwa 6.
Min. 15: Ehomba wa l’etshumanelo.
Min. 20: “Nsanganya Kimanyiyaka Ɛlɔngɔlɔngɔ l’Esekaseka.” Wembola ndo ekadimwelo wayɔlɔmbɔma oma le ekumanyi kɛmɔtshi. Lam’akɛtshanyanyu odingɔ 8, nyɔsɛdingole akambo amɔtshi w’ohomba wakimanyiya onto dia ndjasha tshɛ ndo mbidja yimba dimɛna wonya wa nsanganya. (Enda lo Réveillez-vous ! wa Ngɔndɔ ka Divwa 22, 1998, lɛkɛ 18 polo 20.) Keketsha ambutshi dia vɔ ndjashikikɛ dia mbɔtɔka l’anawɔ mbala la mbala lo nsanganya tshɛ.—Enda ɔkɔndɔ wele lo Tshoto y’Etangelo ya Ngɔndɔ ka Divwa 1, 1997, lɛkɛ 25.
Osambo 176 ndo dɔmbɛlɔ dia ndjihelo.
Lomingu la Ngɔndɔ ka Divwa 4
Osambo 196
Min. 15: Waewoyelo. Tɛkɛta akambo wendana la “Woho wa Kamba l’Ekanda Wele lo Lɔkɔtɔ lo waa Mbalasa ya Diolelo.”
Min. 10: Tekɔ lo Sɛna lo Etena Kotshikitanyi. Dako oma le ekumanyi kɛmɔtshi, dako diɔsami oma lo Tshoto y’Etangelo ya Ngɔndɔ ka Dikumi l’Ɔtɔi 15, 1996, lɛkɛ 22 polo 23.
Min. 20: “Onde Wɛ Ekɔ lo Mbikikɛ?” Dako ndo ɔkɛtshanyelo kamɛ l’ampokami. Keketsha anto tshɛ dia mɛnya ekikelo l’olimu aso w’Akristo. Naka wɛɔdu aso ɛmɔtshi wambotomba sɛkɛ, kete pombaka sho ndjakeketsha lo nyuma. Tɛkɛta ndo awui w’oma lo Tshoto y’Etangelo ya Ngɔndɔ ka Dikumi 1, 1999, lɛkɛ 30 polo 31, odingɔ 17 polo 21. Lɔmba apandjudi ahende kana asato wambokikɛ la kɔlamelo l’edja k’ɛnɔnyi, dia vɔ mbuta kɛnɛ katshawɔ l’onto ndo l’onto dia tetemala la mbikikɛ.
Osambo 206 ndo dɔmbɛlɔ dia ndjihelo.